هام وعاجل للاهمية

[nodey]

اليلام عليكم اخواني كم يؤلمني احوال بلدي الحبيبة لكن هنعمل ايه الله يسرتها علي البلد ويعديها علي خير
ان شاء الله علي اخرالاسبوع ميعاد سفري من المنصورة الي مطار القاهرة للسعودية ان شاء الله هأخذ الطريق الدائري ان شاء الله
مش عارف هسافر ازاي في حظر تجوال هل الحظر مطبق علي الطرق السريعه وله ايه
وكمان خايف من اعمال البلطجة علي الطريق ومعاي عيالي
وهل اسافر بالنهار ام علي المغرب
وهل الاهل اللي هيوصلوني ممكن يحصل ليهم حاجة اذا رجعوا علي المنصورة بعد الساعه 10 مساءا
والله محتاروخايف علي اهلي ولادي وقبل كل ده حزين علي بلدي وعلي اللي بيحصل
يارب نجي مصر واهلها من الفتن

[Abo.Omar]

خليك بالنهار أفضل .. وكمان أهلك يرجعوا بالنهار

ربنا يستر طريقنا جميعا

وتوصلوا بالسلامة

تقبل مرورى

[Imhotep]

ياريت الالتزام بالمواعيد طبعا من ناحية حرصا على السلامة من اى عنف او ترويع ممكن يحصل على الطرق و من ناحية تانية الالتزام عشان عدم العطلة فى الكماين لانها جد و بتوقف العربيات و تفتشها

[nodey]

شكرا لكم ودعواتكم تعدي علي خير

[wawamoha]

ماتنساش تستخدم موقع بيقولك علشان يكشفلك الطريق و تختار اي بدائل قبل كاتتحرك


Bey2ollak.com

[nodey]

شكرا لحضرتك

[Mohamed_Hamid]

تمشى بدرى فيه كمين للجيش ما بين ميت غمر وكفر شكر تبقى عندهم بقدر الامكان على الساعة 7 يعنى تخرج من المنصورة الساعة 6 وربع مثلا ( انا معرفش اذا كان فيه كمين للجيش بعد المنصورة على طول ولا لأ ) وبقدر الامكان تبقى فى المطار بدرى يعنى قبل الساعة 9مثلا لأن كل ما تأخرت كل ما الطريق بقى سئ واهلك ميجوش معاك ممكن والدك او اخوك او واحد صاحبك او حتى واحد غريب يوصلك وخلاص غير كدة لأ ويرجعوا على طول... ربنا يصلح الحال

[nodey]

مشكورواله يسلمك من كل سوء والقارئين
ان شاء الله هسافر من ير حد من الاهل وربنا يعديها علي خير

[أحمد كمال]

انا ليا راي مخالف

رأيي انك حتى لو طيارتك بالليل انزل الصبح و روح مطار القاهرة الصبح

و ممكن تقعد في اي كافيتيريا في الاير مول اللي جوة المطار

او لو عايز ترتاح احجز غرفة في نوفوتيل المطار او ميريديان المطار اللي داخل حرم المطار بحيث تبقى على مرمى حجر من المطار

و اهلك يوصلوك المطار بالف سلامة بالنهار (توصل بالكتير 12 الظهر مثلا) و يروحوا المنصورة بالنهار


بلاش تخاطر بسلامتك او سلامة اهلك اللي هيوصلوك او حتى بان الرحلة تفوتك

[wawamoha]

انا وصلت اخويا قبل ميعاد الطياره ب 6 ساعات
و احنا في المطار لقينا طياره تانيه قلبها ب 3 ساعات رايحه جده برضه
حاولنا نطلع عليها و فعلا نجحنا
يعني قعد ساعتين بس زياده
ربنا يوفقك

[Ahmed Selim]

انا مع رأي احمد كمال

روح بدري للمطار علشان اهلك يعرفوا يرجعوا بالسلامة بدون قلق او تاخد تاكسي على الساعة ٤ من المنصورة لو عرفت و أمرك الي الله

[Mohamed_Hamid]

تمشى بدرى فيه كمين للجيش ما بين ميت غمر وكفر شكر تبقى عندهم بقدر الامكان على الساعة 7 يعنى تخرج من المنصورة الساعة 6 وربع مثلا ( انا معرفش اذا كان فيه كمين للجيش بعد المنصورة على طول ولا لأ ) وبقدر الامكان تبقى فى المطار بدرى يعنى قبل الساعة 9مثلا لأن كل ما تأخرت كل ما الطريق بقى سئ واهلك ميجوش معاك ممكن والدك او اخوك او واحد صاحبك او حتى واحد غريب يوصلك وخلاص غير كدة لأ ويرجعوا على طول... ربنا يصلح الحال

مشكورواله يسلمك من كل سوء والقارئين
ان شاء الله هسافر من ير حد من الاهل وربنا يعديها علي خير

على فكرة انا كل كلامى انك تمشى الصبح يعنى 6 وربع الصبح و7 الصبح مش بالليل وياريت قبل كدة كمان