ازاى اعمل فيزا لشراء من النت بارخص سعر ومن غير رصيد كبير

[الفجر]

دلونى بالله عليكم ازاى اعمل فيزا لشراء اشياء من على النت تكون شروطها رصيد قليل فى البنك ومن غير تكلفة ولا البلاوى اللى انتم عارفيها الواحد اصلا مرتبة قليل جدا

ومش ناقص حد يقولة لازم رصيدك يكون فوق الخمس الاف والحاجات الهبلة دى اللى تحبط الواحد

[الغزالى]

متابع

[KemozTanta]

انا كنت بعمل واحدة زمان من كريدي اجريكول حلوه جداً بس دلوقتي قفلوها وممنوع للمحامين و الظباط ومش عارف مين .. المهم لو انت كلية تجارة مثلا روح علي كريدي اجريكول اعملها او شوف المهن المتاحة ايه
لو منفعش كريدي أطلع علي البنك العربي الافريقي بيعمل كارت انترنت ليك ومش شرط يكون ليك حساب بنكي

غير كدا البنوك عاملين نظام ابن ....* ربطوها بالفيزا الائتمانية و لازم تكون بضمان وديعة او رصيد وفي بيسمح ب2000 وفي ب5000
لكن عموما شوف اول بنكين دول .. بتدفع مصاريفها بس حوالي 50 جنية وتشحنها وتشتري

[hussein]

كريدى اجريكول شغال عادى(كان اتوقف فى فترة واشتغل عادي)
بحوالى فعلا 50 جنيه و بيسلمك الكارت وانت واقف ولما تحب تشترى حاجه بتشحنه عن طريق مكنة ال atm
بالمبلغ اللى انت عايزه

[Ayman_Amer]

انا عامل واحدة تبع المصرف المتحد "رخاء" بدون رصيد في البنك اصلا وبشحنها بالقيمة التي اريدها للشراء بحد ادني 100ج
وتدفع رسوم استخراج فقط.
وللشراء من امريكا لازم تتصل بخدمة العملاء يفتحوا لك ذلك لانه مقفول احتياطيا.

[RAPID]

بنك مصر بدون رصيد ولا حساب فى البنك برسوم 20 جنيه
تستلمها بعد اسبوع وصالحة لمدة سنتين وبدون خصم على عمليات الشراء
اسمها انترنت فيزا بنك مصر والفلوس بتنزل بمجرد الايداع من اى فرع

[الفجر]

بنك مصر بدون رصيد ولا حساب فى البنك برسوم 20 جنيه
تستلمها بعد اسبوع وصالحة لمدة سنتين وبدون خصم على عمليات الشراء
اسمها انترنت فيزا بنك مصر والفلوس بتنزل بمجرد الايداع من اى فرع

معقولة الكلام دة ؟

[RAPID]

معقولة الكلام دة ؟

جرب وشوف :)