هل في خوف على الودائع في البنوك وتعاملات البورصة؟

[أبو صلاح]

في ظل الظروف الحالية
هل يوجد اي تخوف من الدوائع في البنوك او تعاملات البورصة من حيث حرية الدخول والخروج؟
عارف ان في ناس هترد وتقول البنك المركزي ضامن للودائع
لكن احنا في ظروف حالية لايوجد بها ثوابت او قواعد او ضمانات؟

ارجو عدم التحدث في امور سياسية

[Ahmed_Rahem]

مفيش خوف نهائى خلى معاك فلوس تكفيك من اسبوعين لشهر مصاريف اكل وشرب وبنزين بس - سياسة التخزين هى الى بتعمل الازمات

[Fo1Fo]

في ظل الظروف الحالية
هل يوجد اي تخوف من الدوائع في البنوك او تعاملات البورصة من حيث حرية الدخول والخروج؟
عارف ان في ناس هترد وتقول البنك المركزي ضامن للودائع
لكن احنا في ظروف حالية لايوجد بها ثوابت او قواعد او ضمانات؟

ارجو عدم التحدث في امور سياسية

Hi,
أهو هو ده السؤال اللى مأرقنى فى حياتى هو مش الخوف من انك تروح البنك تسحب فلوس يقولولك مافيش فلوس . الخوف انه يحصل انهيار اقتصادى او زيادة التضخم يعنى مثلا الجنيه يبقى قيمته تساوى قيمه ال25 قرش يعنى لو واحد مالوش معاش وشايل فى البنك 100 ولا 200 الف بيجيبو 1000 ولا الفين جنيه شهريا عايش منهم لو حصل انهيار أقتصادى رغيف العيش اللى هو دلوقت فرضا ب 25 قرش ها يبقى ب جنيه او أكثر
او بمعنى تانى الجنيه المصرى يبقى زى الجنيه السودانى والليره اللبنانيه سابقا او زى الليره السوريه حاليا او زى العمله دى http://bramj.q8lots.net/t284660/

[blazer]

اقدر اقولك بكل ثقه ان فه خطر على كل جنية فى البنك لان قيمته هتبقى صفر و الخوف الاكبر لو عندك دولار لان ممكن متقدر تسحب منه

[ehab]

اقدر اقولك بكل ثقه ان فه خطر على كل جنية فى البنك لان قيمته هتبقى صفر و الخوف الاكبر لو عندك دولار لان ممكن متقدر تسحب منه

مهو لو قيمته بقيت صفر ساعاتها مش هيفرق اذا كان معاه او في البنك
حتي لو هيسحبها و يحطها في شكل عقارات مثلا اعتقد الوقت الحالي ميسمحش بكدا

[marsguy]

من الطبيعي إن طول ما الإقتصاد في النازل التضخم هايزيد ولما الإقتصاد يبدأ في التعافي الدنيا هاتبدأ تظبط.

بس اللي بيجيب أجل أي إقتصاد هو الإشاعات والتخوف والرعب

يعني إنت لما تنزل تسحب فلوسك اللي في البنك وتشيلها في الدولاب هاتعمل أزمة سيوله

ولما تبطل تخرج ولا تشتري لبس وما بتصرفش غير على الأكل يبقى كل الأنشطه اللي بتعتمد عليك كامستهلك هاتفلس وهاتسرح الناس اللي شغاله فيها والناس دي مش هاتلاقي شغل تاني

ولما تنزل تشتري خزين يكفيك شهرين بتخلق أزمه من لا شئ وكمان هاتخسر فلوس عشان أكيد هاترمي حاجات

الخلاصه: جزء كبير من أي أزمه بيكون سببه السلوك الخاطئ للمواطنين

[Ahmed_Rahem]

من الطبيعي إن طول ما الإقتصاد في النازل التضخم هايزيد ولما الإقتصاد يبدأ في التعافي الدنيا هاتبدأ تظبط.

بس اللي بيجيب أجل أي إقتصاد هو الإشاعات والتخوف والرعب

يعني إنت لما تنزل تسحب فلوسك اللي في البنك وتشيلها في الدولاب هاتعمل أزمة سيوله

ولما تبطل تخرج ولا تشتري لبس وما بتصرفش غير على الأكل يبقى كل الأنشطه اللي بتعتمد عليك كامستهلك هاتفلس وهاتسرح الناس اللي شغاله فيها والناس دي مش هاتلاقي شغل تاني

ولما تنزل تشتري خزين يكفيك شهرين بتخلق أزمه من لا شئ وكمان هاتخسر فلوس عشان أكيد هاترمي حاجات

الخلاصه: جزء كبير من أي أزمه بيكون سببه السلوك الخاطئ للمواطنين

فعلاً السلوك الخاطئ هو الى بيعمل ازمة من لا شئ

[Mohamed_Hamid]

[quote=fo1fo;3875135424]hi,
أهو هو ده السؤال اللى مأرقنى فى حياتى هو مش الخوف من انك تروح البنك تسحب فلوس يقولولك مافيش فلوس . الخوف انه يحصل انهيار اقتصادى او زيادة التضخم يعنى مثلا الجنيه يبقى قيمته تساوى قيمه ال25 قرش يعنى لو واحد مالوش معاش وشايل فى البنك 100 ولا 200 الف بيجيبو 1000 ولا الفين جنيه شهريا عايش منهم لو حصل انهيار أقتصادى رغيف العيش اللى هو دلوقت فرضا ب 25 قرش ها يبقى ب جنيه او أكثر
او بمعنى تانى الجنيه المصرى يبقى زى الجنيه السودانى والليره اللبنانيه سابقا او زى الليره السوريه حاليا او زى العمله دى [url=http://bramj.q8lots.net/t284660/]

دى اسمها القوة الشرائية للعمل
على فكرة الجنيه السودانى قيمته اعلى من الجنيه المصرى والكلام ده من حوالى 3 سنين

[r0xer]

مفيش ازمات ولاحاجة ودي اشاعات اخوانجية عشان الناس تخاف وترضخ لارهابهم.

الاقتصاد سيء وعندنا مشاكل فيه...لكن مفيش قلق اطلاقا على انهياره تماما ولا حتى بعد 3 سنين من دلوقتي لو فضلت الدنيا كدا...البلد دي قوية ومش بالضعف دا والدليل انتو شفتوه بعينكم بقالنا 3 سنين لافي شغل ولا انتاج والبلد لازالت صلبة وواقفة على رجليها.

بطلوا تقلقوا لانكم بتشاركوا في نشر الاشاعات الاخوانجية بالشكل دا.

[أحمد كمال]

على فكرة الجنيه السودانى قيمته اعلى من الجنيه المصرى والكلام ده من حوالى 3 سنين

ده الجنيه السوداني الجديد ..... اللي ب 100 دينار سوداني ..... اللي ب 10 جنيه سوداني قديم

يعني الجنيه السوداني الجديد بألف جنيه سوداني قديم !

[marsguy]

ده الجنيه السوداني الجديد ..... اللي ب 100 دينار سوداني ..... اللي ب 10 جنيه سوداني قديم

يعني الجنيه السوداني الجديد بألف جنيه سوداني قديم !

إيه الإشتغالات دي يا عم :)

خلاص من بكره نعمل جنيه جديد ونكتب ما بين قوسين إنه يساوي 100 جنيه قديم :) وبكده نرجع لعصر الأربعينات لما مصر كانت أغنى من إنجلترا وكان الموظف اللي بيقبض 20 جنيه عايش مبسوط

[أحمد كمال]

إيه الإشتغالات دي يا عم :)

خلاص من بكره نعمل جنيه جديد ونكتب ما بين قوسين إنه يساوي 100 جنيه قديم :) وبكده نرجع لعصر الأربعينات لما مصر كانت أغنى من إنجلترا وكان الموظف اللي بيقبض 20 جنيه عايش مبسوط

انت عارف ان لسه فيه ناس في السودان بتقول الاسعار بالجنيه القديم

يعني اول ما رحت السودان ....... باجيب كباية قهوة من فرشة شاي و قهوة في الشارع (بيسموها ست الشاي) ...... باقول لها بكام بتقول لي 2000 !!! 2000 ايه يا ولية؟؟؟؟؟ 2000 جنيه ....... ليييييييييييييه؟؟؟؟؟؟؟

طلع قصدها 2 جنيه جديد يعني

تروح تسال على ايجار شقة مفروشة يقول لك ب 4 مليون في الشهر هههههههههه

[aliabdo]

عمر ما الانهيار الاقتصادى بيحصل فى يوم و ليله ابدا ده بياخد وقت كبير و بيكون ملخوظ للجميع
المشاكل الموجوده حاليا مشاكل سياسيه مش مشاكل اقتصاديه و لو كانت بالفعل موجوده بالفعل
استبعد انخفاض سعر الجنيه المصري امام العملات الاخري بل اتوقع ارتفاعه نظر لتايد العديد من دول الخليج للمسار الحالى فى مصر متمثل فى قروض و ودائع بالعملات الاجنبيه فى البنوك المصريه

موضوع عدم وجود فلوس فى البنك سببه الاساسى تقليل الكاش فى البنوك لتفادى حدوث اى اعمال سرقه انما لو عايز تسحب مليون جنيه و قالك مفيش تانى يوم حيكون موفرهم لك
من الاسباب بروضو الناس كتير بتسجب فلوس من البنك بس مجرد هدوء الوضع حيعود كل حاجه زى ما كانت و احسن ان شاء الله

دى مجرد وجهة نظر شخصيه ممكن تكون صح او غلط

[marsguy]

عمر ما الانهيار الاقتصادى بيحصل فى يوم و ليله ابدا ده بياخد وقت كبير و بيكون ملخوظ للجميع
المشاكل الموجوده حاليا مشاكل سياسيه مش مشاكل اقتصاديه و لو كانت بالفعل موجوده بالفعل
استبعد انخفاض سعر الجنيه المصري امام العملات الاخري بل اتوقع ارتفاعه نظر لتايد العديد من دول الخليج للمسار الحالى فى مصر متمثل فى قروض و ودائع بالعملات الاجنبيه فى البنوك المصريه

موضوع عدم وجود فلوس فى البنك سببه الاساسى تقليل الكاش فى البنوك لتفادى حدوث اى اعمال سرقه انما لو عايز تسحب مليون جنيه و قالك مفيش تانى يوم حيكون موفرهم لك
من الاسباب بروضو الناس كتير بتسجب فلوس من البنك بس مجرد هدوء الوضع حيعود كل حاجه زى ما كانت و احسن ان شاء الله

دى مجرد وجهة نظر شخصيه ممكن تكون صح او غلط

أعتقد فعلا إن بمجرد هدوء الوضع المفروض الدنيا تتحسن جامد أوي وبسرعه

وده بسبب إن إحنا في الحضيض حاليا

بس المشكله هو إمتى الدنيا ها تهدى وإزاي

ربنا يفرجها من عنده

[aliabdo]

ان شاء الله الوضع حيتحسن بسرعه اكتر مما نتخيل و الدنيا حتهدى الشرطه و الجيش "مع عدم نسيان تاريخهم فى الاحداث الماضيه " مش ناوين يتساهلو تمام مع اى احداث و ده حيأدى ان الدنيا تهدى بسرعه كبيره ان شاء الله