حد فاهم حاجه؟؟؟؟؟

[AhMeD MeTwAlY]

انا بصراحه مش فاهم حاجه ونفسي حد يفهمني ايه الي بيحصل طبعا في سياق اداب الحوار وبدون التعصب لحزب
.الي انا اعرف ان دم الدم ليه حرمته
احنا من ايام 25 يناير واحنا عملين بنسمع عن ناس بتموت او بتستشهد زي ما بيقول الاعﻻم ربنا يصبر اهليهم ويقويهم اكيد الي نات دا ليه اهل ولو ملوش دا مصري يعني اخوك كتفه في كتفه في كتفك وقت الشده ولو مش مصري دا انسان خلقه ربنا
انا عايز افهم ايه الي بيحصل من اول ما مبارك اتنحي ﻻني بجد بتمني ترجع
علي الاقل مكنتش كرهت كل حاجه في مصر دلؤقتي

[michohat]

والله يا احمد كويس انك سبت مصر الايام دي
الواحد مش عارف ليه اللي بيحصل
عارف زي ما يكون اخوات بيتخانقوا قام واحد من الاخوات راح قاطع دراع اخوة وحجته انه ضربه

[AhMeD MeTwAlY]

[QUOTE=michohat;3875135013]والله يا احمد كويس انك سبت مصر الايام دي
الواحد مش عارف ليه اللي بيحصل
عارف زي ما يكون اخوات بيتخانقوا قام واحد من الاخوات راح قاطع دراع اخوة وحجته انه ضربه[
/QUOTE]
طيب والحل والناس الي بتموت ﻻزم الموضوع دا ينتهي
مشكلتنا اننا بنغلط وبنصلح الغلط بغلط اكب

[Elawany13]

من يوم 25 يناير لحد دلوقتى
واحنا فى فتن كقطع الليل المظلم تجعل الحليم حيران

[horas3000]

بص انت مش لوحدك
محدش تقريبا فاهم اي حاجه
لكن باين ان فعلا 25 يناير طلع اسوء ما فينا
و بقينا نطلع الظلم و الكبت اللي عانينا منه كتير علي بعض

[Mostafa.Mahran]

احنا فى دوامة ربنا يطلعنا منها على خير

[eslamrace]

اولا ده لان بجد المصريين عيارهم فلت وفهمنا الحريه انك تعمل اللى انت عايزه وتقول اللى انت عايزه حتى لو كذب ولما تعرف انك غلطان مستحيل تعتذر و حاليا مستحيل تدخل نقاش مع حد على مستوى المجتمع وتخرج من النقاش باحترامك لنفسك وللطرف الاخر وبقت اسهل حاجه عندنا الشتيمه والتكفير والتخوين
والمشكله اللى حصلت بعد 25 يناير اننا اتقسمنا ومحدش حكم مصر من ساعتها وجمعنا كلهم ضاعفوا التقسيم من اول مقولنا فلول وثوار وبعدها عسكر وسلفيين واخوان وليبراليين وفلول ومدنيين ومسلمين ومسيحيين .

ونسينا ان الله لا يغير ما بقوم حتى يغيروا ما بانفسهم وعايز اقولك ان الجميع فاسدون وكلنا خطائون ولكنك لن تجد من يعترف بخطأه والجميع يظن انه على حق والاخرين بالكامل على باطل .

الحل ان يصمت كل من ليس له علم ولا يتحدث الجميع كاوصياء وان نحترم اراء بعضنا ونعلم ان جميع دول العالم بها اليمين المتشدد واليسار المتشدد ويتصارعون فى الغرف المغلقه وعند الظهور امام الاخرين يظهرون احترامهم لاراء الطرف الاخر لان احترام الاخر هو احترام للذات وانه مهما كان ما حدث يجب تقديم التنازلات على طاولات الحوار ومن يقدم التنازلات ليس بالضعيف انما هو الاجدر بالاحترام لحرصه على التنازل عن جزء من حقه فداء للدماء .

اللهم اصلح البلد وولى من يصلح كما انا واثق من ان الله استجاب لدعوات المصريين بان يفعل الصالح لمصر.

[hugan]

اللي بيحصل

سيناريو تم رسمه باحكام
من اليوم الاول ل28 يناير
شغل ولا بتوع السيما
لنصل الي ما وصلنا ليه

[AboELsoud]

فعلا اسوء ما في الموضوع هوه الدم
الامر وصل لانه كل يوم ناس جديده تندم على الثوره و على مشاركتها فيها
لسه من شويه على الفيس واحد جاري كان مشارك في الثوره من اليوم الاول و هوه دلوقتي هاجر لامريكا عمال يندم كل يوم على مشاركته في الثوره
الواحد بقى مش طايق نفسه ولا طايق اللي ضده ولا طايق اللي معاه
انا كنت عارف انه كل ده لازم يحصل و انه مفيش دوله نضفت و بقت محترمه الا لما عدت على المراحل دي
و انا عارف انه احنا بنمر بمرحله هتكتب في التاريخ
بس الواحد مبقاش مستحمل كم الدم و الكره و التخوين اللي حاصل دلوقتي
ربنا يستر على البلد
ربنا يقوينا على اللي احنا فيه

[MTAK]

سبحان الله الواحد بيشوف دول عباره عن اعراق مختلفه

و كانوا بيقتلوا و يستعبدوا (بالمعنى الكلى للاستعباد) بعض و بعدين شوف بقوا فين لما قالوا مصلحه بلدنا

انما احنا جنس واحد و دين واحد انما للاسف .............................

لا ارى ان اى حد من الطرفين بيفكر فى مصلحه عامه و على احسن تقدير بيفكر فى مصلحه عامه و لكن من وجهة نظره فقط
و لا شئ غيرها

[aldesha989]

اللى بيحصل بس ما هو الا انتقام من ثورة 25 يناير

[ahmedhilmy]

ربنا يستر الوضع رايح في اتجاه ميدفعش للتفاؤل يارب احفظ مصر من شر الفتن

[AhMeD MeTwAlY]

سبحان الله محدش فاهم اايه الي بيحصل طيب عيزين نعمل اجتماعه نناقش في الوضع من قبل ثورة 25 يناير

[horas3000]

سبحان الله محدش فاهم اايه الي بيحصل طيب عيزين نعمل اجتماعه نناقش في الوضع من قبل ثورة 25 يناير

مهي افه بلدك ان اللي مش فاهم بيفتي

[AhMeD MeTwAlY]

مهي افه بلدك ان اللي مش فاهم بيفتي

وبعدين في الفته الي جبتنا ورا دي