معليش انا اسف : مين بيعمل كوباية عصير زي كدة في مصر !

[aliabutaleb]

لسه والله يا ياسر باشا كنت بفكر في موضوع نعمل رابطة لسكان ٦ اكتوبر والشيخ زايد وحدائق الاهرام ودريم من اعضاء نايل موترز بس المشكلة. انا مش قوي في الانترنيت ومعرفش اعمل روابط وجروبات. وكده :)

موجود بالفعل يا جماعة

https://www.facebook.com/groups/1397106400503165/?fref=ts

[Ahmed_selmy]

ايه يا عم يارس دا .....دا الحمد لله انى خلصت صيام السته البيض والا كنت حقوم افطر وقتى.......لو الواحد طلبوا دلفرى من سوريا تفتكروا يكون ساح على ما يجى ؛-)

[BESO516]

اهلا ياكبيير

بص انا من السيده زينب ونصيحه اخويه ابعد عن تفاحه ده لأنه غير انه مش حلو ونصاب لكن كمان معفن ومحدش بيروحله

محل جاااااااااامد جدا اسمه العائلات او بيت العيله مش فاكر بالظبط فميدان تريمف بمصر الجديده رووح وهتدعيلى

[Land_Cruiser]

في سلطانه كمان للايس كريم كويس قوي وليه فروع كتير في القاهره و الاسكندريه و دي صفحتهم علي الفيسبوك

https://www.facebook.com/SultanaIceCream

[Angel_wolf]

لا لا لا لا. هو ينفع كده يا باشا
عيد عيد من أول ياباشا وبالتفصيل التفصيل التفصيل الممل. واحكيلنا كده وأيرويلنا فين في مصر الجديدة ونروحلوا ازاي وبكام والطعم وكلو كلوووو. .... والعربي كزالك ( لا تبخل علينا باي معلومة عن اي ايس كريم او فخفاخينا او اي فتفووته ). حاكم اخواتك محرووووووومين من الجلاتي هههه. ... وتحياتي . :)

العائلات فى مصر الجديدة فى ميدان سفير الاسعار اغلى حاجة عندو كانت ب 15 جنية اصلا اسمها فخفخينا A one دى فيها كل انواع الفاكهة (موز بلح كيوى اناناس تفاح كنتلوب على حسب الموسم و عصير مانجة و فوقيهم ايس كريم ياريت تعرف تخلصة لوحدة) و عندة بقى علبة هوهوز وعلبة بوريو وكل انواع الشكلاتة السافلة حضر معاك حقنة انسولين احتياطى

والعربى مش بعيد عنة ممكن تسال وانت هناك وبردوا حلو والعصاير عندة عجبتنى علشان سكرها خفيف

[Muahmmad Honda]

حرااااااااااااام كدة .. انا كنت قاعد فى حالى ايه اللى دخلنى الموضوع دة !!!!! انا عايز من دة مليش فييييييه !!!

[AboELsoud]

اشرف فرغلي ورا جنينه مول جامد برضه
هوه طبعا ملهوش اي علاقه بالصور اللي انت حاططها :)
بس برضه يعتبر من الجامدين اللي في مصر حاليا

[Dr/ P.K.Sh]

جولدستون فى سيتى ستارز او مول العرب عنده ايس كريم مكس عالمى

[S O P H O S]

بس كده
ليك عليا لما الاوضاع تتصلح
هدية مني كوب عصير قد ماتور التويوتا ..

[yasserelsayad]

بس كده
ليك عليا لما الاوضاع تتصلح
هدية مني كوب عصير قد ماتور التويوتا ..

اه يعنى حاجة صغيرة من ام نص جنيه دى p:
هههههه

[S O P H O S]

اه يعنى حاجة صغيرة من ام نص جنيه دى p:
هههههه

ههههههه
كنت عارف انك هتقول ومش هتسبني اعملها مفجأة
بس هي ب 2 جنيه والله ومش ساقع كمــان

[yasserelsayad]

انا لاقيتلك المنيو بتاع ابو عبده عندى بس دا قديم الاسعار اللى فيه اتغيرت شوية
بس اهو تاخد فكرة باردوا

[eslamrace]

ههههههههههه
واللهي انا فكرت بنفس الفكرة لولا اني خفت حد يقولي جرى ايه يايرس انتا قلبتها مطبخ فتكات ولا ايه ههههههه ... وبعدين ياباشا ده انتا اهل اسكندرية اهل الحاجات الحلووة والجلاتي ... ده احنا كنا. بنستنا من السنه للسنة علشان نيجي شارع خالد ابن وليد بس علشان نديها جلاتي ... ولا جلاتي عزة. الي فتح عندنا في ميدان لبنان اجمل واروع نكهات ( طعم اللمون. ... وطعم البلح ... جلاتي الكنتلووب رووووووووعه كمان ) واي افتكاسة تعملها عزززة. بيبقى طعمها تحفففففة

برضو عندكم في جرين بلازا. ناحيت السيما في واحد بتاع عصير قصب هناك
الي عندو بغبغانااااات. الراجل ده اول ما فتح. كان مالهوش حل والقصب ساقع سقوعية وطعم طعامة ... والشوب بتاعوا كان كبيررررر النهردة الكوباية بقة ب ٣ جنية و ٥ جنية كمان. وحاططهالك في كوبايت شنمبانيا. صغيرة كده ... كأنك رايح عندوا تبل ريقك بس مش رايح علشان تشرب ... وتتمتع :)
بس الحاجة الوحيدة الي بتشفعلوا هو العيال بتحب تلعب وتتصور مع البغبغانات :)
ونفضل ساعتين. واقفين نقولوا قول. بابا. طيب قول كاااك طيب قول بحبك ان البغبغان ينطق ههههه شكل البغبغان ما بيعرفش عربي :)

وهيا دي المشكلة في كل مصر الناس اول ما تفتح بتهتم بحاجتها
بعد كده بيغلو ويصغروا حجم الكوباية لدرجة تحس ان ممكن الراجل بعد ما يعصر القصب.
ممكن يصب عصير القصب في معلقة زي دوى الكحة ويقول للزبون يالله يا بابا انتا وهوا. كل واحد يفتح بوقوا ياخود الجرعة بتاعتوا هههههههههه ... وتحياتي

ايوه بس مهما كان معندناش المناظر دى مستحيل
بس على العموم حصبر نفسي بالجيلاتى وعصائر مكه الى ان تلاقيلنا حل فى الموضوع ده ههههههههههه
بس انت المسئول يا ياريس باشا تجيبلنا كوكتيلات زى دى فى مصر طالما انت اللى فتحت الموضوع هههههههههههههه

[aliabutaleb]

انا لاقيتلك المنيو بتاع ابو عبده عندى بس دا قديم الاسعار اللى فيه اتغيرت شوية
بس اهو تاخد فكرة باردوا

إنت استاذ :)
رحت لابو عبده الدمشقي امبارح ولقيته قافل. الساعة كانت حوالي 12.30 الضهر

[Y a r i s]

إنت استاذ :)
رحت لابو عبده الدمشقي امبارح ولقيته قافل. الساعة كانت حوالي 12.30 الضهر

هههههههه ده انتا الي استاذ
انا كمان رحت. عندو برضو امبارح بس ١٢:١٥ الظهر. وبرضو كان قافل ياسبحان الله القلوب. عند بعضها يعني لو صبرت شويه انا كنا اتقابلنا :) ... انا عاوز افهم هو بيفتح ايمتى. اذا على الظهر قافل والساعه سبعه في حظر ... بالمناسبة دلوقتي في لجنتين وحده عند الحصري والتانية عند النجدة. هل حد شاف لجان تانية موجودة في اكتوبر اثناء الحظر اصلي شايف تكاتيك رايحه وتكاتيك جيه وعربيات ماشية ولا الموتسيكلات والدنيا بيس ده حتى السادس السوق فاتح.

بصراحة لو استمر الحظر اكتر من كده محلات كتير هتقفل نهائي. وبيوت كتير هيتخرب بيتها. الايجارات عندنا في اكتوبر مبتقيلش عن ٦٠٠٠ جنية في الشهر وانتا طالع. هيجبهم ازاي ده مع الحظر !!
لازم اكتوبر يستثنوها من الحظر ... لان بجد حرام في ناس كتير مالهمش ذنب وفاتحين بيوت وبيوتهم هتتخرب بالشكل ده وبعدين كمان برضو علشان نشرب عصير ابو عبدو :)