جبت الموبايل ومضايق

[salah_86]

بسم الله الرحمن الرحيم
السلام عليكم ورحمة الله وبركاته
انا اشتريت اس 4 بفضل الله بعد ما كتير من اصحابى شكرولى فيه كان معايا اس 3 وبعته وكملت على تمنة وجبت تل اس 4 ب 5325 بالضمان وجراب اصلى هدية
دلوقتى ناس كتير عمالة تقولى حراااام 5000 كتير وانا ابتديت اتخنق وشكلى هبيعه حابب اخد رائيكم

[salah_86]

ااتليفون حلو وجميل بس كلام الناس زهقنى

[elmkaneeki]

انجوي يا معلم....سيبك وعيش وافرح بيه...دي عالم تعبانة بتصرف فلوسها علي كرشها وبس...استمتع

[monamize4]

ااتليفون حلو وجميل بس كلام الناس زهقنى

[mrghost]

بص ياباشا لو مشيت ورا كﻻم الناس يبقى مش هتعمل حاجه فى حياتك اصﻻ
محدش دفعلك مليم وانت جبته برغبتك وطالما مقتنع بيه يبقى خﻻص انت حر طالما ميتضرش غيرك

[Dr_Mido]

انا مبمشيش ورا رائ حد في الاجهزه تحديدا مادام الجهاز مريحنش ومش سالف فلوسه من حد محدش يعلق عليه

[mr_vampire]

اللي يقولك كلمة عليه قوله ( خليك في كوزك لما نعوزك )....

كلااااااااااااااام النااااااااااااااااس .... لا بيقدم ... ولا ياخر.
كلاااااااااااااام الناااااااااااااااااس .... ملامة وغيرة .... مش اكتر.

عيششششششش واستمتع بالمكنة الجديدة وسيبك من اي حد.

مع تحيات واحد عايش بدماغه من الالف للياء ... عشان لما يلبس يقول اشطة جدا وميزعلش.

[SAMEH_FOUAD]

هو طبعا 5300 جنية كتير انك تجيب بيها تليفون سعرة بينزل يوم عن يوم وخصوصا انك كان معاك تليفون اقل منة فى حاجات قليلة

لكن طالما انت جيبتة برغبتك وحاجة انت نفسك فيها , يبقى تحرم نفسك منها لية

سيبك من كلام الناس , وenjoy ياباشا بالتليفون الجديد , وربنا يباركلك فية ويحفظهولك , بس خلى بالك منة كويس وحاول ماتتكلمش بية فى الشارع الا عن طريق ال headphone

[s_shekabala]

مبروك الاول على الموبايل
هو الموضوع مش انك تمشى ورا الناس ولا لاء
انا مثلا حاليا موبايلى بعتوا .... وفكرت فى اس 3 ولا4 .... ايفون 4 ولا 5
وبعدين فكرت فى ان الموبايل ال اس 2 كان اختراع دلوقتى اى كلام
ال اي فون 3 كان اختراع دلوقتى اتكسف امسكوا
ال اي فون 4 كان اختراع دلوقتى ب 1800 مستعمل
مبروك على الموبايل بس هيا فكرة ان القيمة بعد سنة فقط او اول لما ينزل ال اس 5 مثلا هيبقى بكام هتخسر كام فى سنة الفين ثلاثة

[shaddadfalcon1]

مفيش حد بيحب الخير لحد ولو اللي بيقولك كده لقي المبلغ ونفسه فيه هيشتريه

هي بس اختلاف ازواق واولويات
يعني انا معايا عدة N70 بقالها يجي 5 سنين معايا وحالتها بالبلي بس شغال وبيتكلم وكل حاجه وانا مش محتاج اكتر من كده

في ناس Tech Geeks بتحب احدث موبيلات واخدث اجهزه وبتاع وحتي لو معاهاش فلوس تستلف عشان يبقي اسمها معاها احدث موبيل وممكن اصلا ميكونش بيفهم فيه :)

اهم حاجه تكون بتستخدمه فعلا وبيتستفيد من امكانياته والف مبروك عليك واللي يقولك غير كده قوله ملكش فيه :) محدش بيديني حاجه م جيبه

[al_manara]

السؤال : هل احتياجاتك من الموبايل تتطلب شراء ال s4 .

لو
نعم : يبقي مبروك (لان عملك يتطلب خصائص الموبايل الجديد)
لا :يبقي تبيعة وترجع للقديم (لان دي ثقافة استهلاكية )


قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " لا تَزُولُ قَدَمَا عَبْدٍ يَوْمَ الْقِيَامَةِ حَتَّى يُسْأَلَ عَنْ أَرْبَعٍ : عَنْ مَالِهِ مِنْ أَيْنَ اكْتَسَبَهُ وَفِيمَا أَنْفَقَهُ ؟ وَعَنْ عِلْمِهِ مَا ضَيَّعَ مِنْهُ ؟ وَعَنْ شَبَابِهِ فِيمَا أَبْلاهُ ؟ وَعَنْ عُمُرِهِ فِيمَا أَفْنَاهُ

[LegendJo]

أشتريت الجهاز وكنت شايفه غالي في الأول زيك، ولكن بعد الأستهلاك وطحنه شغل " وبعد طحن الـs3 بتاع أمي معاه " أكتشفت ان s4 كويس جدًا بالنسبالي.

[Mohamed_Hamid]

هل انت شايف نفسك مسرف او انت حاطيت المال فى حاجة كان فى حاجة تانية اولى بيها؟! لو الاجابة لأ يبقى خلاص مبروك عليك التليفون وسيبك من كلام اى حد

[prof2013]

انا مش عارف اقول ايه 5000 الاف في موبايل مالوش لزمه دنا معايا فلوس اقدر اشتري احسن لابتوب لكن مستخسرها فيه وعندي الديسكتوب افضل مليون مره بلا قرف خلينا حريصين على اموالنا شوي ياجماعه وبلاها الاسراف دا

[S O P H O S]

يا باشا مدام حاجة ليك متفكرش فكلام الناس