بلطجه - سيوف - عربيتي اتكسرت - محاضر - ضرب نار- عيد سعيد جدا

[egyptiandiver]

الف سلامة عليك...

[RAPID]

حمدا لله على سلامتك شنورى باشا ..

المفروض الحكومة تفتح فرع جديد فى الشرطة وتسميه شرطة مكافحة البلطجية والمخلوقات الضالة تلف الشوارع واى بلطجى ولا عيل حشاش مؤذى ياخد له رصاصة وشكرا، زى فرق مكافحة الكلاب الضالة يمكن ننضف شوية وانا متاكد لو اتعمل استفتاء على القانون هينجح بنسبة 150%

البلد حالها من سيئ لاسوء

[Y a r i s]

ولحد ايمتى بس ياشنوري يا خويا هتفضل الشرطة كده ايدينا منهم والارض
انا بقول لو نرجعلهم حسني يمكن وخدين على خاطرهم او نطلعلهم حبيب .... او ممكن احنا كاهالي نعمل مثلاً جوائز تحفيزية اقبض على مجرم. وخش سحب على عربية. ... او ممكن تكسب رحلات عمرة .... ماهو لازم نتصرف .

بيقلك ياسيدي في البحريين كان عدد المواطنين قليل .... فابتدوا يبعتوا للخارج يستوردوا شرطة من جنوب شرق اسيا ووكلاء نيابة من الدول المحيطة. يعني ممكن تلاقي ضابط شرطة هندي ورائد بكستاني .... بس في الاخر والاهم ان في امن في البلد ... فانا شايف لو الوضع هيفضل كما هو عليه كده ااننا نبعت نجيب شرطة من بره. وامرنا لله. بقه .

ربنا يعوض عليك يا عزيزي ... ومش عارف اقولك ايه. عيد سعيد ولا عيد غريب .
وصل بينا الحال. ان يكون كل مطالبنا وكل ؤمنيتنا. انوا يا جماعه الي عاوز يحشش يحشش بس ياريت تحشش قدام شوية ياكبتن وبلاش تحشش تحت البيت عندي هههه . ... تحياتي وربنا يعوض عليك يا صديقي .

[أشرف فتحى]

حمدا لله على سلامتك يا شنورى...أكتر حاجه معاك حق فيها وجربتها بنفسى ايام شبرا.....إن جيرانك هيقفوا ورا الشيش يبصوا ويعملوا انهم مش هنا.....وكلهم هيبقوا اسود بعد ما العركه تخللص..!!

[SHNORY]

ربنا يسلمكم جميعا من كل شر
وبخصوص الجيران احنا مش عاوزين الناس تمسك سكاكين
انا فيه 2 من جيراني شباب نزلوا وقفوا معايا ربنا يباركلهم
الناس حتي لو نزلت وقفت بس من غير ما تعمل حاجه
محد حيقرب منهم

الحمد لله ان الموضوع خلص على خير

العيال دى قذرة و ملهاش اى لازمة و قلة قيمة اننا نتعامل معاهم اصلا بس هو الموقف الى كان لازم يبقى ليه نهاية و يتحل

وبالنسبة للاسلحة دى كلها فوتوشوب و مش حقيقية ولا تمس للحقيقى بأى صلة و أى تشابه بنها و بين السلاح الحقيقى مجرد صدفة طالما الشنورى بيسيح كده

ههههههههههههههههههههههههههههههههههههههههههههههههه
ياعم انا مسيحتش والله
الحاجات اللي جت دي كانت فواتح شهيه مش سلاح ((:
حبيبي يا درش ربنا يباركلي فيك وفي اخواتك
ويقدرني ارد جمايلكم

[محمد يوسف]

كل سنة وانت طيب..وعيد عنيف

[SaSa.FireBlade]

دة بقا حال ناس كتير فردة درعتها ومبيكشوش غير بلنار نفس الى حصل معايا http://www.nilemotors.net/Nile/371819-a.html فى الموضوع دة

[ahmedhilmy]

الحمد لله ان الموضوع خلص علي خير

[SYD]

الف حمدلله ع السلامة يا شنوري
انا ماتخيلتش الموضوع هيتطور كدة
انا افتكرتك هتاخد معاك اتنين اصحابك وتروحو تأدبوهم

كل سنة وانت طيب

[bmya]

حمد الله على سلامتك يا شنوري بك وكل سنه وانت طيب

[hazemhany]

المشكلة الحقيقية ان احنا مش عارفين احنا في دولة يحكمها قانون الغاب ولا دولة يحكمها القانون ...لأنه في الحقيقة احنا بنعيش في دولة بين البينين ...يعني لا دي ولا دي ..وهي دي المشكلة الأكبر ..يعني لو بيحكمها قانون الغاب علني كده ومفيش داخلية يبقي اتحلت واللي هيجي ع حق حد يبقي يموته ونخلص بقي وهتبقي العيشة فل ..وبرضه لو فيه قانون ياخد حق الناس دي ع اكما وجه يبقي كويس وهروح ابلغ ويجوا يقفشوا الجناة وياخدوا عقابهم وتبقي اتحلت برضه ..انما الوضع اللي احنا فيه ده مميت لأن انا ممكن اخد حقي بدراعي واموت بلطجي بيعتدي عليا وع اهل بيتي واتحاكم فيها واخش في س و ج في حين ان اللي بيبلطج وبيفتري ع خلق الله محدش يجرؤ انه يكلمه ...في رأي احنا محتاجين اننا نرسي ع بر

[amr011111]

الحمد لله انها جت سليمه وتصرفك تمام
بس نصيحه لاى حد حتى لو الموضوع مش تحت بيت الواحد ميقدرش يموت حد لان المحضر بينكتب فيه العناوين
وباى 20 جنيه لامين شرطه هيديك صورة المحضر
وربنا يسترها علينا جميعا

[dr-mohamed]

اهم حاجة انك خرجت من المشكلة دي سليم
ولما انت مكنتش حاسس قلت ايه وانت منشن المسدس على دماغ الواد مخوفتش تضربه وانت في الحالة دي
الحمد لله ان الحاجة بخير وانك بخير عشانها مش عشان بحبك ولا اي حاجة انا مش طايقك اصلا :)

[mr.foxman]

و اللي مفيش معاه سلاح يعمل ايه ؟

[khaled_sabry]

- اللي منعني ومنع الناس عن البلطجه واننا ندبح العيال دي مع انه في ايدنا فعلا
ان الخناقه تحت بيتي
يعني بتسيب امك ومراتك وعيالك واخواتك في البيت وساهل اوي ان حد ينتقم منك او يضايقهم
- اخو مصطفي حسسني اني ايام الثوره كنت ببيع مسدسات ميه مش سلاح (معلش يا ديشه بسيحلك )
لاني اخدت منه مسدسه لان المسدسين الي عندي واحد كان عطلان والتاني صوت مش بيقتل ولا يتعدل
ولما روحت القسم ورجعت لقيته جايب شنطه سلاح احتياطي
- كان في ايدنا نضرب خرطوش وحي ونولع في العيال دي
بس زي ما قولتلكم العيال دي موراهاش حاجه غير الشر ودا كان من اهم اسباب الصلح
- حسيب شغلي واقعد في بيتي شبه فيلم تيتو كده
مخزن سلاح وقاعد اقابل الهجمات اللي جايه تنتقم لاصحابهم
واللي حيجيلي النهارده من معارفي مش حيجيلي بكره لانه ممكن يكون بعيد او نايم او مش فاضي
وممكن ميلحقش ييجي لان العيال دي بتهجم في دقايق وتجري

قصتك دى فكرتنى بحاجه مشابهه حصلت فى رمضان اللى فاتت ده على طول برضه
العماره اللى جنب العماره بتاعتنا صاحبها مقاول و عايش فيها و لسه بيشطب فيها شويه شقق
المهم العمال فى يوم (التفويض بتاع السيسى ) اكتشفو ان فيه بابين شقق اتسرقو
و شويتين كده لاقو واحد خارج بباب ثالث (حرامى بجح) طبعا مسكوه و ادوله علقه موت و الشارع كله اتلم و حبسوهه جوه العماره و اتصلو بالشرطه
شويتين الاقى اصحاب الحرامى جايين و معاهم خرطوش و عاوزين يطلعو الحرامى
المقاول اتصل باصحابه هو كمان و جم بالاسلحه بتاعتهم هما كمان و بقى الموضوع شغالين زعيق و انا بتفرج من البلكونه و مرعوب على عربيتي لأنها كانت راكنه جنبهم ب 5 متر
المهم فى الاخر خالص المقاول اطر انه يسيب الحرامى لأن الشرطه ماجتشى بعد اتصالات لمده 4 ساعات - و فى نفس الوقت هو ماكنشى يقدر يطلعه من العماره و يركبه اى عربيه لأن اصحاب الحرامى كانو مستنين اى فرصه يهربوهه و كمان علشان مايبقاش فيه هجمات انتقاميه

- اهم درس لازم الناس تعرف انك تملك قوه ضاربه وانك مش اهبل ولا عبيط وان طيبتك مش من فراغ
انما سكوتك لانك مستحرم تقتل بني ادم

- جارك لو شافك بتتقتل حيطلع الموبايل ويصور ويفرج اصحابه علي الصور
او حيقف ورا الشباك يتفرج ويلبس طرحه

دى اكبر مشكله - حتعرف ازاى للناس انك جامد او على الاقل ازاى حتدى الإيحاء ده
واحد زى حلاتى انا مش بتاع خناقات و لا مشاكل
كبيرى فى الاسلحه مسدس صوت معدل و عمرى ما استخدمته فى مشاكل - مش لأنى متعقل لأ لأنى مش بعرف ازعق و اشتم و اعمل جو الاكشن المناسب ليه