اعمل ايه في الصراصير

[AhMeD MeTwAlY]

دلؤقتي مشكلتي الصراصير روحت لواحد صيدلي قال مجناني طيب لما الطب يفشل اولي امري لربنا
انا مشكلتي اني معنديش وقت راحه ولي اغلب شغلي بره الشركه وتقدر تقول شغل 24 ساعه حتي العيد معيدنااش بعد ما كنا اتفقنا علي يوم واحد اجازه وبدخل السكن عشان انام هو صغير اوضه بحمام بمطبخ بس المشكله ان دخلت لقيت صراصير وانا لسه منقول ومش عارف احط حاجه في المطبخ خالص حتي هدومي شيلها في الشنطه جزمي وجبتلهم شنطه بسوسته هما والشربات
جبت بيرسول وانا اساسا عندي حساسيه في الانف وخلصته علي 3 بس ويا رتهم ماتو دا شويا وجريو طلعت الوﻻعه وولعت وحطتها قدام علبه البيروسول وولعت في اتنين والتالت كملت عليه باسبراي تاني
عايز اء حل وانا علي استعداد اطبق دلؤقتي
ﻻن بجد مبنمش

[MRBEBO]

احسن حاجة عجينة بتتجاب من وزراة الزراعة عاوز اقولك خيالية

بتتحط في اماكن تواجد الصراصير وبعد شوية تلقيهم زي ما يكون عندهم صدمة عصبية وماتوا

رهيبة جدا واحسن من العجينة اللي في الصيدليات

[Mohamed_Hamid]

انت بس وريهم صورتك الجامدة دى بالطبنجة والبصة دى وهم يجروا ومش هييجوا تانى هههههه
اسال عند العطارين ياباشا بيبقى عندهم خلطات للحاجات دى

[أحمد كمال]

حرام تحرق اي كائن و لو صرصار

مش قصدي حرام يعني حرام عليك

قصدي جرام شرعا

[#MAAM#]

متابع

[rotanamasoud]

انا بجيب كيس بودره من عند بتوع كيماوى الزرع الكيس ب5 جنيه بس كماوى كماوى يعنى جبار ممكن ترشه ليله مش حتبات فيها وانسى ده قدرته بتوصل لقتل الفران

[SaSa.FireBlade]

فى ازازة رش ومش بتعمل ريحة للنمل بس عند اى بتاع منظفات هيا عاملة زى ازازة الكلونيا كدة :d فية واحدة هتلاقيها ب 2.5 ملناش دعوة بيها فى واحدة تانية ب 15 جنية دى هتمحى النمل دة نهاءى او الحل الاخير بقا بس هضطر انك تسيب الشقة بتاع يومين تروح عند بتاع المنظفات تقولو عايز شولتوكس خامممم تجيب ب 5 جنية مثلا وتط علية ربع لتر جاز وتشيل سجاجيد وستاير الشقة كلها وترش فى الشقة دة هوا المعنى الحقيقى للحياة بدون حشرات هتلاقى اى حاجة كانت مستخبية طلعا تجرى بسرعة من الشقة عندك لاءن دة رحتوا بس بتموت الحشرات وبتخنق البنى ادمين كمان ترش جامد جامد جامد وتقفل الشقة يومين وترجع تملا برميل بتاع 100 لتر ميا كدة ههههههههههههه وتحط فية ازازة بريل من امو 7 جنية عشان تظبط الريحة وربع كيلو ديتول وب 2 جنية فنيك وكيس كلور خام من ابو جنية وهوب تقوم مشقلط البرميل فى الشقة كلها وممسحة حلوة وتشد الميا على البلاعة وبكدة اضمنلك ان الشقة بقت معقمة لمدة سنتين وانسى حاجة اسمها حشرات كدة انتا طهرت الشقة والمجارى بتاعت البيت كمان :ddddd
__________________

[mr.foxman]

فيه مبيد اسمه ملاثيون على شكل سائل او بودرة
موجود في اماكن بيع المستلزمات الزراعيه او عند العطار
رائحته كريهه جدا و سام
لكن مفعوله زي السحر
انا رشيت منه مره من سنتين مشفتش صرصار من ساعتها

[AhMeD MeTwAlY]

اوﻻ انا مش في مصر انا في السعوديه
ثانيا انا عندي حساسيه في انفي لما بشم اي ريحه كريها بتتسد احد الفتحات وبتنفس من واحد والجو هنا اساسا مفيش اكسجين انا عايز تركيبه مثﻻ من الصيدليه اخش علي الصيدلي اقوله عايز كذا وكذا وهضرب التركيبه في الانجاز
بالنسبه لموضوع ارش وارجع انضف دا استحاله ﻻني بخرج من 8 الصبح وانا ونصيبي
يعني لو في جهاز بالكهربا مفيش مشكله عجينه وارمي منها في كﻻ ركن شويه مفيش بﻻجو مشكله

[ESO101]

اوﻻ انا مش في مصر انا في السعوديه
ثانيا انا عندي حساسيه في انفي لما بشم اي ريحه كريها بتتسد احد الفتحات وبتنفس من واحد والجو هنا اساسا مفيش اكسجين انا عايز تركيبه مثﻻ من الصيدليه اخش علي الصيدلي اقوله عايز كذا وكذا وهضرب التركيبه في الانجاز
بالنسبه لموضوع ارش وارجع انضف دا استحاله ﻻني بخرج من 8 الصبح وانا ونصيبي
يعني لو في جهاز بالكهربا مفيش مشكله عجينه وارمي منها في كﻻ ركن شويه مفيش بﻻجو مشكله

عندك في محلات الكماليات عجينة الصراصير أخلطها مع حليب سائل ( حليب السعودية مثلًا )
وحطها في الزوايا -لو مفيش أطفال-
أو شركة رش وسيب السكن يومين وهات عامل ينظف

[AhMeD MeTwAlY]

عندك في محلات الكماليات عجينة الصراصير أخلطها مع حليب سائل ( حليب السعودية مثلًا )
وحطها في الزوايا -لو مفيش أطفال-
أو شركة رش وسيب السكن يومين وهات عامل ينظف

اﻻ مفيش حد غيري والصراصير هطيب العجينه دي بكره وبعدين انا متعاقد مع ش كة رش للمؤسسه هشوف لو معرفتش اجيب العجينه هكلم الشركه دي
شكرا يا باشا ﻻهتمامك

[youssef_u]

اوﻻ انا مش في مصر انا في السعوديه
ثانيا انا عندي حساسيه في انفي لما بشم اي ريحه كريها بتتسد احد الفتحات وبتنفس من واحد والجو هنا اساسا مفيش اكسجين انا عايز تركيبه مثﻻ من الصيدليه اخش علي الصيدلي اقوله عايز كذا وكذا وهضرب التركيبه في الانجاز
بالنسبه لموضوع ارش وارجع انضف دا استحاله ﻻني بخرج من 8 الصبح وانا ونصيبي
يعني لو في جهاز بالكهربا مفيش مشكله عجينه وارمي منها في كﻻ ركن شويه مفيش بﻻجو مشكله

حضرتك في السعوديه و منطقه مفيهاش اكسجين ؟ انت في ابها او الباحه ؟

لو في الباحه قولي اعرف واحد خريج زراعه و تخصصه في المبيدات و الحجات دي

[AhMeD MeTwAlY]

حضرتك في السعوديه و منطقه مفيهاش اكسجين ؟ انت في ابها او الباحه ؟

لو في الباحه قولي اعرف واحد خريج زراعه و تخصصه في المبيدات و الحجات دي

ﻻ انا في جده بس موضوع الاكسجين دا حاسس بيه ﻻني لما بتنفس مش زي ما كنت في مصر

[aldesha989]

عندى نفس المصيبه ومش عارف اعمل اى حاجه جربنا بودره عجينه رش مسح تعليق تفجير حتى مافيش فايده :d

[AhMeD MeTwAlY]

ههههههههههههههههههه
جبت عامل يغسل التﻻجه طلع منها صرصير اتكسفت اقوله ارميه علي جمب سبته يكمل وسبته يخلص الواد واللهي كان بيملي جردل المايه ويرميه في التﻻجه تنزل المايه نضيفه وانا قولت هشتري واحده تانيه وخﻻص المهم بفتحها الصبح لقيت اربعه بيلعبو قولتلهم صباحكم زي الفل يا جماعه معلش اتاخرت عليكم بالفطار وجبتلهم بسكوت بس نسيت اعمل ليهم شاي