المطار و الشوشرة

[mustafavet]

السلام عليكم
انا يا جماعة مسافر بره وصفيت شغلي وراجع
المشكله بقي اني هنزل بفلوسي وهي اقل من الحد اللي المطار عامله بكتير يعني اقل من 10 الاف دولار
بس ظروف البلد متطمنش انهم ممكن يقفشوا عليا او يعملوا حركة مش ظريفة
ايه الحل ومحدش يقلي حولهم عن طريق بنك لان البنك بياخد نسبة كبيرة من التحويل دا غير خصم فلوس نتيجة لقفل الحساب في البلد اللي انا فيها
انا راجع ان شاء الله الاسبوع القادم وقلقان جدا من الموضوع دا
منتظر الرد

[walidzakzok]

انت لو حولت الفلوس على حساب بالدولار هنا مش هايتخصم 150 جنيه ويمكن نصهم كمان
اما شغل الفهلوة بتاع المصريين الي بيعملوه انهم ينزلوا بمبالغ كبيرة معاهم.... اولا انت معرض للسرقة او النشل او انهم يضيعوا منك او انك لا قدر الله يحصلك اغماء ويتقلبوا منك او انك تتقلب على الطريق وانت راجع من المطار

وفي النهاية محدش بيعجبه غير دماغه هههههه

[mustafavet]

يا سيدي انا لا فهلوي ولا حاجه
انا بسال علشان معرفش
ثانيا انا مليش حساب بالدولار في مصر اساسا

[DreAmO]

اعتقد احسن تصرف افضلهم واسلمهم

انك تتوجه للسفاره المصريه في البلد اللي انت فيها .. وتطلب منهم المساعده او النصيحه


واعتقد ممكن تحولهم لنفسك عن طريق ويسترن يونيون .. اتصل بويسترن يونيون واعرف التفاصيل .

وممكن تحولهم من اي بنك عندك على اي بنك في مصر عن طريق خدمة السويفت كود .. ودي مش بتحتاج حساب بنكي .. اتصل بالبنوك عندك واعرف التفاصيل واقل عموله تحويل

[walidzakzok]

يا سيدي انا لا فهلوي ولا حاجه
انا بسال علشان معرفش
ثانيا انا مليش حساب بالدولار في مصر اساسا

انا مش باتريق عليك لا سمح الله بس انت فكرتني بواحد كنت اعرفه كان بينزل ب 20 الف دولار حاططهم فى المحفظة

طيب فى حالة انك معندكش حساب دولاري اسال فى البنك الاهلي الكول سنتر لو عايز تبعت حوالة دولارية هل ينفع والا لا وكام المصاريف

[walidzakzok]

ويستيرن يونيون مصاريفه اعلى كتير من البنك

[homme49]

لى صديق نزل الشهر الماضى من السعودية و نصحته أن لا يحمل نقود معه و هو قادم لمصر نظرا للظروف الخاصة بالإنفلات الأمنى و قام بتحويل من بنك الراجحى إلى بنك مصر بمبلغ 7000 دولار أمريكى و فد خصم بنك مصر من المبلغ ما قيمته 14 دولار نعم أربعة عشر دولار فقط أى ما يوازى 2 فى الألف
لا أأعلم ما قا به بنك الراجحى من الخصم نظير إصدار الحوالة المصرفيه من طرفه
و مبلغ الحوالة وصل بنك مصر فى يومين عمل - إعمل حسابك لو قمت بالتحويل من السعودية يوم خميس لا تنتظر أن تصل الحوالة لمصر قبل يوم الأحد
و لا يشترط أن يكون لك حساب فى بنك مصر = مجرد حوالة مصرفية بإسم المستفيد رباعى و تصرف من أى فرع من فروع بنك مصر المنتشرة بالجمهورية

[sayed911]

اعملهم حوالة على البنك الأهلي المصري بإسم اي حد في مصر تضمنه بالإسم الثلاثي بيتخصم 3 دولار على العملية كلها انا محول 4000 دولار واصليني 3997 دولار بالضبط اعتقد 3 دولار رقم مقبول جدا كتحويل ومش محتاجين حساب بنكي اصلا يا فندم

[KemozTanta]

ألناس قبلي قالوا المفيد وزيادة .. حوالة بنكية بأسم والدتك او اى شخص علي البنك الاهلي المصري ومش محتاج يكون ليك حساب دولار .. أأمن وافضل وارخص من الويسترن ( 50 دولار في الالف ) او انك تمشي بيهم في البلد اليومين دول او المطار يعمل افتكاسة ملهاش لازمة ويعطلك لاي سبب..

[mustafavet]

شكرا جزيلا علي ردودكم
طيب يا جماعة انا في جنوب افريقيا ومش ليا حساب هنا خالص
هل افتح حساب ولا احول ازاي؟
معلش انا خام خالص في موضوع الحسابات دا
انا معنديش مانع ني ادفع بس يكون مبلغ معقول

[Trondo]

بدل انت مصري يحق لك انك تدخل البلد باى مبلغ اقل من ١٠ الف دولار او ما يعادله

اكتر من كده ممكن يغلس علشان قانون غسيل الاموال وكده

لو اقل من ١٠ الالاف دولار مفيش مشكله ... حطهم فى الشنطه اللى بتطلع بيها على الطياره (الهاند باج)

لو عاوز تطمن اكتر اتصل بالسفاره و اسئلهم لو فيه بنك تقدر تحول منه على مصر بسهوله و لو ينفع تاخد فلوس معاك او لا

لو انت فى بلد عربى ،... الحلول اللى قالها الاعضاء احسن و اسرع و ارخص حل

[sherif opel]

اعتقد احسن تصرف افضلهم واسلمهم

انك تتوجه للسفاره المصريه في البلد اللي انت فيها .. وتطلب منهم المساعده او النصيحه


واعتقد ممكن تحولهم لنفسك عن طريق ويسترن يونيون .. اتصل بويسترن يونيون واعرف التفاصيل .

وممكن تحولهم من اي بنك عندك على اي بنك في مصر عن طريق خدمة السويفت كود .. ودي مش بتحتاج حساب بنكي .. اتصل بالبنوك عندك واعرف التفاصيل واقل عموله تحويل

[sayed911]

يا سيدي الفاضل انتا بتروح وبتسأل في البنوك اللي عندك عن نظام الحوالة وبتحول على اقرب فرع للبنك الأهلي لي حد تبع بالإسم الثلاثي وبس :) المبلغ يعني بقول لحضرتك 3 دولار في 4000$ محولهم :)

[damasry]

العضو الكريم، تفضل بعض المعلومات المهمة لك واتمنى انها تفيدك:

مكتب تمثيل البنك الاهلى المصرى بجنوب افريقيا:

تقدر توصل لمكتب التمثيل وتسأله

Address: Oxford Manor, 196 Oxford Road
Illovo 2196 Johannesburg
P.O. BOX 55402 Northlands 2116 Johannesburg
Republic of South Africa
2680501 2711 + Tel : +2711 2680500
Fax : +2711 2680502
E-mail : nbes@acenet.co.za

مراسلين البنك الأهلى المصرى بجنوب افريقيا:

دول ممكن تروح تحول منهم على طول للبنك الأهلى المصرى

ABSA BANK LIMITED

FIRST RAND BANK

NEDBANK

STANDARD BANK OF SOUTH AFRICA

INVESTEC BANK