ايه اخبار حظر التجول فى القاهرة؟

[RAPID]

الطرق الرئيسيه او القريبه او اللي عليها كتايب جيش او محطات وطنيه تعتبر مقفوله لغايه اول امبارح كان ممكن يبقي في تساهل جزئي من امبارح تشديد منقطع النظير امبارح علي التوستراد الساعه 8 و معايه زوجتي وبيني و بين بيتي نص كيلو الظابط رفض يعدينا و قللي ناموا في العربيه ل 6 الصبح
رجعت بضهري معلقش و مشيت عكس الاتجاه علي الاتوستراد و دخلت من شوارع المعادي الفرعيه مكنش في مشاكل لغايه ما روحت

بص هو بالنسبة لشبرا مصر شارع شبرا ففي حوالي 3 كماين بداية من المظلات ولحد اول شبرا عند جزيرة بدران كدة وكل كمييين 4 مدرعات اتنين في كل اتجاه وتفتيش كامل للسيارة والركااب وكانوا بيععدوا بعد كدة دة بالنسبة لشارع شبرا من الخلفاوي لروض الفرج تتفتش وبعد كدة تعدي والكلام دة كان الساعة 12 بليل
انما في كماين في شارع احمد حلمي وقبل عبوود عند نادي اسكو 4 مدرعات علي حسب كلام ناس اعرفهم مفيش حد بيعدي خاالص بيرجعووك تاني

في الطراوة
وعلى حسب الاشخاص يعني منهم كمين يفوتها ومنها كمين يحسسك انك داخل تل ابيب وبرضه بتلف وتخش شارع فرعي وتعدي، العملية سايبة

اقاربنا اللي نزلو اجازات عملو تقديم لمعاد العودة وقطعو اجازاتهم وسافرو
قاعدين في بيوتهم من الساعة 7 ومش عارفين يسافرو ولا يروحو مصيف ولا يتفسحو ولا حتي يزورو حد او حد يزورهم
نصيحة اجل الاجازة لأنها ح تبقي مش ممتعة الايام دي

+1
اختي عملت كده للاسف
كفايه القلق اصلا
الحق اجازتك و شوف لك بلد تانيه

شكرا جزيلا ليكم يا جماعة كتر خيركم وانا فى مصر يعنى بسال على اساس انى من محافظة تانية والمصلحة قضيت والحمد لله وربنا يصلح احوالنا جميعا يا رب

[zrzr1]

احجز غرفة في فندق من فنادق المطار (لو باساج او نوفوتيل) و بات الليلة و خلي اخوك يجيلك الصبح

بلاش تعرض اخوك للاعتقال و لا تعرض نفسك للبهدلة

طب لو عندك فكره عن الاسعار ياريت تفيدني