التكيف المستعمل...!!

[أشرف فتحى]

لو متقدرش تشترى تكييف جديد....خصوصا لو المساحه كبيره....يعنى هتحتاج 3 حصان مثلا.......!
تشترى تكييف مستعمل؟.....خصوصا لو متعرفش ظروفه ايه......يعنى من محل او ورشه تكيفات أو إعلان عالنت......لفارق السعر الكبير جدا.....!!!!!

حد له تجربه مع التكيفات المستعمله؟

ولو عندك تكييف مش تمام عاوز شحن او صيانه او الله اعلم ماله.....تتصرف فيه إزاى؟

ممكن تستبدله بجديد ؟
ولا تبيعه؟
ولا تستبدله بمستعمل بس قدره أكبر؟

[Ahmedhussein007]

بصراحه المستعمل جربه سيئه هاته جديد واشترى دماغك لا تسمع صوت عالى ولا تبريد مش تمام وكتير من المشاكل

[el diesel]

لو كان فيه الخير ما كان رماه الطير

[Mohamed_Hamid]

نصيحة بلاش. جمع المبلغ واشتريه جديد وصدقنى انت هتبقى مبسوط وكسبان فى الآخر. ومبروك مقدما

[salodas]

معلش لو تقدر تصبر للصيف الجاى وتشترى جديد ... يكون افضل

[أحمد كمال]

فيه مشكلة لو كان سبليت

ان نقله و اعادة شحنه و تركيبه (و الكلام سنة 2006 يعني من 7 سنين و يا عالم دلوقتي بكام) بيكلف 500 جنيه

ليه؟ لان لما بتفكه الفريون بيطير

ليه؟ لان اما بتشتريه جديد بيبقى الفريون في الكباس و عليه طبة و اما بتركب الخرطومين ببعض بتخرم الطبة عشان تدوير الفريون بين الوحدتين الخارجية و الداخلية

فأما تفكه عشان تنقله لازم الفريون يطير



لو معاك تمن التكييف المستعمل .....ممكن تدفعه مقدم في مكان زي بي تك مثلا, و تكمل الباقي باقساط بسيطة على سنة او اتنين ...... بحيث القسط يبقى بسيط

التكييف بالذات لازم تجيب نوع شديد و كويس و ضمان طويل ...... عشان دي حاجة للخدمة الشاقة في الاجواء بتاعتنا ...... هتجيب المستعمل ممكن يفتح بقه معاك كل شوية و تصرف اكتر من تمن الجديد + القرف و الصداع و ضياع الوقت مع الفنيين

[أبو صلاح]

انا داخل اقولك
حمد الله على السلامة

[Khaled Lanos]

انا اشتريت تكيف مستعمل 1 ونص حصان يونيون اير..بس فاكه من شقة صاحبي ويعتبر مكنش بيشغله وقافل الشقة عشان مسافر..طبعا لما نقلته كان محتاج يتشحن والقاعدة بتاعة الجزء الخارجي كانت معمولة في الحيطة عندو بأسمنت فجيبت قعدة جديدة..وجيه الفني ركبه وشحنه وكله تمام..والتكيف بسم الله ماشاء الله تلاجة وساعات بشغله طول اليوم وأداءه زي الفل.

عايز أقولك لو قدامك مستعمل بس من حد موثوق وتاخده على التجربة زي ما انا عملت توكل على الله أحسن ما تموت من الحر..او هات جديد تقسيط وربنا يعينك على فلوسه.

[أحمد كمال]

انا اشتريت تكيف مستعمل 1 ونص حصان يونيون اير..بس فاكه من شقة صاحبي ويعتبر مكنش بيشغله وقافل الشقة عشان مسافر..طبعا لما نقلته كان محتاج يتشحن والقاعدة بتاعة الجزء الخارجي كانت معمولة في الحيطة عندو بأسمنت فجيبت قعدة جديدة..وجيه الفني ركبه وشحنه وكله تمام..والتكيف بسم الله ماشاء الله تلاجة وساعات بشغله طول اليوم وأداءه زي الفل.

عايز أقولك لو قدامك مستعمل بس من حد موثوق وتاخده على التجربة زي ما انا عملت توكل على الله أحسن ما تموت من الحر..او هات جديد تقسيط وربنا يعينك على فلوسه.

طبعا اما تبقى حاجة بيتي و اصلها معروف ده موضوع تاني


بس السؤال : سعره مستعمل + الفك و التركيب + تمن القاعدة + شحن الفريون .... كان اقل بكام من سغره جديد وقتها؟

[أشرف فتحى]

انا اشتريت تكيف مستعمل 1 ونص حصان يونيون اير..بس فاكه من شقة صاحبي ويعتبر مكنش بيشغله وقافل الشقة عشان مسافر..طبعا لما نقلته كان محتاج يتشحن والقاعدة بتاعة الجزء الخارجي كانت معمولة في الحيطة عندو بأسمنت فجيبت قعدة جديدة..وجيه الفني ركبه وشحنه وكله تمام..والتكيف بسم الله ماشاء الله تلاجة وساعات بشغله طول اليوم وأداءه زي الفل.

عايز أقولك لو قدامك مستعمل بس من حد موثوق وتاخده على التجربة زي ما انا عملت توكل على الله أحسن ما تموت من الحر..او هات جديد تقسيط وربنا يعينك على فلوسه.

للأسف مفيش حد ثقه ولا حد مستغنى عن تكييف......كلها إعلانات وبتطلع فى الأخر مكاتب....!!

[أشرف فتحى]

هى كل المشكله ان عندى واحد صغير كارير 1.5 حصان وتبريده مبقاش كويس تقريبا عاوز صيانه او شحن وصوته بقى عالى....فقلت اغيره وأدفع فرق بسيط فى واحد مستعمل لكن طالما كده هشوف الحاجات اللى طالعه جديده وبالمره الاستهلاك بتاعها هيبقى أقل فى الكهرباء..!!

[أحمد كمال]

هى كل المشكله ان عندى واحد صغير كارير 1.5 حصان وتبريده مبقاش كويس تقريبا عاوز صيانه او شحن وصوته بقى عالى....فقلت اغيره وأدفع فرق بسيط فى واحد مستعمل لكن طالما كده هشوف الحاجات اللى طالعه جديده وبالمره الاستهلاك بتاعها هيبقى أقل فى الكهرباء..!!

نصيحة مهمة جدا يا اشرف باشا

التكييف اما يبقى اعلى من السعة المطلوبة ....... احسن ما يبقى اقل من السعة المطلوبة


يعني لو الاوضة محتاجة مثلا 1.9 حصان (مفيش تكييف كده بس انا قصدي السعة التبريدية للاوضة)


لو ركبت 1.5 هيخرب بيتك كهرباء

لو ركبت 2.25 هيوفر كهرباء

لو ركبت 3 برضه هيوفر زي ال 2.25


فيه ناس فاهمة مفهوم خاطئ انه زي السعة اللترية بتاع موتور العربية فال 3 حصان هيسحب اكتر


بس فيه نقطة التكييف اما يبقى under capacity بيسحب كهرباء بفظاعة لان الكومبريسور ما بيفصلش خالص و بيفضل شغال عمال على بطال


اما يبقى مناسب او اعلى بيشتغل شوية يوصل الاوضة للبرودة اللازمة و يفصل

[Dr.M_baz]

جديد و توكل على الله.

[طارق _عبد السلام]

انصحك بالجديد عن تجربه

انا عندى الشارب 2.25 اشتريته جديد وناسيه من خمس سنوات
وااضطرتنى الظروف ان اشترى باور خمسه حصان لظروف انى كنت عايز ادخل 3 فاز ومنفعش ادخل عليه 3 فاز(لان فى الكهرباء قالولى هنرفع لك قدره العداد فقط)
وكنت شاريه من صديق بيشتغل فيهم وقالى التكييف جديد بلزقته ومشتغلش 6 شهور وعمل لى البحر طحينه وسعره خيال وحاجات من شغل التجار وقال لى ثمنه 4000 جنيه بس فقلتله اشوفه ونشتريه ادانى كم ميعاد مضروب واعتذر لانشغاله وانا ايضا كنت مشغول جدا المهم قال هات الفلوس ومتشغلش بالك والتكييف بتاعى لو فيه اى شىء
طبعا جاب التكييف وانا كنت على سفر وركبه عندى ولما رجعت انصدمت من شكل التكييف مش ده اللى شغال 6 شهور بس ومعرفتش ارجعه لان صديقى ده اتحول لما قلتله التكييف شكله شغال اشغال شاقه وباين عليه وخسرت فلوسى وحاطط التكييف ديكور فقط ولا له اى لازمه شغلته اول يوم فقط على صاله مساحتها 80 متر وسقعها بس وحش كهرباء العداد كان طاير وصوت الكباس الخارجى عالى


نصيحه وعن تجربه لو الظروف مش مظبوطه معك ادفع مقدم لتكييف جديد وقسطه وبلاش مستعمل

[أشرف فتحى]

نصيحة مهمة جدا يا اشرف باشا

التكييف اما يبقى اعلى من السعة المطلوبة ....... احسن ما يبقى اقل من السعة المطلوبة


يعني لو الاوضة محتاجة مثلا 1.9 حصان (مفيش تكييف كده بس انا قصدي السعة التبريدية للاوضة)


لو ركبت 1.5 هيخرب بيتك كهرباء

لو ركبت 2.25 هيوفر كهرباء

لو ركبت 3 برضه هيوفر زي ال 2.25


فيه ناس فاهمة مفهوم خاطئ انه زي السعة اللترية بتاع موتور العربية فال 3 حصان هيسحب اكتر


بس فيه نقطة التكييف اما يبقى under capacity بيسحب كهرباء بفظاعة لان الكومبريسور ما بيفصلش خالص و بيفضل شغال عمال على بطال


اما يبقى مناسب او اعلى بيشتغل شوية يوصل الاوضة للبرودة اللازمة و يفصل

بارك الله فيك يا ابو كمال.......طول عمرك أستاذ ومنك نستفيد....!!