Tweet
تجربة فاشلة : مع عصير ابو عبد الدمشقي في ٦ اكتوبر
اولا مساء الخير جميعاً
فاكرين انا سئلت من فترة عن مين بيعمل العصير كوباية العصير دي
المهم ردو عليا حبايبي واصدقائي فيه وطلع الاخ فاتح في اكتوبر هنا بس الله اعلم هو مش هوا
ممكن تقليد ممكن يكونوا ولاد عم لان الفرع الرئيسي في دمشق
المهم خدت بعضي ورحت يا معلم وقلت انا والشوكلاته من وبعدي الطوفان. طبعاً مخدتش العيال معايا قلت اروح اجرب انا الاول الفخفاخينة العملاقة اسبيشيال ابو عبدو وبالذات بعد ما شفت. شغل ايدو لعابي سال على شاشة الانترنيت من جمالوا
وبالفعل طلبت الكوباية دي. بكام ياعمي قالك ب ٢٣ جنية
قلتلوا طيب هات وحده قالي طيب اتفضل استريح
المهم ملحوظاتي بقه. الكوباية عملاقة عملاقة يعني بجد لعشاق الشيكولاته وبصراحة وجبة عائيلة معتبرة يعني انتا ممكن. تتغدى كوباية فخفخينة زي. دي. ولكننننننن. وحط تحت لاكن دي عشرين. خط
اولا مكنش في الكوباية اناناس زي الي في صورة
ثانياً مكنش في الكوبايا قطع كيوي. زي الي في الصورة
ثالثاً. الفواكة الي محطوطة. في الكوباية اغلبها كومبوت مش فريش
رابعاً والاهم بقه : الشيكولاته سخنننننننننننة ومش سخنه يعني هو مسخنها لأ.
تحس كانت مركونه ومع حرارة الجو جايبهالي سخنه ده غير تحسها كده نسكويك كاكاو مش. ايس كريم مثلاً
طبعاً. انا اتنرفزت جداً واتغظت وكنت عاوز ابهدلو رحت علشان ابهدلو بصيت لقيت بنتين يا جدع كانوا واقفين بيشتروا منو عصير فرولة ايه ده اللهم صلي على النبي اللهم صلي على كامل النور حاجة ايه فخفينة جمال بالكيوي والانانس والاستاكوزااا
البنت من كتر حلاوتها تحسها كده شبيحة جمال اه واللهِ زي ما بقولك كده حتى حسيت سعتها ان قلبي شبح من مكانوا. المهم الراجل. بصلي كده وانا سرحان وقالي خير في شي !!! قلتلوا لا لا ابداً مافي شي
تسلم ايديك بصراحة عصير تحفهة ( وسبحان الله سبحان الله ) في ثواني اتغير موقف الامم المتحدة جوايا من حالت غضب. ولقيتني بدل ما بدفع ٢٣ جنية. لا دفعت ٢٥ جنيييييية وبقلوا خلي الباقي علشانك
طبعاً بصفة عامة الراجل ده كان ممكن يكتسح اكتوبر بل مصررر كلها. لكن اذا. كانت الفواكه في منها على الاقل طازة وفريش. على الاقل كليو موز يا اخي قطعلك موزاية طرنشات مع الشوكلاته ... وكمان مفيش حاجة اسمها شيكولاته. سخنه. وسخنه لاهيا هوت شيوكلت ولا هيا ايس شيكوليت .
بس بصراحة القعدة لزيزة هناك. رغم قلت الكراسي. وكمان الجو. لزيز بس لازم صاحب المحل ياخود بالوا من شغلوا. لان ممكن صنايعي عندوا او عامل يطفشلوا الزباين. ويعمل شغل اي كلام للناس ... والناس تبطل ترجعلوا تاتي
بس يا سيدي. بس. انا كعاطف انبسط.
@@@@@@@@
وتحياتي
Comment