الحمد لله شاشة اللاب اتكسرت

[Ahmedhussein007]

معايا لاب hp dv6 الشاشه اتكسرت النهارده حد عنده فكره هى بكام واصلحها فين وبتبقى اصليه ولا لا؟؟؟

[mastr_n]

فداك
والحمد للة انها بتيجى فى فلوس
انا بردة الشاشة اتكسرت منى قبل كدة وطلعت على مول الكمبيوتر اللى روكسى
وغيرتها بواحدة اصلى على حسب كلام الراجل ب 500 جنية

[Karim_Monir]

01008212575
محسن
في سوق العصر
تقوله من طرف كريم منير
بيكون في شاشاات اصلية وفي شاشات كومباتبل
تشوف طلبك
وقوله كريم بيوقلك عايز سعر من الاخر ماروحش محل برة الاقيه ارخص
هو هاتلاقيه ارخص واحسن
وشاطرين جدا في فتح والقفل باحتراف
وربنا يعوض عليك

[Dr_Mido]

ينفع اسئله علي صيانه لاب توشيبا ياكريم باشا

[Ahmed_Adham]

الشاشات مش مرتبطه بالماركه المهم المقاس وخد بالك فيه من كل مقاس حجم مربع وحجم عريض وتاني حاجه الريسليوشن يعني اللي عندك 720p تجيبها زيها والا لو هتغير الى 1080 هتغير الكابل بتاعها.

أنا كنت جايب 15 بوصه عريضه 720p ب 400 جنيه صيني من 4-5 شهور بعد ما بنتي كسرتها وركبتها بنفسي بعد ما شوفت فيديو على اليوتيوب لفكها وتركيبها وكل اللي احتجته علبه مفكات الكترونيات (اللي هيه المفكات الصغيره قوي بتاع الساعات) ب 6 جنيه بس لو ملكش خبره في فك أجزاء كمبيوتر قبل كده ركبها عند حد احسن عشان الكابل بتاعها بيبقى ضعيف وليه سنان كتير وأجره التركيب ياخد 50 جنيه بالكتير (هيه بتاخد 10-15 دقيقه بالكتير) ولو نفس المحل اللي هتشتريها منه هوه اللي هيركبها في الغالب هيركبها ببلاش.

وبالنسبه للأصلي من أحسن الماركات LG بس مسألتش عن أسعار الاصلي بصراحه لأني ناوي على تغيير اللاب قريب.

[Karim_Monir]

ميدو طبعا عندة صيانات ومحترف
احمد فعلا اشهر الشاشات ال جي ومبحبش االصيني بصراحة

[Ahmed_Adham]

احمد فعلا اشهر الشاشات ال جي ومبحبش االصيني بصراحة

بنتي عندها 3 سنين كل سنه تكسر شاشه والضحايا لحد دلوقتي شاشتين لابتوب مره بتاعي ومره بتاع مراتي وشاشه موبايل نوكيا N8 كان معايا من أيام ما بنتي اتولدت في اكتوبر 2010 وكنت بحطه في مكان عالي عشان احافظ عليه ولما اديته لمراتي بقت تسيبه في ايد بنتي كتير ومفاتش اسبوع ونزل على الارض بوشه الشاشه بقى فيها 100 شرخ وأنا لما بغير بطاريات بجيب الاصلي (HP) من التوكيل في المهندسين لأني بستهلك بطارييه كتير حتى بجيب 9 cell اللي بتقعد 6-7 ساعات انما مع سياسه بنتي في تكسير الشاشات مش بجيب غير صيني حتى لما جبتلها تابلت جبتلها صيني عشان عارف انه مش هيعمر معاها كتير. ده طبعا غير خساير الهرس على فرش العربيه من دوس بالجزمه وشيكولاتات وبسكوتات وخلافه بس في الاخر كل ده بيبقى على قلب الواحد زي العسل وبيستحمل بس ساعات بيعمل كده هو

[Ahmedhussein007]

01008212575
محسن
في سوق العصر
تقوله من طرف كريم منير
بيكون في شاشاات اصلية وفي شاشات كومباتبل
تشوف طلبك
وقوله كريم بيوقلك عايز سعر من الاخر ماروحش محل برة الاقيه ارخص
هو هاتلاقيه ارخص واحسن
وشاطرين جدا في فتح والقفل باحتراف
وربنا يعوض عليك

كريم باشا انا بشكرك جدا انا كنت ناوى انزل البستان وعارف انى هاالبس هناكك بس كده هكلم الراجل ده واروحله هو سوق العصر ده اروحله ازاى لو جاى من الهرم ليه طريق دائرى او كده

[Mostafa Hessen]

01008212575
محسن
في سوق العصر
تقوله من طرف كريم منير
بيكون في شاشاات اصلية وفي شاشات كومباتبل
تشوف طلبك
وقوله كريم بيوقلك عايز سعر من الاخر ماروحش محل برة الاقيه ارخص
هو هاتلاقيه ارخص واحسن
وشاطرين جدا في فتح والقفل باحتراف
وربنا يعوض عليك

المشاركة دى حتفيد الكل

تسلم

[Karim_Monir]

بنتي عندها 3 سنين كل سنه تكسر شاشه والضحايا لحد دلوقتي شاشتين لابتوب مره بتاعي ومره بتاع مراتي وشاشه موبايل نوكيا n8 كان معايا من أيام ما بنتي اتولدت في اكتوبر 2010 وكنت بحطه في مكان عالي عشان احافظ عليه ولما اديته لمراتي بقت تسيبه في ايد بنتي كتير ومفاتش اسبوع ونزل على الارض بوشه الشاشه بقى فيها 100 شرخ وأنا لما بغير بطاريات بجيب الاصلي (hp) من التوكيل في المهندسين لأني بستهلك بطارييه كتير حتى بجيب 9 cell اللي بتقعد 6-7 ساعات انما مع سياسه بنتي في تكسير الشاشات مش بجيب غير صيني حتى لما جبتلها تابلت جبتلها صيني عشان عارف انه مش هيعمر معاها كتير. ده طبعا غير خساير الهرس على فرش العربيه من دوس بالجزمه وشيكولاتات وبسكوتات وخلافه بس في الاخر كل ده بيبقى على قلب الواحد زي العسل وبيستحمل بس ساعات بيعمل كده هو :01964e~163:

يا سيدي ربنا يخلي وتكسر
مع انه لما بيكسر حاجة ببقي ب....
بس هاعمل ايه مخلفة عشان اربيه مش عشان اموته :-)

الفرش العربية قبل ما بتتركب بعملها فرش جلد
ده اساسي عندي زي البنزين :-)
وارضيه جلد كان بس دي مانفعتش مع البي ام والحمد لله كبرو شوية
كان كولا وايس كريم وشوكليت
والله كنت لو ركنتها يومين ارجع الاقيها مليانة نمل :-(

[Karim_Monir]

كريم باشا انا بشكرك جدا انا كنت ناوى انزل البستان وعارف انى هاالبس هناكك بس كده هكلم الراجل ده واروحله هو سوق العصر ده اروحله ازاى لو جاى من الهرم ليه طريق دائرى او كده

لو تعرف توصل روكسي يبقي انت كدة وصلت سوق العصر
البستان ده عامل زي ش عبد العزيز بتاع الموبايلات :-)

[Karim_Monir]

المشاركة دى حتفيد الكل

تسلم

علي ايه اله يكرمك
ماهو ده هدف المنتدي
تبادل الخبرات عشان ما نلبسش فلوس تاني
واحد جرب مرة واتنين وخسر وقت وجده وفلوس ووصل لحد كويس
ينصح بيه الناس بقي عالمنتدي
خالص تحياتي

[Ahmedhussein007]

ياجماعه هى الشاشه هتفرق عن اللى كانت راكبه فاللاوان وكده ﻻن فى ناس قالتلى هتحس بفرق وﻻ اغيرها فى التوكيل بس انا مش عارف توكيل اتش بى فين

[javierzanetti]

توكيل hp هو شركة redington و ده الموقع بتاعهم فيه التليفونات و العناوين

Egypt. Libya


-خلى بالك مركز الصيانة بتاعهم هو العنوان التانى ( ش محمد كامل الحارونى )
( جنب شارع احمد فخرى بتاع حديقة الطفل)

- مواعيدهم من 10 ص ل 5,30 م

[Bassem Youssef]

استاذ ميدو

حدث لي نفس الموقف منذ 3 سنوات
و تم تغيير الشاشه في التوكيل ب 3 الالاف جنيه
اللابتوب كان توشيبا

اعتقد ان ثمن الشاشه سوف يكون في نفس الرينج

تحياتي