عايز محل بدل كويس ؟؟؟؟؟

[midoabdeen]

داخل شركه جديده واللبس كله فورمال وعايز مكان كويس اجيب منه كام بدله كده
بس يكون كويس وفى نفس الوقت اسعاره كويسه لانى هجيب اتنين او 3 مع بعض فهتبقى خبطه جامده
وكمان انا اصلا واخد على اللبس الكاجوال طول عمرى فعايز البدل سليم مش عايز حاجه بقى وسعه اوى والجو الميرى دا وخاصه ان انا جسمى رفيع ياعنى لو البدله واسعه هتبقى رخمه اوووووووووووى ياعنى من الاخر عايز بدله كاجوال شويه
وياريت يكون المكان فى وسط البلد
وشكرا

[micromoud]

المنطقة الصناعيه 6 اكتوبر "تيد لاموند"

[dede_dodo88]

لو تعرف ترزي كويس يكون أفضلك من حيث تظبيط المقاسات و السعر..
غير كده لو عايز جاهز فدور على حاجة تكون Slim-Fit عشان أنت رفيع فهتكون مظبوطة عليك..
جرب شوف في Zara أو Naga Homme دول يمكن أقل حاجة في السعر مع جودة كويسة..

[midoabdeen]

شكرا جدا
6 اكتوبر صعب اوووى لان مافيش وقت خالص اروح هناك
وكمان زارا متهيئلى هيبقى غالى اووى
او ياريت تعرفنى الاسعار لانى اصلا معرفش الاسعار انا لسه هنزل اشوف

[casperinoo]

محلات coin
وفيه كمان محل مشهور واسعاره كويسه حاجته نضيفه جنب سينما نورماندي في روكسي بس مش فاكر اسمه

[midoabdeen]

طيب معلش ممكن اعرف الاسعار تتراوح من كام لكام
لانى مكنتش بلبس بدل فمعرفش ايعارها
وشكرا

[moudy88]

Lorenzo في روكسي والاسعار تقريبا في حدود 700

[Mohamed_Hamid]

ياباشا اى فرع tie house او cuff&collar او daniel hechter او concrete(ممكن يبقى اغلاهم) وكلهم بيشتغلوا بدل slim واسعار مناسبة وجودة كويسة, متخفش من daniel hechter اسعاره معدتش زى زمان بقت اسعاره كويسه ومقاربة لباقى اللى قلت عليهم. marco ferri كويس برضه. فروع المحلات دى فى كل حتة.