ما هو حل حظر التجول ؟

[JapRuleZ]

الحظر شكلوا حيطول يا جماعة
ايه الاماكن اللى ممكن الواحد يروحها وقت الحظر
و انا اسمع ان في كافيهات فاتحة غير البلدى طبغا
او اى اماكن او اى حتة تتراح
يا ريت اقتراحتكو

[ahmedhilmy]

انا متهيالي انه منعا للمشاكل و الدخول في حوارات مع اكمنه الجيش لا تملك الا التحرك في نطاق سكنك و ميكنش في شوارع رئيسيه لغايه ما ربنا يفرجها

[sherif_84]

ياباشا تقعد فى بيتك .. أومال هو اسمه حظر تجول ليييه !!
ربنـــــــــــا يعدى الايام دى على خير

[Imhotep]

حل الحظر الالتزام بيه للمصلحة العامة و الخاصة ايضا..... معتقدش حد هيبقى مبسوط لما حد ييجى يحاول يحرق و يدمر فى مكان هو قاعد فيه..... انا عارف ان الموضوع ممل بس اللى عمله بالشكل ده مش قاصد يرخم على الناس فى عز الصيف...... واضح ان الموضوع ضرورى عشان اللى طالع يحرق و يقتل و يدمر ميبقاش فيه غيره فى الشارع و الامن يعرف يتعامل معاه بدون خوف من سقوط ضحايا لا لهم فى التور و لا الطحين...... و على فكرة هم بيراجعوا حاليا مواعيد الحظر و فى كلام عن انه احتمال تتمد شوية بعد 7م

انا اللى عاجبنى اكتر ان الناس ملتزمة بنسبة كبيرة جدا رغم ان احنا مش شعب بيحب النظام اوى و رغم ان الحظر اتعمل قبل كده و كان كفتة....... الناس ملتزمة عشان عارفة ان الموضوع جد المرة دى لان فعلا الموضوع فيه خطورة من الناس اللى بتعمل عنف فى الشوارع و الموضوع جد كمان من الامن عشان يعرف يشتغل

[ahmedhilmy]

حل الحظر الالتزام بيه للمصلحة العامة و الخاصة ايضا..... معتقدش حد هيبقى مبسوط لما حد ييجى يحاول يحرق و يدمر فى مكان هو قاعد فيه..... انا عارف ان الموضوع ممل بس اللى عمله بالشكل ده مش قاصد يرخم على الناس فى عز الصيف...... واضح ان الموضوع ضرورى عشان اللى طالع يحرق و يقتل و يدمر ميبقاش فيه غيره فى الشارع و الامن يعرف يتعامل معاه بدون خوف من سقوط ضحايا لا لهم فى التور و لا الطحين...... و على فكرة هم بيراجعوا حاليا مواعيد الحظر و فى كلام عن انه احتمال تتمد شوية بعد 7م

انا اللى عاجبنى اكتر ان الناس ملتزمة بنسبة كبيرة جدا رغم ان احنا مش شعب بيحب النظام اوى و رغم ان الحظر اتعمل قبل كده و كان كفتة....... الناس ملتزمة عشان عارفة ان الموضوع جد المرة دى لان فعلا الموضوع فيه خطورة من الناس اللى بتعمل عنف فى الشوارع و الموضوع جد كمان من الامن عشان يعرف يشتغل

كمان بالأضافه لكون الناس ملتزمه المره دي اكمنه الجيش هي كمان ملتزمه اكتر من المره اللي فاتت اقصد طبعا ان قبل كده كان في مرونه شويه و قابليه للاخد و العطا و التغاضي من الأكمنه الا انه المره دي مفيش رغي لاما ترجع لاما تركن للصبح

[Mostafa.Mahran]

تنزل تقعد مع اصحابك على اقرب كافيتريا من البيت و خليك مستعد على الساعة 12 ولا 1 دوريات تعدى و يقوموكو من عليها

[Dr.Mostafa Anwar]

فن صناعة الخوف ..

[LegendJo]

فن صناعة الخوف ..

وماله..

[Imhotep]

الخوف كانوا عايزين يصنعوه اللى كانوا دايرين قتل و حرق و تدمير فى البلد دى و ناسها. . . و قبل ما الموضوع ياخد اتجاه انه يتحول لقسم احوال الشارع المصرى. . . ياريت مرة واحدة فى حياتنا نلتزم فيها عشان خاطر نساعد البلد و نساعد نفسنا فى الخلاص من الارهاب و نساعد اللى عايز يشوف شغله فى حماية هذا الشعب و خلاص هانت الحمد لله لان الارهابيين ابتدوا ييأسوا خلاص و بيرجعوا لجحورهم دلوقت اللى هيتجابوا منها برضه واحد ورا التانى زى ما بنشوف

[S O P H O S]

مفيش فرصة للخروج اثناء حظر التجوال
الافضل الانتظار شوية وهيتم تقليص ساعات الحظر اعتقد ..

[aliabdo]

زى ما كل الناس قالت احسن حاجه التزم بالقانون الجيش مش بيهزر المره دى و ملوش لزمه حد يتكلم معاك و لا تتمسك؛ انا فى العجمى يعنى مصيف و الناس بتسهر للصبح المفروض كبير القهاوى كلها الساعه واحد بتقفل و الجيش بيقوم الناس و اى قلق بيقابل بقوه

خليك فى بيتك او اقرب مكان و ملهاش لزمه المخاطره تماما