أصـوات البنات .. تنشــط المخ والقلب !!

[Y a r i s]

أصـوات البنات .. تنشــط المخ !!

ذكرت دراسة علمية حديثة نشرت في لندن أن المخ يتعامل مع أصوات النساء في مكان محدد لـ ترجمة الأصوات ،
وأنه يتعامل مع الأصوات الذكرية في مكان آخر.

و أوضحت الدراسة أن المخ يتعامل مع الصوت الأنثوي بطريقة مختلفة عن تعامله مع الصوت الذكري،
مما يفسر السر وراء الاستماع إلي الصوت الأنثوي بوضوح أكثر من الصوت الذكري.

وأظهرت الدراسة أيضا أن المخ يقوم بـ تشكيل الصورة حسب الصوت المسموع.
وتقدم الدراسة تفسيرا مقنعا لـ انزعاج الرجال من كثرة حديث النساء
والسبب:

لأن المخ يبذل مجهودا أكثر عندما يتعامل مع الصوت الأنثوي.
ووجد العلماء أن الصوت الأنثوي ينشط بمنطقه معينه في المخ تعرف بالمنطقة السمعية .
أما الصوت الذكري فـ ينشط في منطقة أخرى خلف المخ .

@@@@@@@
وتحياتي

المصدر : صفحة معلومات طبية
يعني كلام دكاترة مش كلامي :)

[S O P H O S]

هي معلومة صحيحة
ولكن ,,
دايما فمصر الزوجة تفضل تتكلم تتكلم تتكلم والزوج عامل انه سامــع
لكن فالحقيقة انه سرحان ومش مركز تماما
وفي دراسة مصرية بتقول ان لو الزوج ركز فكلام الزوجة احتمال يحدث انفصال بنسبة 99 %
فخير الافعال هو الصمت .. ّ ّ

[AhMeD MeTwAlY]

هههههههههههههههه
الدراسه دي الانثي مش عم عكرش الي بنشوفه

[Y a r i s]

هي معلومة صحيحة
ولكن ,,
دايما فمصر الزوجة تفضل تتكلم تتكلم تتكلم والزوج عامل انه سامــع
لكن فالحقيقة انه سرحان ومش مركز تماما
وفي دراسة مصرية بتقول ان لو الزوج ركز فكلام الزوجة احتمال يحدث انفصال بنسبة 99 %
فخير الافعال هو الصمت .. ّ ّ

١١١١١+
دي مهارة ومهوبة من عند رب العالمين اختص بيها الله عز وجل الرجل المصري ....
زي تمام. بيقلك لمن الواحد تتقلب بيه العربية اول خمس دقايق ميكونش الانسان حاسس باي الم ... وزي نعمة النسيان ونعم كتيرر ... فدي موهبه عند الرجل المصري ان المرة تقعد تتكلم تتكلم. فانتا لازم تقف قدامها وتفصل دماغك دي خالص. وتفكر في اي شيء تاني مثلاً هتتغدى ايه بعد شوية او يتارى كام واحد اداني لايك في المنتدى. ياترى شافوا الموضوع ولا لأه هههه كده يعني اما لو هتقعد تفكر في كل كلمة تتقال يبقى قول على دماغك يا رحمن يا رحيم . ... وتحياتي

[friendship7897]

ربنا سبحانه وتعالى أعطى للمرأة سحر العيون ، وسحر الصوت ، وإسحار كتيرة
يمكن جوزها مش شايف كل السحر دا ويمكن هي كمان مش حاسة بسحرها
ويمكن تعدي سنين من غير ما يشعروا
وما بيحسش بقيمة زوجته إلا اللي فقدها سواء بموتها أو حتى طلقها
وعلشان تحس بحقيقة وجود هذا السحر وعمق الشعور به – شوف طفل
عندما يحتاج لعطف تجده تلقائيا بفطرته بين أحضان أمه أو يرتمي بين أحضان أي إمرأة ( إن لم يكن خجولاً ) لو فاقد لأمه ، وأحيانا تراه يحب أن يلعب بيدها أو شعرها
فهذا هو السحر والحنان الأنثوي
وهناك بعض الأمثلة على تأثير المرآة على الرجل ( ربنا يستر عليكم ) :-

ابتسمت كليوباترا . ففتنت قيصر روما .. وأودت بحياة انطونيو.. وهزت اكبر امبرطورية عرفها التاريخ .
سحر دليلة لشمشون الجبار .. داهية عصره .. فخر صريعاً .. ودب في عينيه النعاس وهو على ركبتيها فسلبته قوته وأذلته لإعدائه.
صوت آن بولين لهنري الثامن ملك انجلترا فثار على البابا و الكنيسة و الدولة وثار على التقاليد جمعاء.
عيون لولا مونتيز للملك لودفيج الاول ملك بافاريا فسحرته من الوهلة الاولى ودمرته في ايامه الاخيرة ففقد هيبته كملك وأضطر ان يتنازل عن العرش.
قوة حسناء لنابليون التي كانت تدس مسدساً لتقتله فأطفأت في صدره نار الانتقام .. واكتفى بقوله لها: لقد أردتِ الفتك بالامراطور .. فأخفيتِ سلاحكِ .. فمغفرة لكِ ايتها الفتاة الجميلة.
وأخيراً كلمات Friendship لأعضاء المنتدى الأعظم للسيارات – ليفقوا من غيبوبتهم – ويبطلوا يحسوا بالقهر من زوجاتهم ماليكات حياتهم .

[Bassem Youssef]

استاذ ياريس

بالتأكيد تقصد ان اصوات البنات وجع للمخ و القلب و فقع للمراره

تحياتي

[Y a r i s]

لا يا باسم باشا. مش كلهم
بص يا عزيزي. لكل. باب ليه مفتاح ولكل قلب ليه كالون ههه قصدي امرءة ... سبحان الله انا في بنات مبطيقش اسمع صوتهم خالص واتشنج عليهم واقولها يوووووووووههههه. اسكتي بقه. حرام عليكي رغم اني هادي الطبع وصبور .

وفي بنات تانين تلاقيك بتكلمهم بالسعات ماسك سمعات التيلفون لغايت مايفصل طبعاً انا مبقولش عني انا ... انا الحمد الله مئدب وبسمع الكلام. ومبكلمشي حد وشاطر وامور :) ... وباشرب اللبن وانام بدري بدري :) ....

بس انا بتكلم اإن جينراااال. ... وإن جينرال يا جنيرال في بنات كده سبحانك ياربي سبحان العاطي الوهاب الصوت بيخش في طبلة الودن على نخاشيش القلب عدل ... وتبقى بتكلمها. ومن حلاوت صوتها. تبقى عاوز تقلها ممكن. طلب ممكن تسمعيني حته كده لفيروز. او سمعيني حته كده لنجاة الصغيرة اغنية لا لااااااا ... لا ااا لااااا تقفلي ... وحتى البت وهيا بتكلمك. وتقلك. استاذ محمد. تبقى عاوز تقلها. لا لا كده انا هزعل منك. استاذ ايه بس ودكتور ايه قوليلي يا محااا ميحوو هههههه. ...

بس مع الاسف بعد ضرب المفاعل في اليابان وتسرب الاشعاع الذري والكوراث الطبيعية في العالم دلوقتي متلقيش الصوت راكب على الشكل ابداً .... فعلى سبيل المثال ممكن وحده تسمع صوتها تحش بالرمل الحرشة في حنجرتها. وتحس ان الصوت طالع من زمبيل بلعومها لكن لمن تيجي تشوفها تقوم وتوقف الشارع كلو على رجل !!

ووحدة تانية الله يمسيها بالخير مدام صافي يالهوووي على صوت مدام صافي. وحلاوة صوت مدام صافي. عارف دلع هيفاء وهبي على حنجرت نانسي على رقة. البت الي اسمها حاتشيتي دي. اهو حط الاصوات دي كلها في خلاط وضيف عليهم شوي ؤنوثة. على معلقتين دلع يطلعلك صوت مدام صافي ... دلوعه ددددلع وفضل التعامل مع المؤسسة عندنا عن طريق التيلفون سنين وسنين واحنا الخيال بيشطح وينطح لغايت ما وصلت. لها. رسالة ( طلبية سيئة ) وجتلنا. الشغل تشتكي ... والاقيلك مدام سافي دي بتاع ٧٥ او قول بتلعب في التمنينات فسبحان الله. يا اخي. لذلك في قاعدة مهمة في المبيعات بتقولك باختصار ايه. اياك والتخمين. (متخمنش ) ههههه بس تعمل ايه في الخيال. لمن بيشطح وينطح :) ...

النوع الثالث من الاصوات :
والنوع ده هو اكتر نوع بيسببلنا احراج ومشاكل لمن تكلم عميل وصوتوا مجحش كده وتقولوا يا استاذ حضرتك وسيادتك وابصر ايه ... تبص تلاقيه يرد عليك ويقولك انسه لوسمحت متقوليش استاذ هههههههه ( طيب يا عم الانسة ) مستحيل تقتنع ان ده صوت وحده اساساً

ومرات تيجي تكلم عميلة صوتها. جميل ورقيق وحنينننننننن حنية الدنيا كلها ... ياراجل ده انتا تلاقي نفسك هتنام كده على السمعاه وانتا عمال تكلمها وتقلها حضرتك وسيادتك ... طيب هو حضرتك انسة ولا استاذة علشان اعرف اناديكي ايه. ابص الاقيه. قال احمم احمم فيه ايه يا عم انا راجل زيي زيك هههههه ( هما ايمتى بس هيعمل التيلفون الارضي ابو كميرة بس هههههه) وتحياتي