عايز آكل محشي

[ESO101]

بص ياباشا
مكونات المحشي
شوربة فراخ او لحمة
كرنب (اهم ما في الموضوع تعرف ازاي تفكك الكرنبة من بعض وتسلقها علشان ما تتهريش)
رز مصري
شبت
كزبرة
بقدونس
طماطم صلصة
ملح
فلفل
كمون
شطة خضراء او بودرة لو بتحبه حار

سيبك من شغل اللحمة المفرومة ده لانه ارهاق زيادة ومش هيظبط معاك
وربنا يعينك

في أقرب فرصة هشتري الطلبات بإذن الله
بشكرك جدًا ياباشا على إهتمامك

[ESO101]

طب هو مفيش مطاعم مصريه بتعمل الحاجات دى ؟ او شوف حد زميلك مصرى متجوز بقا وخليه يعزمك ههههههه

هههههههه
المشكلة أنا معنديش وقت لعلاقات إجتماعية مع مصريين وخصوصًا إني بشتغل في مدينة مغلقة مفهاش تقريبًا إلا أمريكان أو سعوديين
والسكان أمريكان غالبًا و آخري معاهم ديك رومي أو اسبكتي

[ESO101]

يا مراحب يا مراحب
كرتني بالذي مضي الله يرحم ايامك يا ست الحبايب كان عليها اكل يله ربنا يرجعنا بالسﻻمه
انت عارف الحل في موضوع الاكل دا الواحد يتعرف علي شيف مصري يكون شغال في فندق هنا هيظبطك اكل بس نوصله ازاي دا الموضوع الي بدور فيه ووصلت لناس في فنادق في مكه بس لسه علي اوصل للشيف

ربنا يرجعك بالسلامة وتاكل من إيدين ست الحبايب لما تشبع
أما حكاية الشيف دي لازملها خطة محكمة
بس إقتراح حلو
واحد إقترح عليا أصاحب سواق مثلًا جايب أسرته وأشتري منه أكلي كله ويكون بمرتب شهريًا 2000 مثلًا
أنفعه وأستنفع ههههههههه بس والله محرج أتكلم فحاجة كدا مع حد
برضو عيب الواحد سعات من الجوع بينسى نفسه بس مش للدرجادي ههههههههههه

[AhMeD MeTwAlY]

انا كنت في مطعم بجيب فطار الصبح لقيت حاجه زي المحشي ورق العنب محطوط في ططبق ازاز حد عنده فكره ايه دا عشان عايز اتغدي
حد عنده فكره عن اسماء الاسماك
عني بالمصري اسمه ايه وبالسعودي اسمه ايه ﻻن مسكت محل سمك قريب مني

[ESO101]

المصريين فى الغربة بيشتاقوا لحاجات عجيبه هههههههههههههه

دانا بتوحشني ريحة المطاعم اللي فإسكندرية
صوت البحر
إنتوا فنعمة والله مش حاسين بيها

[ESO101]

ياعم تعالى عندنا في الرياض واحنا نظبطوك ......... احلى مطعم في السعودية (( سلامة )) في البطحاء تعالى والله وهتاكل محشي وبط وحمام تحفة

ربنا يخليك
هحاول والله لو روحت الرياض هعدي على المطعم دا
تسلم ياغالي

[ESO101]

انا كنت في مطعم بجيب فطار الصبح لقيت حاجه زي المحشي ورق العنب محطوط في ططبق ازاز حد عنده فكره ايه دا عشان عايز اتغدي
حد عنده فكره عن اسماء الاسماك
عني بالمصري اسمه ايه وبالسعودي اسمه ايه ﻻن مسكت محل سمك قريب مني

أفتكر هوا ورق عنب
بالنسبة للسمك فيه هامور و عندك كنعد وناجل وحريد
أنا بحب ( فيليه كنعد )
بس خلي بالك لازم تتأكد إنه طازج عشان الفيليه بالذات بيغشوا فيه لإن نكهته مش بتبان من البهارات

[Elawany13]

دانا بتوحشني ريحة المطاعم اللي فإسكندرية
صوت البحر
إنتوا فنعمة والله مش حاسين بيها

طيب يالا نبدل مع بعض هههههههههههه
انا عارف الغربة ودوقت احساس الغربة وكرهت الاحساس ده
بس بعد ثورة 25 يناير وما بعدها من ثورات وعك والانفلات الأمنى والأخلاقى فى الشارع
غيرت رأييى ... الواحد كره العيشة واللى عايشينها
بردو السعودية فيها اكل حلو
الكبسة والأرز البخارى والمندى
أكلات رائعة الصراحة

جده فيها سوق سمك مشفتهوش فى حياتى اشكال وألوان من الاسماك الغريبة

عيش اللحظة واستمتع

[Elawany13]

ياعم تعالى عندنا في الرياض واحنا نظبطوك ......... احلى مطعم في السعودية (( سلامة )) في البطحاء تعالى والله وهتاكل محشي وبط وحمام تحفة

ايووووووووه البطحاء والمنفوحة تقريبا كانوا جنب بعض وكلهم مصريين

[ESO101]

طيب يالا نبدل مع بعض هههههههههههه
انا عارف الغربة ودوقت احساس الغربة وكرهت الاحساس ده
بس بعد ثورة 25 يناير وما بعدها من ثورات وعك والانفلات الأمنى والأخلاقى فى الشارع
غيرت رأييى ... الواحد كره العيشة واللى عايشينها
بردو السعودية فيها اكل حلو
الكبسة والأرز البخارى والمندى
أكلات رائعة الصراحة

جده فيها سوق سمك مشفتهوش فى حياتى اشكال وألوان من الاسماك الغريبة

عيش اللحظة واستمتع

معاك حق الموضوع في مصر بقى متعب
والله شيء محزن اللي وصلناله

بخصوص الأكلات في السعودية هيا حلوة زي المندي والزربيان والمضغوط بس لما تاكله كل يوم بتطفش
الأكل المصري اللي بحبه معدود لازم أتعود أعمله بنفسي
رز بالشعرية بيكون لون الشعرية بني كدا والرز نصه بني ونصه أبيض
وملوخية
والمحشي الكرونب
متواضع أوي مش كدا
لو عرفت أعملهم الواحد يحس إنه عايش فمصر

[A.Saad]

محشى ورق العنب بيتقدم ساعات appetizer فاتح شهية
فممكن تلاقيه في الفطار
المحشى اساس خلطة رزه واحدة
اسهلهم الفلفل
تقطع الراس وتحشى ونرصه ان مكان الراس لفوق ونحت الشوربة وتسوي
بعد كدة الباذنجان
ابيض رفيع وتكون مستقيمةة
نشيل ااراسس
تلفها بايدك على الترابيزة
رولل يعنى
لحد ما تطرى

تشيل القلب بالمقورة وكل ما تكون مقورة رفيعة أفضل
وحاسب تقطع فى الباذنجان
وترصه ممكن نايم عادى
الخلطة بقى
2 حبة طماطم تضرب ف الخلاط
تحط معلقة سمنه فى طاسة لحد ما تسيح وتسخن سنة بسيطة وتضيف
ةبصلة مقطعة ونحمرها شويية فى السمنه بس ما تغمقش
ثم تضيف الطماطم عليها وببقدونس مقطع مع شبت وملح وفلفل اسود وكمون
وتسيبها تغلى لحد ما تتقل شوية وهي في الاول بتكون خفيفة
تضيفها على كوباية رز مغسول ابيض مش بسمتى
اللى فوق يكفى ربع كيلو فلفل او نصف باذنجان
لو عايز تضيف لحم مفروم
بصلة مقطعة قطع فى سمنة برده تسخنها
وتضيف اللحمة وتخليها على النار لحد ما لونها يغمق شوية

[AhMeD MeTwAlY]

سامع حد بيقول مندي ومظبي بﻻش السيره دي الله يبارك فيكم انا منفوخ بقالي 3 شهور فراخ نفسي في اكل مصر
زنقة مطعم بيعمل اكل مصري في جده في حي الجامعه محاشي وكباب كلمتهم النهارده بس للاسف راحت عليه نومه

[#MAAM#]

ايووووووووه البطحاء والمنفوحة تقريبا كانوا جنب بعض وكلهم مصريين

بتحس وانت فيهم ان انت في مصر بالذات في منفوحة والاكل المصري وحاجات كتير جدا مصرية بتصبر الواحد على الغربة

[ياريساوي]

يااااااااااااه عندنا في جدة مطاعم كتير بتقدم اكل مصري عندنا قدورة بتاع السمك في شارع فلسطين و الكورنيش و مطعم رمسيس الي كان زمان ابو شقرة عالكورنيش برضو و المطعم المصري في شارع الجامعة الجامعة كلها اصلا منطقة مصريين مطاعم و محلات و عصير قصب و في محل بتاع عصير مشهور في شارع باخشاب اسمه الصعيدي بيعمل احلى عصير قصب و في مطعم مصري فتح قريب اسمه الدوار المصري باين في ريد سي مول ....

[ياريساوي]

و مطعم نعمة بتاع مشويات مصرية فاتح في شارع فلسطين عند سوق الموبايلات