اعمل ايه عشان الناس ما تقعدش على كبوت العربية

[ayman20100]

السلام عليكم ورحمة الله
عندي مشكلة كبيرة قرفاني جداً انا ساكن في مكان شعبي شارع صغير والعربية بسيبها تحت البيت لكن لكن المشكلة كلها في الجيران معدومي الدم والشباب الصايع الى بيقعدوا على العربية والى بيسند والى بيقف يلف سيجارة حشيش والي عيل صغير يتنطط فوق العربية وهكذا ..... انا فكرت كتير ومش لاقي طريقة اعملها وتكون امان هل فيه حد عنده فكرة ؟؟؟
انا بغطي العربية بغطا قماش تقيل وفكرت احط زيت وسخ وشحم بس هيبهدلني وهيبقى عرضة للاشتعال خصوصاً ان جيران الهنا ساعات بيرموا سجاير على العربية والغطا بيتخرم وربنا يستر


ملحوظة : ما حدش يقولى ايه مشكلة الى بيسند على العربية انا عندي حكايات طويلة وكتيرة تحرق الدم بسبب الناس معدومة الاحساس في الشارع

[mesaharaty]

مشكلة أزلية
وأنا كمان باعانى منها بكل تفاصيلها
والناس بااااااااااااااااااااااردة جدا

[dedi]

رش زجاج على الكبوت انا باهذر معك
فى فكرة لو نفعت تبقى هايلة تكهرب العربية من البطارية يعنى كهربة خفيفة جدا بس تخوف اى حد مايقعدش عليها وفى انتظار الخبراء علشان يقولوا ازى تتنفذ

[ayman20100]

الموضوع يحرق الدم جداً ...عاوزين تفاعل انا دمي بيتحرق كل يوم تقريباً من معدومي الاحساس

بيبقى ايه احساسك لما تروح تشتري حاجة وترجع تلاقي 3 عيال بيتنططوا فوق سقف العربية

طيب عمرك شفت حد بيتخانق مع مراته عشان ياخد منها شنطة تقيلة ويحطها على عربيتي بدل ما تشيلها او يوسخها بانه يسندها على الارض وطبعاً انا واقف في الشباك محروق دمي ومش عارف اعمل فيه ايه

طيب ايه احساسك لما يبقى فيه مناسبة فجارك قرر يجيب كراسي في الشارع لقرايب ليه فواحد منهم قرر ان قعدة الكرسي مش مريحة قام قعد على نص الكبوت وحط رجله على الكرسي

طيب ايه احساسك لما تبقى واقف وتشوف عيال بتجري ورا بعض وتيجي عربيتي في طريقة طبعاً مش هيقف ويبطل لعب يقوم ناطط ومعدي على العربية اكنه بيعدى رصيف عادي وساعات ممكن يعدي على السقف

طيب ايه احساسك لما عمال شغالين عند جارك واقفين في الشارع وبشربوا شاي ...ممكن تخمن الكرسي وتربيزة الشاي

طيب ايه احساسك لما واحد ايده اتوسخت او حب ينضف تراب يقوم بمنتهي قلة الذوق ماسح في غطا العربية الى بغسله بنفسى كل فترة

لسه فيه كتيرررررر اوي حكاوي عن حرقة الدم ديه

[Zaki Bashkha]

متزعلش نفسك اوي
هو ايه فى مصر ميحرقش الدم يا عزيزي
انا ساكن فى منطقة شعبية برضوا وكل يوم زبالة تترمي فى مكان فاضي فى الشارع والناس تحرقها والشقة كلها تتملي دخان واغلب الوقت قافل الشبابيك عندي والشقة عاملة زي الفرن ,لا عارف افتح شباكي ولا عارف اتهوي , دا غير كمية التراب اللي بتجيني من مقلب رمله ورا العمارة برضوا
حاول تكبر دماغك علشان لو مكبرتش دماغك حتتعب ويجيلك الضغط والسكر وعلي فكرة كل مكان فى مصر حتلاقي فيه مشاكلة

[احمد المصرى]

حط ذيت على الغطا بتاع العربيه وعلى ما اعتقد الذيت غير قابل للاشتعال

[ayman20100]

متزعلش نفسك اوي
هو ايه فى مصر ميحرقش الدم يا عزيزي
انا ساكن فى منطقة شعبية برضوا وكل يوم زبالة تترمي فى مكان فاضي فى الشارع والناس تحرقها والشقة كلها تتملي دخان واغلب الوقت قافل الشبابيك عندي والشقة عاملة زي الفرن ,لا عارف افتح شباكي ولا عارف اتهوي , دا غير كمية التراب اللي بتجيني من مقلب رمله ورا العمارة برضوا
حاول تكبر دماغك علشان لو مكبرتش دماغك حتتعب ويجيلك الضغط والسكر وعلي فكرة كل مكان فى مصر حتلاقي فيه مشاكلة

انا بسبب القرف ده مش عارف ارش العربية او حتى اعمل فيها اي حاجة غير الميكانيكا عشان ما يتحرقش دمي لو حد خربشها كالعادة او طبقها او كسر الفانوس وعندي قطع غيار شايلها ومش عاوز اركبها بسبب كده
اول ما جبت العربية كنت بصلح حتى الخدوش وبعتبر العربية من ضمن مظهري الشخصي بس ايه دلوقتى بعتبر نفسي قاعد في الشارع والعربية بقت الكنبة الرسمية للشارع

بالنسبة بقى للزبالة والتراب ديه مشكلة ازلية في كل الاحياء الشعبية انا كل يوم بشيل الزبالة في شنطة العربية لاقرب صندوق او مكان الحي بيرفع منه الزبالة وارميها في الوقت الى ممكن الاقي زبالة تحت بيتي ويفترض اني اشيلها عشان البهوات مكسلين

ربنا يرحمنا

[ayman20100]

حط ذيت على الغطا بتاع العربيه وعلى ما اعتقد الذيت غير قابل للاشتعال

لو المعلومة ديه مؤكده اعملها وامري لله مع اني هتبهدل وانا بشيل الغطا بس اهو ممكن اخلي بالى ويبقى شر ولابد منه

[Elawany13]

ربنا يرحمنا برحمته

[محمود السيد]

كان الله فى عونا

[aliabdo]

بص يا معلم عندنا فى شويه عيال سيس بيقعدو على عربيه و مددو رجليهم الى تقطع الى العربيه الى قدامها او مراها و الله مبوظين الاكصدام و مطبقين الكبوت بيطلعو يقعدو برجليهم فوق العربيه عشان التراب الى على الغطاء موسخش هدومهم
الحل انك تجيب غطاء دبل الى هو من جوه وبره و من بره جلد و تجيب شويه زيت وسخ و ترش على العربيه خفيف كده و تمسحه فيها عشان ميلطش فى الهدوم بس رشه بحيث انه يكون باين بالاخص على الكبوت و الاماكن الى بيقعدو عليها زى الشنطه مثلا مقدرش اقولك انه حينمنع القعاد على العربيه بس حيقلل الموضوع
المشكله تتكلم مع حد منهم يقولك ايه يا عم انت فاكرها مرسيدس و الموضوع بيقلب بعراك و زعيق و قله ادب

[aliabdo]

كمن ميزه الغطا الى بقولك عليها انه مشمع كله من بره مش حيجيب حاجه على العربيه و انت بتلمه طبقه الى بعضه الاول و بعد كده لم مش حيكون اى زروطه ان شاء الله

[ayman20100]

كمن ميزه الغطا الى بقولك عليها انه مشمع كله من بره مش حيجيب حاجه على العربيه و انت بتلمه طبقه الى بعضه الاول و بعد كده لم مش حيكون اى زروطه ان شاء الله

ما فيش مشكلة انت قصدك على غطا ووتر بروف مبطن .... بس فيه مشكلة فيه انه بيتقطع بسهولة ومش بيستحمل الحرارة وبيتشقق ...ومعنى كده اني هرمي القديم وكمانخايف يكون بيتحرق عشان موضوع السجاير الى شرحته وان البهوات الجيران بيشربوا في البلكونة ويرموا السجاير على العربية والى بيقفوا في الشارع

والاهم من ده كله اجيبه منين وبكام ؟؟

[Y a r i s]

ياسبحان الله ... يعني كل الحلول انوا يا يرش على عربيتو زيت.
يا يرش على عربيتو طين يا جااز وسخ هههههه

طيب احنا ليه بنعمل في بعضينا كده ... ليه الناس مبتحيسش باخوه الانسان ... مرات بحس ان في حقد طبقي بين الناس يشوفوا واحد عندوا عربية وانا ممعيش عربية اقوم اروح اقرف صاحب العربية باي حاجة وخلاص . موضوع فعلاً مستفزززز ... كان الله في عونك يا ريس. بس تقول ايه خلاص احنا المصريين اتعودنا على الهوان وبقى الذل والقرف جزء لا يتجزء من حياتنا بل اصبح اسلوب حياة ... بالك انتا لو المصري سافر اي بلد نضيف بره. وملقاش حد يقرفوا تلاقي ماشي هيتجنن كده لغايت ما يلاقي واحد مصري زي حلاتوا غلبان يتعرف عليه ويقرفوا. ويفضل وراه يفقع اسافيين لغايت ما يسفروا ... نفسي عمر خالد يعمل برنامج في رمضان الي جي. ازاي نعيش ونتعايش من غير ما نقرف حد او نئذي حد ... وتحياتي

[ayman20100]

ياسبحان الله ... يعني كل الحلول انوا يا يرش على عربيتو زيت.
يا يرش على عربيتو طين يا جااز وسخ هههههه

طيب احنا ليه بنعمل في بعضينا كده ... ليه الناس مبتحيسش باخوه الانسان ... مرات بحس ان في حقد طبقي بين الناس يشوفوا واحد عندوا عربية وانا ممعيش عربية اقوم اروح اقرف صاحب العربية باي حاجة وخلاص . موضوع فعلاً مستفزززز ... كان الله في عونك يا ريس. بس تقول ايه خلاص احنا المصريين اتعودنا على الهوان وبقى الذل والقرف جزء لا يتجزء من حياتنا بل اصبح اسلوب حياة ... بالك انتا لو المصري سافر اي بلد نضيف بره. وملقاش حد يقرفوا تلاقي ماشي هيتجنن كده لغايت ما يلاقي واحد مصري زي حلاتوا غلبان يتعرف عليه ويقرفوا. ويفضل وراه يفقع اسافيين لغايت ما يسفروا ... نفسي عمر خالد يعمل برنامج في رمضان الي جي. ازاي نعيش ونتعايش من غير ما نقرف حد او نئذي حد ... وتحياتي

هههههههههههههههههههههههه
والله عندك حق في كل كلمة وضحكتني جداُ ..... شر البلية