السادة اطباء العظام

[أحمد كمال]

السلام عليكم

كتفي اليمين اتخلع من 10 سنوات

و اتعالجت و تمام

لم يحدث اي كسور اثناء الخلع و الموضوع مر على خير

بعد 4 سنوات من الخلع حصل بعض الالام و "النكتكة"..... عملت رنين و كان فيه قطع بسيط في الغضروف و الدكتور اكد ان مفيش داعي لاي تدخل

من شهرين وقعت وقعت بسيطة على جنبي اليمين بس ماحصلش حاجة و مفيش اي حاجة


من 4 ايام بدأ الم في كتفي اليمين بالذات من النوم عالجانب اليمين و افترضت ان ارتفاع المخدة مش كويس

النهاردة الالم اشتد جدا جدا جدا مع اي حركة

رحت الطوارئ فحصني و اتاكد انه مش مخلوع ...... عمل لي اشعة لقى ظلال على عضمة المفصل (الكورة) زي ما تكون 3 قطع عظم رقيقة جدا

بيقول لي انه مش اخصائي عظام و ما يفهمش و طلب اني اعمل رنين و اروح للاخصائي

كان عايز يديني حقنة ترامادول و انا رفضت ههههههههه

اداني فولتارين...... و كتب لي كودايين+باراسيتامول


المهم باساله هل ممكن تكون فتافيت عظم اتكسرت قال لي لأ و ما تبقاش بالشكل ده و مش 3 جنب بعض

و بيقول لي ممكن يكون تكلس في الاربطة !

طبيب القلب كان ممشيني على فيتامين دي 50 الف وحدة في الاسبوع


هل ده ممكن يكون السبب؟ و ايه اعراض التكلس؟


انا مش عارف اسوق و الوجع مبهدلني و ابتدى يسرح

[أحمد كمال]

توضيح : انا مستني موافقة التامين عالرنين و ممكن تطول شوية (اسبوع مثلا)

[Y a r i s]

ألف سلامة عليك يا ابو كمال
انشالله عدوينك والي يزعلوك وانتا لأ يا غالي وربنا يطمنا عنك يارب شدة وتزول ... بس بلاش الله يخليك كلمة اتخلع دي ياريت تقول ارادة شعبيه :) . الف سلامة عليك يا غالي وربنا يطمنا عنك يارب وفي انتظار رأي الدكتور .ومعافا بأذن الله ... وتحياتي

[Karim_Mohy]

الف سلامه وان شاء الله تطمن وتكون بسيطه

[RAPID]

الف سلامة عليك يا استاذ احمد بسيطة ان شاء الله

[monamize4]

الف سلامة يا باشا

[أحمد كمال]

جزاكم الله كل خير

مفيش طبيب عظام هنا؟

[Mahmoud Nagieb]

جزاكم الله كل خير

مفيش طبيب عظام هنا؟

استاذ احمد , شفاك الله وعفاك

انا لفيت بتاع سنتين كده على دكاترة عظام مصر , علشان كان عندى اصابة وحشة فى كتفى اليمين من لعب التنس

حضرتك لو فى مصر انا اقدر اديك عنوان دكتور ممتاااااز ما شاء الله عليه , وفيه اكتر من دكتور كمان لو تحب بوسايط علشان تروح بسرعة

بس والله حضرتك خد نصيحة من اخوك الصغير , شوف انا عندى 21 سنة , وعملت عمليه فى كتفى , ولسة مرجعش حتى 50 % من قوته الاول , دكاترة العظام دولة يعملوا البحر طحينة , وبعدين نتايج مش زى المتوقع , بالذات مع المفاصل

فبالله عليك متخليش حد يلمس كتفك إلا فى الظروف القصوى

تقبل تحياتى

[Imhotep]

الف سلامة..... لازم تتابع مع دكتور كويس و عنده ضمير و بيفهم..... انصح بالدكتور محمد زادة فى دار الفؤاد و عيادته فى عمارة الايموبيليا و تتوافر فيه المواصفات السابق ذكرها..... الكشف بتاعه لوحده بياخد بتاع ربع ساعة..... و قوم و اقف و اتنى و اتعدل :) بس متزعلش و تقول ده حمار لما تطلع تعبان بعد الكشف :)..... لانه بيقعد ينخور عشان يوصل لسبب المشكلة الحقيقى و مسمع فين و الكلام ده..... و النتيجة انك بتطلع تعبان فعلا بعد الكشف لانه خلا عضم و عضلات الجسم كله تتشد و تسمع فى بعض و تلطش فى اماكن الالم.....