ثواب تحت تهديد السلاح!

[OlaOsman]

اذا كان نشرها سيرهقق فلا تنشرها فأنك لا تستحق ثوابها

مش عارفة ليه كل ما يجيلي إيميل فيه موعظة و في آخره الجملة دي باتخيل ان اللي كاتبها باصص لي بقرف وامتعاض هو بيقول لي انت أصلك ماتستحقش ثوابها، جتكوا نيلة مليتوا البلد :cuss:

أو ماسك مسدس و موجهه لراسي و بيهددني لو ما نشرتش الرسالة دي هايحط السيخ المحمي في صرصور ودني

[Abdo_Eldesokey]

أنا الحمد لله مش بتفرق معايا الحاجات دي خالص ...

وآخر مرة بعت إيميل كان سنة 2003 تقريبا ً :-d

[MoToRiZeR]

لأ و الحاجات اللي تتبعت و مكتوب في أخرها أمانة في رقبتك ليوم القيامة .. إلهي يا رب بيتكوا يولع لو ما نشرتها .. يا رب تصحي الصبح عربيتك متدورش لو منشرتهاش يا بعيد

[Nile_Storm]

فعلا اسلوب فيه مزيج من اسلوب المهددين بالدعاء عليم
و اسلوب الشحاته
مبقتش افتحهم اساسا
كلهم بقوا شبه بعض

[R A N A]

الغريب بقي ياعلا واللي سمعته وخوفني جدا من اني انشر اي حاجة اصلا هو ان في احاديث بتبقي موضوعة واقوال مغلوطة ومش من مصدر ثقة اصلا فلو نشرناها بكده نبقي بنكذب علي الله ورسوله ودي لوحدها مصيبة سودة يعني يإما تكون متأكد من الحاجة اللي هاتبعتها انها حديث صحيح او ان الاية او الدعاء صحيح فعلا يإما متبعتهاش خالص.

وبحس كمان ان الناس دي بتستغل سذاجتنا وتمسكنا بعمل الثواب ومحاولاتنا المستميتة في اننا نبقي اكثر تدينا ويستفزونا بالجمل دي عشان نبعتها.
بس ياجماعة فعلا رجاء قبل ما تعملوا Pass لأي اميل من الاميلات دي تتأكدوا من صحة الاحاديث اللي فيها وتشوفوها هل هي موجودة في البخاري فعلا ولا لأ (لإنه اصح كتاب علي وجه الأرض بعد القرآن) وكمان لازم يكون سند الحديث موجود ويكون مذكور هل الحديث ده صحيح ولا متفق عليه ولا ضعيف ولا ايه بالضبط على سيبل الأمانة علي الاقل عشان اللي بيقرا الحديث يبقي عارف انه ضعيف مثلا (ويقال انه يجوز الأخذ بالاحاديث الضعيفة لكن في فضائل الأعمال فقط وليس في التحريم والإباحة) وتتأكدوا كمان من الايات اللي بتبقي موجودة ونص الدعاء فعلا صحيح ولا غلط عشان دي مسئولية كبيرة اوي.
كمان مش اي اشاعة او خبر ملفق ننشره بسهوله لاننا كده ممكن نكون بنرمي الناس بالباطل ودي برده حاجة مش سهلة ابدا.
انتوا عارفين انا بحس ان اصل الناس اللي بتبعت الكلام ده مش مسلمين او عرب اساسا وبحسهم بيعملوا كده ويشوفوا رد فعلنا ايه وكام حد هايبعت ويصدق الكلام ده ومن هنا بتتعمل علينا الدراسات بقي اننا شعب بتاع اشاعات وارمي اي حاجة وهاتفرقع والكلام ده كله.
انا بقيت افكر الف مرة قبل مابعت حاجة من الحاجات دي.
ربنا يسترها علينا بجد

[جمال]

لأ وحكاية انك تبعتها ل 20 واحد , ( كانت قبل الايميل و كان لازم تنسخها بايدك او تصورها) واياميها كنت متأكد انها مرسله من صاحب محل تصوير المستندات اللى تحت البيت علشان سبوبة يعن
وان فلان بعتها وصبح اصبح وجد خيرا كثيرا و علان مبعتهاش و ابنه وحيده مات فى حادثة , كلام بتاع ناس مغيبة ذهنيا

[sab3aawy]

نوع آخر من انواع الثواب تحت تهديد السلاح يتعرض له كل من يفكر فى العودة من عمله الى منزله ساعة الافطار -وانا بحب اعمل القصة دى كتير علشان اريح نفسى من سفالة ممتطى الأسفلت فى عصارى ايام رمضان-هذا النوع من الثواب بالعافية هو قطع الطريق على مستخدمى السيارات لاعطائهم مواد غذائية للافطار، حيث يقوم الشباب الطامعين فى الثواب بالوقوف فى عرض الطريق واجبار السيارات على الوقوف لاعطائهم تمرات واكواب ماء

اذكر والله الغظيم انن فى العام الماضى تطلب منى الأمر نصف ساعة كاملة للخروج من المهندسين (يأخد الأمر اقل من خمسة دقائق لو الشارع فاضى) بسبب تعطلى فى 3 كمائن توزيع تمر

ياخواننا الثواب مش بالعافية، مش معنى انك تبحث عن ثواب بتوزيع التمر والماء انك تقطع الطريق على المارة المتعجلين للوصول لمنازلهم، فمن دعانا لأن نفطر صائما لنحصل على مثل ثواب صومه هو نفسه-صلى الله عليه وسلم -من علمنا حق الطريق وكلامه غير قابل للتجزئة

[Sherif Khalifa]

مثل استحلفك بالله انك تبعتها لكام واحد
او بداية الرسالة بقسم انك تبعتها و فالاخر يقول لك انت اقسمت خلاص لا مفر

و زى (مسابقة بين مسلم و غير مسلم ان يجمع مش عارف كام اسم بيحب الرسول علية الصلاه و السلام فا كل الناس تكتب اسمها و تبعت :) اكيد غير المسلم هوا الى كسب انة ضحك على عقلنا)

و زى شوف الشيطان ممكن يمنعك انك تبعتها ........الخ

كل دا يطلق علية Spam وسيلة من وسائل الضحك على المسلمين و انهم اى حاجة بتوديهم و تجبهم
و الناس مستقبلى الرسائل للاسف بتصدق و تخاف


للاسف العقليات بئت متخلفة جدا و مفيش مجال لاى نوع من انواع التفكير المنطقى

يا رب ارحم المسلمين جميعا

[AhmedGen2]

ذكر أحد الأطفال أنه رأى في منامه طيفاً أبيض ، و جاء و بلغه الرسالة التالية :- ردد ثلاث مرات "افتح يا سمسم أبوابك نحن الأطفال افتح يا سمسم أبوابك نحن الأطفال افتح يا سمسم أبوابك نحن الأطفال"

أرسل هذه الرسالة لعشرة أطفال و سترى بطوط في منامك و إذا أرسلتها لأكثر ، سترى توم و جيري ، و ربما سابق و لاحق و سيأتيك تويتي يحمل أخباراً سعيدة

** تنبيه هام أرسلت إلى شخص و أهملها فانقطعت عنه قناة سبيس تون

[blazer]

انا بقيت اقرف من كتر الماسجات اللى بتتبعتلى كل يوم بلطريق دى
بجد بقت وبااااااااااااااااااااااء وبجد بيبقى فيها كلام كتير غلط زى اللى حضراتكم ذكرتوه
و حرام نشره لانه اوقات بيكون فيه احاديث ضعيفه او مغلوطه

[WalidAdel]

ههههههههههههه
ممل اوي الموضوع ده علي فكره و الرسائل دي بتنتهي معي بطريقتين ممكن اقراها و لما اقري مثل هذه الجمل المستفزه اقول والله مانا باعتها و ساعات مش بقري الرسائل خالص و بتتمسح علطول

[memohamada]

ذكر أحد الأطفال أنه رأى في منامه طيفاً أبيض ، و جاء و بلغه الرسالة التالية :- ردد ثلاث مرات "افتح يا سمسم أبوابك نحن الأطفال افتح يا سمسم أبوابك نحن الأطفال افتح يا سمسم أبوابك نحن الأطفال"

أرسل هذه الرسالة لعشرة أطفال و سترى بطوط في منامك و إذا أرسلتها لأكثر ، سترى توم و جيري ، و ربما سابق و لاحق و سيأتيك تويتي يحمل أخباراً سعيدة

** تنبيه هام أرسلت إلى شخص و أهملها فانقطعت عنه قناة سبيس تون

هههههههههههههههههه اظرف تعليق فى الموضوع دة كلة

[meza]

ذكر أحد الأطفال أنه رأى في منامه طيفاً أبيض ، و جاء و بلغه الرسالة التالية :- ردد ثلاث مرات "افتح يا سمسم أبوابك نحن الأطفال افتح يا سمسم أبوابك نحن الأطفال افتح يا سمسم أبوابك نحن الأطفال"

أرسل هذه الرسالة لعشرة أطفال و سترى بطوط في منامك و إذا أرسلتها لأكثر ، سترى توم و جيري ، و ربما سابق و لاحق و سيأتيك تويتي يحمل أخباراً سعيدة

** تنبيه هام أرسلت إلى شخص و أهملها فانقطعت عنه قناة سبيس تون

هههههههههههه ... هى وصلتك

الرسالة دى واحد صاحبى معايا فى الكلية هو اللى عملها .... و إتراهن مع واحد إنها هترجعله تانى خلال شهرين ... و فعلاً رجعتله عالفيسبوك و عالميل

الكلام ده كان السنة اللى فاتت ... و فوجئت بيه بيحكيلى عنها فى الأجازة دى لما كنا فى النشاط الصيفى فى الكلية.

[SS]

هههههههههههه ... هى وصلتك

الرسالة دى واحد صاحبى معايا فى الكلية هو اللى عملها .... و إتراهن مع واحد إنها هترجعله تانى خلال شهرين ... و فعلاً رجعتله عالفيسبوك و عالميل

اهو ده اكبر دليل ع التوهان اللى احنا فيه..يعنى اى حد عايز ينشر حاجة صح كانت او غلط يكفيه بس يبعتها ع الميل ...و الكل يكر وراه و يبعتها...مفيش اسهل من كده.

[meza]

اهو ده اكبر دليل ع التوهان اللى احنا فيه..يعنى اى حد عايز ينشر حاجة صح كانت او غلط يكفيه بس يبعتها ع الميل ...و الكل يكر وراه و يبعتها...مفيش اسهل من كده.

أيوه فعلاً

هو الولد مكنش فى نيته يعمل سبام عالناس ولا حاجة .. بس كان عايز يثبت .. إن اللى بيعملوا الرسايل دى مش بيعملوا حاجة عبقرية يعنى ... و إن فى أشخاص كتير بيتضحك عليهم بسهولة جداً بالرسايل دى و مش بيتعبوا نفسهم و بيفكروا فى الكلام اللى بيقروه.