ممكن عنوان مرور المعادى

[salodas]

السلام عليكم
ممكن أعرف عنوان مرور المعادى .... لأن واحد قالى أن من ثورة 25 يناير وهو أتحرق ونقلوه لمكان جديد .... طبعا أنا أعرف مكانه القديم الى كان فى صقر قريش .... عاوز أعرف مكانه الجديد

شاكر لكم

[cosmo]

بص هى يا هتكون فى زهراء المعادى وده الارجح
او هتكون فى مرور البساتين

[ahmedhilmy]

حضرتك هتكمل علي التوستراد كان رايح حلوان هتلاقي منزل علي اليمين يعد محطه و طنيه مكتوب عليه المنطقه التكنولوجيه هتنزل منه علي نيركو المعادي تكمل لغايه اول يوتيرن شمال و تلف و تكمل علطول هتقابل نفق تنزل من تحتيه انت كده بقيت في الزهراء و لا يمين و لا شمال و تمشي مع اللوحات الارشاديه لغايه متوصل هو عموما في الاخر شمال عند جراج اوروبا 2000

[salodas]

فى صديق بيقولى عند عمارات بيتشو ..... صح كده

[elmkaneeki]

تاخد شارع الزهراء لاخره خالص شمال في يمين هتلاقيه...وفعلا هتبقي قريب من بيتشو

[ahmedhilmy]

هو فعلا قريب من بيتشو لو حضرتك جاي من الطريق الدائري ممكن تدخل من جنب كارفور و تكمل علي بيتشو هيبقي علي يمينك