سؤال لمهندسى مدنى

[mrghost]

http://img208.imageshack.us/img208/5353/c9ax.jpg

السﻻم عليكم ورحمة الله وبركاته
لو سمحتوا يامهندسى المنتدى سؤال
دى رسمة للدور اﻻرضى لبيتنا
انا عامله جراج
المهم كان فى حائط تحت الكمرة رقم 2 وانا هدمتها علشان العربيات اركنهم ورا بعض بالطول
دلوقتى فى حائط تحت كمرة رقم واحد هل ممكن اهدمها هى كمان وﻻ ﻻ
مع العلم البيت 5 ادوار
والكمر اطواله فى الصورة اللى فوق
وعرضه 12 سم والعمق 30 سم
وشكرا مقدما

[mostafa3000]

من الطبيعي ان في المنشاء الهيكلي ممكن تشيل اي حوائط بدون التأثير علي المنشا
بس ممكن تقولي هل تم البناء ثم الصب علي المباني ام تم عمل الهيكل اولا ثم البناء
ودة ممكن تعرفة في حالة تكسير الحائط رقم 1 لو لقيت قاع الكمرة سليم وغير ملتصق بالمباني
يبقي الحائط تم بناءة بعد الهيكل

[mrghost]

شكرا ع الرد ياهندسة
هو تم البناء اوﻻ ثم بعد كده تم صب الكمر والسقف بعد المبانى

[hussein]

مبدئيا عمق الكامرة بيتحسب انه الجزء الظاهر + سمك السقف فغالبا عمق الكمره عندك هتلاقه حوالى 45 سم دى نقطه توضيحيه فى الاول
المهم عمق الكمر بالشكل دا قليل والحديد اللى فيه مش معروف عشان كده انت هتاخليك فى الامان و تفتح فى الحائط دا فتحة ممكن لحد 2.5 متر ودا هيدخلك عربية مرتاح و تسيب كتف يمين و كتف شمال
او تفتح الفتحة كلها من ناحية اليمين و تسيب الكتف الشمال يكون كبير شوية
الكتف من الناحية الشمال دا مهم جدا لانه شايل حمل الكمرة اللى هو تحتها لو شيلته حمل الكمرة 1 هيروح كحمل مركز على منصف الكمرة 2 وممكن يحصل مشاكل
الخلاصة متزودتش الفتحة عن 2.5 متر وكل ماتكون اصغر تكون احسن
اللى يفتح الفتحة يكون بمطرقة واجنه و يكون حنين ميدبش وخلاص
وبس مبروك الجراج :)

[mrghost]

الف الف شكر على الرد ياهندسة