ظاهرة غريبة !!!!!

[SaSa.FireBlade]

بعيد عن الموضوع
الاخ صاحب الموضوع عنده كام سنه ومخلص ايه ؟؟
مستحيل كميه الغلطات الاملائيه دى
ارحموا ام اللغه العربيه فلقتونا

انا فى 3 نظم ومعلومات بس المشكلة انى مش بعرف اكتب على الكيبورد اوى

[A.Saad]

مثلن ولاكن مش كيبورد خالص

قول لوالدتك تكلمها افضل

[Mohamed_Hamid]

فيه بنات فى سن المراهقة بتبقى من عيلة وتلاقى عندها انجذاب انها تعرف عيال من فئات اقل كثيرا من الناحية الاجتماعية والثقافية...يعنى زى الحالة اللى احنا بنتكلم فيها دى البنت بتتكلم مع الواد ده من دافع الفضول ولأنه عنده جرأة (بحكم انه سبرسى وكلم قبلها بدل البنت عشرة ) مش موجودة عند العيال اللى من سنه بس من نفس مستواها ( ابن طنط سوسو اللى بيتكسف يبص لها ) اعتقد ان البنت مش منفلتة بس هى شكلها يعنى معتدة بأنوثتها زيادة ومحتاجة ةبقى لكلمة حلو ومعاكسة وكدة وده اللى لقته مع العيل السبرسى ده...فى كل الأحوال طبعا هى فى خطر لأن الواد عايز يلعب بيها ولو عنده فرصة يلعب بيها اكثر من كدة مش هيتأخر....الحل فى رأيى انك لو تعرف حد يوصلها (يستحسن واحدة ست )ويحذرها من خطورة الموضوع ده وان لم ترتدع يبقى بلغ ابوها فورا وانا مش حابب تبلغ ابوها من اول مر لأنك متضمنش رد فعله ممكن يبهدلها ولا يموتها

[Y a r i s]

مش عارف من جوايا صوت اب بيقول لالالا لازم تبلغ ابوها
وصوت تاني انسان كان شب بيقول : وانتا مااااالك ... يا اخي يا اخي حب لاخيييييييك ما تحب لنفسك هههههههه
يعني علشان انتا مش لاقي. تقوم تفقعني اسفين عند ابوها ... وجوايااا صوت مشتت ومقسوم الى قسمين مؤيد ومعارض. من ناحيه بقول هو الي احنا فيه ده كلو بسبب انهيار اخلاق المجتمع والشباب بقه عندهم برود وتلامه وقلت دين وقلت ضمير ... وصوت تاني بيقول ماهو برضو مشكلت الشباب منفسنين من بعض وعندهم نقص فيتامين الحب والغرام وانيميا هيااام مما قد يسبب ضعف في عضلات قلوبهم ....

بس خلي بالكم من ابعاد الموضوع !!!

ابعاد الموضوع ان لمن الشب ينفسن من اخوه الشب يبقى مشكلة التحرش هتزيد وتكبر
بمعنى شاب محروم ياعيني من الحب. وشاف واحد اقل. منوا. قاعد مع وحده امورة وحلوة. على شط النيل وتحت ضوء القمر صحيح مبيعملوش حاجة. بس ماسك ايديها وقاعدين بيحبو ويتحبوا .... يقوم بمجرد ما تمشي البنت دي لوحدها. فهتبص تلاقي الشب المحروم يحاول يتحرش بيها. ... ومش بس كده

الشاب المحروم اول مايشوف بنت. شبه البنت الي كانت قاعده بتنحب حتى لو كانت لابسه نفس لبسها عقلوا ممكن يصورلوا انها هيا هيا لمجرد انها لابسه نفس الطقم فتلاقي الوسواس الداخلي يقول تعالي بقه يا حلوة بقه عملالي فيها شريفه وانتي كنت قاعده ( بتنحبي على الكورنيش ). ويقوم يروح. يتحرش بيهاااا .

تصور يتحرش بانسانه شريفه عفيفة لمجرد انها لابسه نفس الطقم بتاع انسانه كانت بتتحب على الكورنيش !!! او حتى فيها شبه منها ... ! هنا بقه. انتا عالجة مشكلة. بخلق مشكلة اكبر واكبر .... بل خود عندك كمان. الشب المحروم. لمن ميلاقيش رادع يردعو. ويزيد في حرمانوا. ممكن يشوف راجل مع مراتوا ماشين ياعيني وبيتمشوا في منتهى السعادة لانهم معندهمش عربية ولا حتى واقفين مستنين ميكروباص ... بس ماسكين ايد بعض وراضين بحالهم تبص تلاقي الشاب المحروم وهو معدي عليهم بالعربية ولا بالمكنه ولا بالتوك توك بتاع اهلوا تلاقيه يقوم قايل سييييب النعجة يا خروف. وياخود بعضوا ويجري !!!

حتى لوكان الراجل ومراتوا شايلين عيل او معاهم بنتهم الصغيرة لكن خيالو المريض وعقدتوا النفسية ونفسنتوا الشديدة وحقدوا. منعوه انوا يشوف ان في طفل معاهم .... لأ والاخطر من كده وكده انك حولت الشاب المحروم ده من انسان من لحم ودم الى انسان كل هموا في الحياة كيف يمغص حياااة الاخرررريين .. يعني يتحول لانسان بايوحباطي . ... وموتوا وسموا يشوف انسان سعيد ...

طبعاً هو الموضوع يختلف شوية ان البنت عندها ١٥ سنة فهنا تختلف القصة ... لكن ازاي عرفت انها عندها ١٥ سنة ماهو هنا برضو بيفتح باب الحكم على الناس في بنات مهما كبروا تحسها كده كتكوته صغيرة وفي بنات كتاكيت صغيرة بس جسمها بسم الله مشاء الله تحس انها عروسة كبيرة. وهيا لسه في اولى او تانيه اعدادي .

لايمكن الحكم. على الناس. مستحييييييييييييل ... الا اذا كنت قاضي ... اما تكون انسان بسيط وماشي في الشارع. ولا وراك ولا قدامك وقاعد بتحكم على الناس فده شيء صعب . ...انا سافرت بلاد كتير على قدي لقيت فيها الواد بيبقى قاعد جمب البنت. عادي وبيعتبرها واحد صحبوا حتى و موضوع من المسلامات.

البنت بتلبس وبتخرج ومحدش حتى بيبصلها او يلتفت ليها. لييييه لانوا شيء عادي لكن في مصر هنا البنت عندنا شيء مقدس زيادة عن اللزوم وعملة نادرة في اكتر من اننا بقينا نروح الافراح نلاقي تلات تربع. الفرح رجالة وشوية بنات كده. قاعدين على جنب ... حتى الي قايمين يرقصوا كلهم رجالة وشباب وشنبات وهز يا وز ... وهشك بيشك ومفيش وحده يا جدع. تخلي عندها دم وتقول لمن اقوم اتحزم وابين قدراتي :) يمكن الفت نظر عريس. ويجي يسئل عني ويتقدملي .

القصد ونهايتو. .... مش علشان تحمي شيء تقوم تدمر شيء تاني .
ولابد ان لانحول المجتمع الى مجتمع ذكوري بحت ... كل همه وكل تفكيروا شيء من المسلامات شئت ام ابيت كل واحد مننا في ليه مليون ؤنثى بحياتوا. ( اشي ام. اشي اخت اشي بنت خالك اشي بنت عمتك. اشي جارتك اشي زميلتك ) يعني الستات في حيات كل منا زي الهم على القلب .

فما تفتكرش لانك ماعندكش حبيبه يبقى عندك فراغ عاطفي ده بالعكس ده انتا كلك عواطف. واحاسيس. اكتر من اي حد تاني. بس محوشهم. بغاباوتك. لصاحبة النصيب. الي ربنا كتبهالك ... وياهناها ويا سعدها الي هتخش قلبك وتغرف وتاخود من عواطفك واحاسيسك. ... فما تستعجلش على رزقك ... بس كمان ما تبصص لرزق حد علشان. ربنا يباركلك في رزقك ومايحشهوش عنك صفي. النية وامشي في البرية .

ومتدوش للانثى اكبر من حجمها لانها مخلوق زيها زيك ... ودع الخلق للخالق فمن راقب الناس ماتهمم .... وتحياتي

[S O P H O S]

احسن حاجة تدور بعنيك علي الكويس
لان الوحش مفيش اكتر منه وفكل شارع او جامعة او او هتلاقي
انما الكويس هتدور عليه شوية لكن موجود
مجرد رأي ..

[magic girl]

الاهل يا حبيبتي طالعنين عنيهم في لقمة العيش
انا مش معقوله همشي ورى عيالي. زي المخبريين او اعين مين يراقبهم ... وقد ما ربينا وقد ما عليمنا رفقاء السوووووء كتار شيرهم ... والبركة فيهم بيشيروا براكتهم على عيالنا ويعلموهم من الالفاء للياء في الفساد . ...

وبعدين في حاجة اسمها ٢٤ ومش عاوزه اتجوز!!
باباكي ومامتك ليهم عليكي حق. ومحتاجين يفرحوا بيكي ويطمنوا على. بنتهم ويشيلوا احفادهم واحفاد احفادهم كمان... وهو افضل سن للجواز السن من ١٨ لغايت ٢٦ سنة كده بيبقى الانسان في عز معمعة شبابو ... وعنفوان صحتوا انوي انتي بس كده وملكيش دعوه .... وتحياتي

طيب حاجة حاجة.. انا اهلي زي كل المصرين طلع عينهم في لقمة العيش.. بس الحمد لله منسيوش يربوني.. و يربوني دي مش معناها اني قافلة على نفسي.. بالعكس انا منفتحة جداً على الناس و عرفت نوعيات بشر عجيبة.. عرفت المتشدد و الملحد و بتاع الحشيش و بتاع البنات و عالم عجيبة.. عرفت ولاد ناس و عرفت ولاد تييت.. كان اسهل حاجة اني ابقى بنت تييت معاهم.. من الأخر.. انا دلوقتي عايشة لوحدي برة مصر اصلاً و مفيش حد رقيب عليا.. ممكن اعمل ما بدالي.. بس عشان التربية فانا الحمد لله ماشية كويس..

يعني من الأخر.. اللي عايز زرعة كويسة يهتم بيها مش يقعد يتحجج بلقمة القاضي !!

تاني حاجة موضوع الجواز.. اه انا عندي 24 سنة و مش عايزة اتجوز دلوقتي !! انا الجواز بالنسبة لي مش فرح و فستان و فسح في الأول و شهر عسل في اليونان و بيبي كيوت يتلعب معاه شوية !! الجواز مسؤولية و حد هابقى مرتبطة بيه وبيت و لو فيه اطفال فتربية ده غير الشغل اللي الواحد بيشتغله اساساً.. و انا مش حمل المسؤولية دي دلوقتي.. رحم الله امرؤ عرف قدر نفسه !! بدل ما اتجوز و اطلق كمان سنة لا اقعد كده لحد ما احس اني قد المسؤولية..

[SaSa.FireBlade]

انا قولت لاءمى وهيا قالتلى هتتصرف علشان ضميرى مياءنبنيش لاءن الواد دة مش كويس فعلا واكيد يعنى العلاقة الى مابينهم دى مش حب على الاطلاق