Tweet
بعد اذنكو يجماعة انا جاى من اسكندرية الزراعى وهاخد دائرى المطار اروح بقا ازاى اكوا بارك اعدى النفق وبعدين ؟؟؟؟ يريت بس حد يشرحلى بالتفصيل شوية عشان متوهش
-
-
هتاخد الدائري وتعدي النفق وتفضل ماشي 2 كيلو، هتلاقي يافطة بعدها بتقولك خد الجمب اليمين عشان تاخد محور سعد الدين الشاذلي، خد يمين وامشي على 60 كدا واستعد للمحور بتاع سعد الدين الشاذلي، ادخله وامشي فيه على سرعة 30 كيلو متر عشان فيه حوداية جامدة جدا في اوله، بعد كدا تكمل جوا المحور هتنبهر طبعا من المحور وحلاوته وشغل ولاد القوات المسلحة، ميهمكش وخليك مكمل طوالي لحد اخره :)
في اخره هتلاقي طريقين يمين وشمال، انت تحضن اقصى اليمين هتلاقي مكتوب على اقصى اليمين : الشروق الاسماعيلية العاشر، هتلاقي نفسك بقيت في طريق مصر اسماعيلية الصحراوي...
يدوبك هما 10 دقايق سواقة لو انت ملتزم بالسرعة 90، وهتلاقي اكوا بارك على شمالك، يعني الناحية التانية من الطريق..خد اول يوترن وبعدين ادخلها.
وانت مروح بقا من هناك هتكمل طوالي طوالي لحد ما تلاقي الدائري من عند السلام.
يارب تنبسط وتقضي يوم لطيف. -
متشكر جدا لردك جزاك الله خيراComment
Comment