امام الجامع يوم الجمعة : مش عجبك متجيش تصلي ورايااااا هههه !!

[Y a r i s]

امام الجامع يوم الجمعة لاحد المصليين
: مش عجبك متجيش تصلي ورايااااا هههه !!.

قبل ماحد يشتم او يتكلم عن الامام بنص حرف ... اعرف حصل ايه الاول ... علشان توصل شيخ مسجد يوم الجمعة. تاني يوم العيد وتطلع من هدوموا ويقول كده لاحد المصليين !!

الي حصل يا سيدي وفي البداية الجامعه بتعنا جامع كبير في احد الاحياء الراقية ... كانت الخطبة. بتاعت الامام جميلة وهادية واسلوبوا كده يشد الواحد للاستماع لخطبتو ... لدرجة اول ما نحس انوا قعد بين الخطبتين او ابتدى يدعي نبقى عاوزين نقولوا استنى استنى استنى هو احناااا خلاص كده هههههه ،... اقعد ياعم الشيخ كلمنا شوية كمان عن الدين .

المهم بعد الخطبة طلع احد الشيوخ الاجلاء واحد امناء مجلس الحي وصاحب جمعية شهيرة بيذكرنا بالتبرع لاخوتنا ... والتبرع ايضاً للمسجد لاجرائات الصيانة الازمة ليه ... والراجل كتر خيروا احنا كسكان مكلفينوا يتابع دخول الغاز للحي ... كان الموضوع خلاص هيمشي في عهد الرئيس السابق الدكتور محمد مرسي ... وخلاص كان واقف بس على التعاقد ولكن شركة الغاز عاوزة تستغل المواطنين وعاوزة تقلبنا في قرشين ...( باعتبار انوا حي راقي ) .

المهم كل ده وماعلينا والراجل عمال يتكلم في الميكرفون طلع واحد. من وصت المصليين يزعق بعلوو صوتوا ... ويقول يعني من الاخر شركة الغاز عاوزة تسرقنا الله يرحم ايامك يامررررسي. فوقوا بقه يا عالم فوقوا يا ناس بدل مانتوا قاعدين هنا روحوا اتضمنوا مع اخواتكم في رابعه اخواتكم بيموتوا هنااك وانتوا قاعدين معيدين هنا .

المهم الامام بيقولوا لو سمحت خليني اكمل وبلاش كلام في السياسة ... هوبا الدنيا ولعت وقام واحد يعني ايه منتكلمش في السياسة انتا خاااااااايف من ايه ... اشمعنا الكنايس بتتكلم في السياسة ....
المهم هوباااا : قام واحد من مؤيدين الانقلاب بغباوتوا وهبلوا وبدل ما يطينها عماها : يعني انتا عاوز الشيخ يقول ايه خودوا اسلحة وانزلوا مع الخرفان قتلوا الناس ... كلمة من هنا على كلمة من هنا الدنيا شاطت وكل ده فيييين في بيت رب العالمين واحنا واقفين ... ( انا عارف ان لو في صحفي حقيرررررر وفلحوس ) وقرى الموضوع ده ممكن ينشر ويقلك الاخوان يشتبكون مع الاهالي في المسجد . ماهو الي في طبع ...... عمروا ماهيبطلو ويفضلوا يشعللوا الناس كده .

ومع العلم كل الي كانوا موجودين اهالي في اهالي منهم المؤيد ومنهم المعارض .
القصد : كل ده ماعلينا المهم اتطور الكلام انهم مسكو ياعيني الشيخ امام الجامع المحترم وسلخوه. انتا المفروض دورك توعوي توعي الناس وتتكلم عن الي احنا فيه مش تكلمنا عن ايام الرسول والصحابه ( استغفر الله العظيم على هبل الناس وجهلهم ) ... قام ساعتها قال يا جماعه انا مش هتكلم في السياسة وماليش دعوة بيها ... قام واحد مقاوح اكتر مع الشيخ يعني ايه مالكش دعوه بالسياسة خلاص متبقاش تخطب بينا المره الجايه .

قام ساعتها الشيخ : قال لا يسيدي انا هخطب ولو مش عجبك متصليش ورايا مره تانية في ٤٥ مسجد روح صليلك في اي جامع تاني ...

@@@@@@@@@@@@@@

تحليلي لما حدث :
١- الناس عيارها فلت خلالالالالالالالالالاص .
٢- انتا وانتا في زيارة في بيت اي حد اكيد بتحترم المكان الي انتا فيه وبتحترم البيت احتراماً لصاحب البيت .... فما بالك انتا في بيت المولى عز وجل. وترتفع فيه الاصوات بهذا الشكل وبمنتهى قلت الادب والسفالة .
٣- الشيخ المسكين : حالوا حال جميع مشايخ مصر ان. اتكلم في السياسة يطلعلك واحد فلحوس ويقلك لوسمحت ياعمو الشيخ مدخلش الدين بالسياسة .... وان متكلمش في السياسة. يطلعلو واحد زي النهردة كده ويقلوا اتكلم في السياسة .

ايمتى الناس هتفهم ان شيخ المسجد مش مذيع على نجوم اف ام وان الخطبة دي مش برنامج ما يطلبه المستمعون كل واحد طالب خطبه على مزاجوا . ... او سمعنا حته كده ياسيدنا الشيخ من عما يتسائلون واطربنا وسلطنا كده يا مولانا .

ده حتى في تسجيلات القران الكريم تلاقي الشيخ عمال يقرى الاية من هنا سواء كان عبدالباسط ولا الشيخ المنشاوي او احد المقرئين يجي يقول الايه من هنا ويقف ياخود نفسوا تبص تلاقي الناس قامت مهيصه وهيا بتقول ااااااااااااااااالله .... عظمة على عظمة. يا مولانا. قول ياشيخ قوول قول كده وسمعناااا .. وسلطنااا الله ينور عليك يا مولانا ومش ناقص غير يقوم واحد من المصلين ويقول المشاريب النهردة على حسابي . في ايه يا جماعه يعني معقوله مفيش احترام للمكان. ولا احترام للشيخ الي بيقرأ القران ( ومحدش يقول : لا اصل احنا بنشجعوا ) تشجع مين يابيه بس هو مطرب ولا مقرئ !!
الجهل ام الجهل ... يا امةً ظحكة من جهلها الاممممممممموا . شعب يموت في الهيصة يموت في التسقيف يموت في اللمة. ...

شعب غرررريب بجد اتعود كل حاجة يعملها سهرة طربية تقلش بيسمع اموكلثوم الاخ مش قاعدين في جامع ... ويتخانق في الجامع كاننا. في السوق مش في بيت رب العالمين .

ايمتى الناس هتفهم يعني ايه ادااااااااااااااااب المساجد وان للمساجد اداب وحرمات ومن اول ادابه تحية المسجد ركعتين وان تدخلها برجلك اليمين وفي دعاء وانتا داخل من على باب المسجد ودعاء وانتا خارج . ايمتى الناس تحس باهمية الدين واذا انهار كل شيء في الحياة. فلازم نتمسك باحترامنا على الاقل لدور عبادتناااااا .... الطريف في الموضوع ان الي انتهكوا حرمت الجامع النهرده بصيانحهم ونواحهم وخناقتهم. كانوا كل ما نقولهم عيب ياجماعه احنا في مسجد كانوا يكلمونا عن محاصرة بعض المساجد في الجمهورية واقتحام بعض المساجد على مستوى الجمهورية .... طيب عظيم وممتاز ازاي انتوا مش عاجبكم مثل هذا التصرف وانتم. بتتصرفوا بابشع من هذا التصرف. وتنتهكوا حرمت مسجدنا .... ياجماعه ابوس ايديكو اعرفو ان المساجد ليها قداسة .... ومش معقوله يوصل بينا الاستخفاف انك تكون قاعد في خطبة الجمعة وتبص تلاقي الي جمبك موبايلوا يرن فيقوم ياخود بعضوا ويطلع واحنا في نص الخطبه. يوقف على الباب يخلص مكلمتو ويرجع يقعد عادي كده ... تقلش قاعدين في اجتماع اولياء الامور مش قاعدين بنحضر خطبة الجمعة ... الاخ الاستاذ المحترم انتاااا بين يدي الله رب العالمين ..انتا في بيت ربنااااا حرام عليكم اتقوا الله ... الاسكاي بي والواتس اب والبي بي ام مش هيطيروا. احترموا بيت ربنا ابووس ايدكم. ... احترموا خطباء المساجد اتوسل اليكم ... كل ما يحدث لنا ماهو غير غضب من رب العاااااالمين ... والله العظيم غضب من رب العالمين ... وزي مانتوا شايفين الموضوع مش سياسي ( محروق ابو السياسة ). الموضوع هو احترام الخطباء وسلبيات وايجابيات التي تحدث بداخل المساجد

@@@@@@@@@@@@
واسف على الاطالة
وتحياتي

[mohammedgido]

عندما أرى امثال هؤلاء من الطرفيين أتذكر علي الفور تصنيف علي بن ابي طالب -رضي الله عنه - للناس حيث قسمهم ( عالم رباني ومتبع علي سبيل النجاه و همج رعاع اتباع كل ناعق ) وهؤلاء ينطبق عليهم الصنف الثالث همج رعاع اتباع كل ناعق ..

[buksh]

رأى الشخصى اللى ولع المشكلة دى خروف اخوانى وده باين من كلامك "
المهم كل ده وماعلينا والراجل عمال يتكلم في الميكرفون طلع واحد. من وصت المصليين يزعق بعلوو صوتوا ... ويقول يعني من الاخر شركة الغاز عاوزة تسرقنا الله يرحم ايامك يامررررسي. فوقوا بقه يا عالم فوقوا يا ناس بدل مانتوا قاعدين هنا روحوا اتضمنوا مع اخواتكم في رابعه اخواتكم بيموتوا هنااك وانتوا قاعدين معيدين هنا .

المهم الامام بيقولوا لو سمحت خليني اكمل وبلاش كلام في السياسة ... هوبا الدنيا ولعت وقام واحد يعني ايه منتكلمش في السياسة انتا خاااااااايف من ايه ... اشمعنا الكنايس بتتكلم في السياسة .... "
وده المفروض كان اتمسك واتحرق وهو صاحى عشان ما احترمش بيت ربنا واستغل المسجد للصالح الشخصى زى بقيت جماعته
الناس كانت قاعدة وساكته ايه اللى خلاه يتكلم

[Lifz_Good]

ربنا يسترها علينا وعلى مصر
ازيك يا محمد بيه
ومبروك الذهبية يا كبير وياريت نشوفك تاني في تويوتا بأه
مش عمدة القسم كلام وخلاص يعني :) :) :)

[ganash]

زى فى اول رمضان جارى اخوانى وراجل محترم جدا والناس بتحترمه هو على طول بيصلى بينا امام ومشاء الله صوتو كويس وجميل كان بيصلى العصر واحد من المصليين قام مزعق وقال لا انا مش هصلى ورا الكافر ده !!!!

[Mohamed_Hamid]

كل سنة وانت طيب ياريس باشا
بعد اللى شفته على مدار سنتين ودفاعى الشديد عن الثورة فى بدايتها وهجومى الشديد على الحكم العسكرى وأصحاب البيادات ومعايشتى لأخلاق الشعب المصرى واللى كانت فى نظرى كوم واللى حصل معايا وانا راجع من القاهرة يوم الأربعاء اللى فاتت واللى شفته يومها من دناءة وحقارة أغلب الشعب المصرى توصلت الى الحقيقة التالية:
الشعب المصرى لا يستحق الا حكم الكرباج لأنه بمجرد أن يجد متنفسا للحديث يحرق نفسه ومن حوله.
على فكرة لو كان امن الدولة بتاعة حبيب العادلى رجعت اشتغلت زى الأول مكنش دكر فيهم فتح بؤه.. على العموم coming soon

[Khaled Seif]

السلام عليكم ورحمة الله وبركاته

حبيبي الحاج محمد أبو نركي , تقبل الله منا ومنكم صالح الأعمال

الحقيقة أنا من أكثر الناس شعورا بهذا الأخ الفاضل إمام هذا المسجد , لتعرضي أيضا لبعض المواقف في خطبة الجمعة

وعامة في غير خطبة الجمعة من جهل للناس بآداب المساجد

فتجد رفعا صوت في بيت الله بغير ذكر لله - وعدم التحلي بالأدب في مخاطبة أهل العلم - وانشغال بأمورالدنيا في المسجد -

والإنتصار والتعصب للرأي الذي يعتقده صاحبه فقط دون أن يعلم أن قوله يحتمل الخطأ وقول غيره يحتمل الصواب ,,,,,,,,

اللهم اهدنا لأحسن الأخلاق لا يهدي لأحسنها إلا أنت واصرف عنا سيئها لا يصرف عنا سيئها إلا أنت

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

اللهم اصلح لنا ديننا الذي هو عصمة أمرنا وأصلح لنا دنيانا التي فيها معاشنا وأصلح لنا آخرتنا التي إليها معادنا

واجعل الحياة زيادة لنا في كل خير والموت راحة لنا من كل شر ولا تتوفنا إلا وانت راض عنا

[Y a r i s]

حبايب قلبي تسلملي مشاركتكم جميعاً
وكل عام وانتم بخير يا اغلى الغالين واحب الحبايب .... فعلاً معاكم حق ومع اني ضدد كل الي حصل في مصر لكن الي مصبرني بقول البلد دي مش بتاعت دميقراطية البلد دي كشك بالمهلبية لذلك محتاجة راااجل محتاجة واحد يحكمها بالقوة ... بس علشان منتجهش للسياسة ونقول واحد حكمها بالجزمة عاش وعمر ٣٠ سنة وواحد حكمها بقال الله وقال الرسول مكملش سنة وشالوه .... بس الموضوع مش هنا الراجل الي اتكلم في قلب الجامع راجل كبير ستين او خمسه وستين سنة ومن سكان الحي ومحدش يعرف هويتوا السياسية ايه.... لان مش كل مؤيد اخواني ومش كل معارض فلوللي ... شيخ الجامع معروف ميولوا الاخوانية لكن رافض تماماً التحدث بالسياسة داخل المسجد ... ليه لانوا عارف كويس ان هيلاقي نص المصليين مؤيدين والنص التاني معارضيين .

بس عيبوا ( وهو ده الموضوع هنا ) ان كل واحد عاوز يسمع من الشيخ او من الامام الي على مزاجو .... يعني مثلاً شوفتوا فوق انا قلتلكم ايه. ... قلتلكم بحب اسمع خطبة الشيخ ده وكل ما يجي يخلص اقول في نفسي استنى استنى استنى .... هو احنا خلاص كده ( زي اعلان اتصلات). وابقى مش عاوز امشي ومستني يكون في اكسترا خطبة بعد خطبة الجمعة ... يعني من جوايا بالبلدي كاني بقول ياليل طوول شوية على. الصحبة الحلوة ديه ... بس كمان متأكد مليون في المية ان اكيد زي ما انا عجباني الخطبة اكيد على الاقل نص المصلين مش عجباهم. وفي منهم الي بيقول يا ساترررر دانتا رغاي رغي اخلص ياعم الشيخ انتا لسه هتحكي وتحكيلنا ابو قتادة عمل ايه. وابو مصعب راح فين .
( استغفر الله العظيم ) دي نقطة .

النقطة التانية : هيا كلمة الخرفان بصراحة انا بشوفها تقيلة على القلب ولا تخدم المصلحة الوطنية في الوقت الراهن .... لما دول يشتموا دول ودول يشتمو دول ... والشتيمة بداية الخناقه. والخناقه بداية حرب والحرب حرب اهلية .... فبلاش منها الله يرضى عليكم .
ومحدش يقلي تشبيه ... لان هنخش في جدل بيزنطي مفرغ ... ونلاقي البلد وقعت في زمبيل ونفق مظلم مفهوش برطوم متنفس او مخرج من هذه الازمة ... نرجع بقه لازمتنا ازمت انعدام الاخلاق في المساجد ... ازمة. فلاتان الناس داخل المساجد وعدم احترام بيوت الله ... انا معاكم ان بيت ربنا ممكن يكون مكان مناسب لمناقشة كافة امور الحياة واديكم شفتم احنا كنا بنتناقش عن مشككلة دخول الغاز الحي ... بس الكلام ده لمن نكون بني ادمين ونتعلم نتكلم بادب واحترام ونبعد عن سياسة الصوووووت العالي. والزعيق والتنهيق .

والنقطة التالتة والاهم : احترام الامام. ياجماعة في رمضان كان الامام بيصلي بينا وجه. غلط في اية الناس بقت ترد بشكل يلخبط الي متلخبطشي وبصوت غير مسموع رجع الامام يكمل السورة غلط في اية تاني ... مش عاوز اقولكم. الراجل بعد ما خلص الصلاة( والسلام عليكم ورحمة الله السلام عليكم ورحمة الله ) الناس سلختوا وازاااااي تقول كده وانتا المفروض كنت قلت كزا ومنهم الي جررري فتح مصحف. علشان يوريلوا الاية ولسه عمال يقلب في الفهرس ومنهم الي اشتغل محلل نفسي وقال صحتك مش عاجباني النهردة انتا في حاجة مدايقاك ياشيخنا ، طيب انتا فطرت ايه النهردة !!. ومنهم الي بيطبطب على كتف الشيخ ويقلوا قوم روح انتا وانا هكمل بداااالك صلاة الترويح . ههههه ربنا يصلح الحال قادر ياكريم ... وتحياتي

[eslamrace]

والله اللى بيحصل فينا ده كتير طيب المؤيد والمعارض يسيب بيوت ربنا لينا تكون متنفس ومكان يهدى الناس ويبعدنا عن صراعات الحياه ويسيبولنا الشيوخ الافاضل الباغين وجه الله لينا مرجع علشان لما نعوز نكلم حد فى امور ديننا نكلمهم بدون منصنفهم على مزاجنا .
الناس عندها البلد كلها وفى كل مكان شغل ،بيت،شارع يتكلموا فى السياسه براحتهم بلاش المساجد وكلنا دعينا قبل 30/6 ربنا يعمل الصالح للبلد ولو الخير فى مرسي يفضل ولو الخير فى غيره يمشي يمكن ربنا استجاب لحد من المؤيدين ولا المعارضين وان ده الخير سيبولنا الدين بصورته الجميله بلاش ندخله فى صراع تلات ارباع اللى بيتكلموا فيه بيتكلموا عن جهل وعن تعصب بس .

ياريس باشا بجد الموضوع مش اخوان ومؤيدين الموضوع زى مقولت قله احترام مننا لبيوت ربنا وبجد ربنا يباركلكم فى امام المسجد ده لانه واضح انه محترم وتصرفه سليم ورد فعله مثالى .

[Y a r i s]

السلام عليكم ورحمة الله وبركاته

حبيبي الحاج محمد أبو نركي , تقبل الله منا ومنكم صالح الأعمال

الحقيقة أنا من أكثر الناس شعورا بهذا الأخ الفاضل إمام هذا المسجد , لتعرضي أيضا لبعض المواقف في خطبة الجمعة

وعامة في غير خطبة الجمعة من جهل للناس بآداب المساجد

فتجد رفعا صوت في بيت الله بغير ذكر لله - وعدم التحلي بالأدب في مخاطبة أهل العلم - وانشغال بأمورالدنيا في المسجد -

والإنتصار والتعصب للرأي الذي يعتقده صاحبه فقط دون أن يعلم أن قوله يحتمل الخطأ وقول غيره يحتمل الصواب ,,,,,,,,

اللهم اهدنا لأحسن الأخلاق لا يهدي لأحسنها إلا أنت واصرف عنا سيئها لا يصرف عنا سيئها إلا أنت

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

اللهم اصلح لنا ديننا الذي هو عصمة أمرنا وأصلح لنا دنيانا التي فيها معاشنا وأصلح لنا آخرتنا التي إليها معادنا

واجعل الحياة زيادة لنا في كل خير والموت راحة لنا من كل شر ولا تتوفنا إلا وانت راض عنا

اهلاً اهلاً اهلاً حبيب قلبي يا ابو معاذ منور يا غالي
واللهي ثم واللهي بكسر الهاء انتم لكم الجنة. علي بتشوفوه مننا ... حبيب قلبي يا شيخ خالد. تحياتي لك يا عزيزي . ولجميع اصدقائي واحبتي المشاركين في الموضوع. سامحوني مش قادر اعمل اقتبسات كتيرة لاني شغال على تيلفون بس كلكم بالقلب واللهي وتحياتي

[Elawany13]

الشعب المصرى خاب وعياره فلت خلاص

[mr_safwt]

ماذا تتوقع من بلد الاختلاف فى الراى فيه يجعلك اما خروف واما عبيدا للبيادة

[mahmoud_afifi]

باختصار سبب الي حصل نقص في الاخلاق ونقص في الدين.

[Dr_Mido]

علي فكره انا اعرف مؤيدين كتير ومعارضين كتير ومش بنتخانق حتي لو الافكار السياسيه مش،متفقه يعتي صاحبي مؤيد وحافظ 18 جزء و ئيصلي بينا ارجعه علشان مؤيد مثلا مفيش احترام للاماكن علشان احنا شعب بيخاف من جيبه

Sent from my Xperia Arc S using Forum Runner

[monamize4]

موقف محزن فعلا و بيعكس صورة الجهل اللى بعض الناس وصلوله

و من الحاجات اللى بتألمنى جامد برضه ,,
لما الشيخ يدعى ف الصلاة على السيسى او اتباعه
يعنى لو حد من اللى بيصلوا ورا الشيخ دا كان من مؤيدين السيسى ,,
المفروض يقول امين و لا يسيب الصلاة و لا يرد على الشيخ و يبوظ للناس صلاتهم و لا يعمل ايه بالظبط !!!!!!!!!!!!!!!!!!!!!!!!!!!!!!!!!!!!!!!!!

,
,
,
و جهة نظرى الشخصية ان الشيخ حتى لو كان منتمى لاحد الفريقين (مؤيد او معارض) , لازم يكون محايد ف كلامه جوه المسجد , لان المسجد بيروحه ناس من الفريقين مش من فريقه بس .