Tweet
المشاركة الأصلية كتبت بواسطة haima
مشاهدة المشاركة
زى كل الشركات الكبيرة اللى فى الدنيا إعمار و دماك و غيرها... أكيد فى الإمارات مبيقولوش دول بيعملوا كده عشان يكسبوا بس بيقولوا إن دبى هيبقى فيها أطول ناطحة سحاب فى التاريخ!
عنده فلوس كتير و طيارة خاصة و قصور و ...... من حقة،
يا جماعة الراجل ده فعلاً خلق بيئة تانية فى مصر،
لو تفتكروا زمان الناس كانت رافضة فكرة الخروج بره القاهرة وده عيب و قلة قيمه إنه يسكن فى الصحراء ، دلوقتى الوضع إختلف تماماً و الناس بقت تبيع بيوتها فى مصر الجديدة و المهندسين علشان تسكن فى الصحراء دى!!
برضوا الناس تقولك واخد الارض بتراب الفلوس و بيبيع المتر بالالاف!
أولاً اللى أنا أعرفة إنه بيدى نسبة 8 او 10 % من الشقق و الفلل للحكومة مقابل الأرض، يعنى مش ببلاش.
وبعدين الارض دى صحراء و بقالها مئات السنين مرميه قدام الحكومة و كانت هتقعد مئات السنين قدام برضوا مرميه و مهمله!
يبقى نديها لناس تستغلها و الا نسيبها غير مستغله و نقعد فرحانين بيها صحراء كده!
أنا زورت الرحاب أكتر من مرحة، اللى راح هناك أكيد هيفهم أنا أقصد إيه.
والله فى رمضان ده كنا معزومين هناك قعدنا فى منطقة المطاعم المفتوحة و كان معانا أجانب، واحدة منهم بريطانية قاليتى كأنها ماشية فى إنجلترا و كانت مستغربة جداً إزاى هما محافظين عليها نظيفة كده و قالتى بالنص "it's like heaven"
ياريت يبقى عندنا 100 شركة زى مجموعة طلعت مصطفى فى كل المجالات!
Comment