خبراء التشطيب محتاج مساعدتكم

[BESO516]

صباح الخير على الجميع وجمعه مباركه على الجميع ان شاء الله

انا هبدأ اشطب شقتى من الشهر الجاى
هى صافى 180 م بالظبط
مستلمها نص تشطيب ( محاره - حلوق- كهربا كامله - نجاره ) وطبعا سباكه بس عمومى مش جوه الشقه

بخبرتكم وتجاربكم كده محتاجه ميزانيه قد ايه عشان تبقى شقه سوبر لوكس وتاخد قد ايه وقت علما ان الصناعيه تحت ايدى كلهم يعنى مفيش مشكله غير انى عايز اعرف الميزانيه قد ايه بالمواصفات دى

[BESO516]

ايه ياجماعة محدش شطب شقته قريب ولا ايه؟؟

[salodas]

أنا مشطب شقتى من حوالى سنة نفس المساحة ... تكلفة 150 ألف

[waleed alsudy]

شوف انا مهندس وعندي مكتب هندسي وتشطيبات وديكورات لو عايز اي استفسار عن التشطيبات او الاسعار
دا رقمي
مهندس وليد /01114335488
وانا تحت امرك

[BESO516]

أنا مشطب شقتى من حوالى سنة نفس المساحة ... تكلفة 150 ألف

شكرا لرد حضرتك

بس ممكن بعد اذن حضرتك اعرف بس ده تشطيب من وهى على الطوب الأحمر ولا شامل ايه عشان ابقى فاهم بس انا داخل على ايه

[BESO516]

شوف انا مهندس وعندي مكتب هندسي وتشطيبات وديكورات لو عايز اي استفسار عن التشطيبات او الاسعار
دا رقمي
مهندس وليد /01114335488
وانا تحت امرك

ربنا يخلى حضرتك يابشمهندس
اكيد هتصل بحضرتك

بس انا اخدت بالى ان حضرتك من اسماعليه فهل المكتب هناك ولا هنا ؟؟

[BESO516]

هل من مجيب؟ ؟

[Angel_wolf]

بص حضرتك على حسب انت عاوز تشطيب عامل ازاى بس فى اساسيات

يعنى الكهرباء بتاخد حوالى 1000-12000 مصنعية تاسيس

هتجيب كابلات بحوالى 1000-1500 على حسب الاحمال افضل حاجة السويدى للكبلات اشترى من شارع العشماوى من عند صادق السويدى او بهجت

بخصوص مفاتيح الكهرباء بتاعة اللوحة عندك
ABB -GEwess-shniader -hager

كلهم تمام اوى على ومحترمين سعرهم تقريبا واحد فرق 2 جنية بالكتير من نوع للتانى الاسعار بتبدى من 17.5 ل 21 جنية

البرايز والفيش هات الكبار سواء بتشينو او غيرة فى شوية ماركات ممتازة نازلة السوق

السباكة على حسب عندك كام حمام لو شقة 2 حمام ومطبخ بتاخد مصنعية تاسيس من 800-1000

المواسير هات الصرف الشريف و المياه باننجر الالمانى وهاتهم يكبسوا دورة المياه و انت بتعزل الحمام بقوا دلوقتى بيجيبوا شكرة تعزل و بتعمل زى حرق بالنار على العزل علشان يثبت بيبقى بحوالى 250 جنية

الارضيات دى بقى الليلة الكبيرة والمساحة عند حضرتك ماشاء الله كبيرة فهتدفع حبة حلوين
عند حضرتك بورسلين من اول 80 جنية دة الصينى لحد 600 جنية اسبانى
انت ومزاجك المحجوب بيعمل تخضيات ساعات على حاجات اسبانى باسعار حلوة
بس فى رائيى اعمل الاوص سراميك لانها بتبقى مليانة عفش ومش هتبان الارضية واعمل الريسبشن و الطرق بورسلين
سعر التركيب من 15-18 جنية سراميك بورسلين مش فارقة معاهم

الدهانات والنقاشة فى العادة الحيطان بتاخد من 3 لاربع سكاكين معجون وبعد كدة البطانة ووشين طبعا الديكور انت وزرقك

سعر المصناعية بيبقى من 8-12 على حسب الصانيعى بس مش اكترمن كدة لان كل حاجة فيها ديكور هتعملها هياخد على المتر من 5-10 فى المتر الواحد زيادة
الحاجات الى منتشرة فى ديكور الدهانات
1- استوك انيتك(معجون رخامى)
2-ماربل
3-تدهيب وتنحيس او فضة للكرانيش
4-ورق حائط ونازل بتشيلات تحفة اوى اوى الرول المحترم بيعمل 400 جنية بيغطى 4.5 -5 متر مربع فدة بيبقى حيطة واحدة فى الاوضة او الريسبشن

النجارة عند حضرتك البيبان من 260 جنية للباب لحد 2000 جنية على حسب نوعية الخشب والمتانة والشغل الى فى
الباب

البرور هات برور عريضة شكلها بيبقى ممتاز البر الكبير عرض 10 سم يبيقى 9-10 جنية البر العادى 7سم 6-7 جنية


الاسعر دى كلها من شهر - شهرين بس الصانيعية بيختلفوا من مكان للتانى وعلى حسب مكان الشقة كل ما تكون فى مكان عالى كل ما طمعهم بيزيد على فكرة

لو تعرف مهندس يشطبلك هو هياخد حوالى 10% من تكلفة التشطيبات بس هيمسك الدنيا كلها وانت ملكش دعوى خالص بس بردوا لازم تتابعة من وقت للتانى

لو حضرتك احتجت اى حاجة كلمنى وانا فى الخدمة لو عاوز تشترى اى حاجة من اى مكان انا تحت امر حضرتك

[salodas]

باشا أنا مستلم الشقة على المحارة + حلوق خشب + وصلة الميا ه الرئيسية ... يعنى نصف تشطيب زيك بالضبط . الخلاصة أنى سلمت الشقة لمهندس ديكور (شركة تشطيب) وكنت بتابع معاهم طبعا عشان دى أزواق ..... واستلمت الشقة منهم على المفتاح .... تكلفة حوالى 150 ألف بدون عمواله المكتب 15 % .

[BESO516]

بص حضرتك على حسب انت عاوز تشطيب عامل ازاى بس فى اساسيات

يعنى الكهرباء بتاخد حوالى 1000-12000 مصنعية تاسيس

هتجيب كابلات بحوالى 1000-1500 على حسب الاحمال افضل حاجة السويدى للكبلات اشترى من شارع العشماوى من عند صادق السويدى او بهجت

بخصوص مفاتيح الكهرباء بتاعة اللوحة عندك
abb -gewess-shniader -hager

كلهم تمام اوى على ومحترمين سعرهم تقريبا واحد فرق 2 جنية بالكتير من نوع للتانى الاسعار بتبدى من 17.5 ل 21 جنية

البرايز والفيش هات الكبار سواء بتشينو او غيرة فى شوية ماركات ممتازة نازلة السوق

السباكة على حسب عندك كام حمام لو شقة 2 حمام ومطبخ بتاخد مصنعية تاسيس من 800-1000

المواسير هات الصرف الشريف و المياه باننجر الالمانى وهاتهم يكبسوا دورة المياه و انت بتعزل الحمام بقوا دلوقتى بيجيبوا شكرة تعزل و بتعمل زى حرق بالنار على العزل علشان يثبت بيبقى بحوالى 250 جنية

الارضيات دى بقى الليلة الكبيرة والمساحة عند حضرتك ماشاء الله كبيرة فهتدفع حبة حلوين
عند حضرتك بورسلين من اول 80 جنية دة الصينى لحد 600 جنية اسبانى
انت ومزاجك المحجوب بيعمل تخضيات ساعات على حاجات اسبانى باسعار حلوة
بس فى رائيى اعمل الاوص سراميك لانها بتبقى مليانة عفش ومش هتبان الارضية واعمل الريسبشن و الطرق بورسلين
سعر التركيب من 15-18 جنية سراميك بورسلين مش فارقة معاهم

الدهانات والنقاشة فى العادة الحيطان بتاخد من 3 لاربع سكاكين معجون وبعد كدة البطانة ووشين طبعا الديكور انت وزرقك

سعر المصناعية بيبقى من 8-12 على حسب الصانيعى بس مش اكترمن كدة لان كل حاجة فيها ديكور هتعملها هياخد على المتر من 5-10 فى المتر الواحد زيادة
الحاجات الى منتشرة فى ديكور الدهانات
1- استوك انيتك(معجون رخامى)
2-ماربل
3-تدهيب وتنحيس او فضة للكرانيش
4-ورق حائط ونازل بتشيلات تحفة اوى اوى الرول المحترم بيعمل 400 جنية بيغطى 4.5 -5 متر مربع فدة بيبقى حيطة واحدة فى الاوضة او الريسبشن

النجارة عند حضرتك البيبان من 260 جنية للباب لحد 2000 جنية على حسب نوعية الخشب والمتانة والشغل الى فى
الباب

البرور هات برور عريضة شكلها بيبقى ممتاز البر الكبير عرض 10 سم يبيقى 9-10 جنية البر العادى 7سم 6-7 جنية


الاسعر دى كلها من شهر - شهرين بس الصانيعية بيختلفوا من مكان للتانى وعلى حسب مكان الشقة كل ما تكون فى مكان عالى كل ما طمعهم بيزيد على فكرة

لو تعرف مهندس يشطبلك هو هياخد حوالى 10% من تكلفة التشطيبات بس هيمسك الدنيا كلها وانت ملكش دعوى خالص بس بردوا لازم تتابعة من وقت للتانى

لو حضرتك احتجت اى حاجة كلمنى وانا فى الخدمة لو عاوز تشترى اى حاجة من اى مكان انا تحت امر حضرتك

انا شاكر لحضرتك جدا جدا جدا
انا فى حاجات كتيير كنت مش عارفها من اللى انت كاتبه ده فهمت وعرفت الدنيا ماشيه ازاى
وانا خدت الكلام ده كوبى و نزلته على النوت بتاعه الموبايل عشان الأنواع والأسعار اراجعها كبل شويه
وشكرا جدا مره تانيه على مشاركتك

[BESO516]

باشا أنا مستلم الشقة على المحارة + حلوق خشب + وصلة الميا ه الرئيسية ... يعنى نصف تشطيب زيك بالضبط . الخلاصة أنى سلمت الشقة لمهندس ديكور (شركة تشطيب) وكنت بتابع معاهم طبعا عشان دى أزواق ..... واستلمت الشقة منهم على المفتاح .... تكلفة حوالى 150 ألف بدون عمواله المكتب 15 % .

تمام جدا ياباشا
انا فعلا واقع بين رأيين
واحد يقولى سلمها لمكتب هندسى واستلمها على المفتاح
والتانى يقول لأ لالالالالا اعملها انت احسن هتوفر نص اللى هتدفعه للمكتب وانت اوله

فمش عارف بصراحه

[salodas]

ربنا يوفقك ....
شوف ظروفك وأحكم هتعمل أيه ..... أنا كنت بنزل مع المهندس مثلا نشترى السيراميك ... انا أختار زى الباشا وأدفع و هو ينقل ويطلع ويحاسب العمال بما يرضى الله طبعا ويركب سيراميك ويتابع عمال .... وأخيرا يسلمنى بند السيراميك زى الفل ... ولو فيه حاجة غلط يفك على حسابة .... كل البنود كده .... أقصد ان مهندس الديكور مسؤليه وراحة بال بالنسبة للباشا الى بيشطب .... لكن خد بالك انك هتدفع 15 % على كل حاجة ( المشتريات و النقل و التطليع والتركيب ) ..

[yaserbasha2000]

حسب مستوي التشطيب

السوق فيه من 400 جنيه للمتر الي 1200 جنيه للمتر

[waleed alsudy]

ربنا يخلى حضرتك يابشمهندس
اكيد هتصل بحضرتك

بس انا اخدت بالى ان حضرتك من اسماعليه فهل المكتب هناك ولا هنا ؟؟

انا من الاسماعيلية والمكتب في الاسماعيلية لكن ليا شغل في القاهره والاسكندريه بردو يعني مفيش اي مشاكل
ممكن حضرتك تبقى تتصل بيا
واللي انت عايزه انا تحت امرك في اي استفسار

[hussein]

سلمها لمكتب حد ثقة مجرب او تشوف كذا شغلانه هو عاملها وانت تشترى كل حاجه وهو ياخد مصنعيات و نسبة اشراف وتكون متفقين على سعر كل حاجه والنسبه قبل الشغل