حكايتى مع شركة طلعت مصطفى و الأسم الكبير و الأرزاق على الله

[Khalid Shalabi]

,والله العظيم انتوا ناس زى العسل ز علانين من ال600 جنيه انا الحمد لله فى اول شغلانه كانوا 450 و 12 ساعه تخيلوا واحد متخرج من حقوق عين شمس بتقدير جيد و ياخد 450 و بعد كده 500 و ناموا على كده و لكم ان تتخيلوا معايا عربيه و صرف عليها من الالف للياء ابوا مش بيدفع مليم فيها و ماشيه عادى جدا اصبروا امسكوا فى اى شغل و بع دكده هاتلاقوا الخير اتكلوا على الله

معاك جدا في رايك

الاخوة اللي قالوا انهم كانوا خريجيين جدد و اتعرض عليهم 600 و 750 و في شركات محترمة ليه رفضوا!!! الخبرة دي مهمة جدا و خصوصا في باية الطريق المهني و تساوي فلوس كتير اوي اوي

انا اعرف ناس كتير كدا منهم اللي كان مرتبه في مكتب مراجعة حسابات مشهور 150 جنية سنة 2003 و دلوقتي ماشاء الله مدير مراجعة داخلية و مرتبه 10000 جنية في 2008 وإجتهادة و خبرتة هي سبب رزقة

مش المهم تقعد في الدرجة الاولى ولا التانية المهم تركب القطر

[Jato.33]

معاك جدا في رايك

الاخوة اللي قالوا انهم كانوا خريجيين جدد و اتعرض عليهم 600 و 750 و في شركات محترمة ليه رفضوا!!! الخبرة دي مهمة جدا و خصوصا في باية الطريق المهني و تساوي فلوس كتير اوي اوي

انا اعرف ناس كتير كدا منهم اللي كان مرتبه في مكتب مراجعة حسابات مشهور 150 جنية سنة 2003 و دلوقتي ماشاء الله مدير مراجعة داخلية و مرتبه 10000 جنية في 2008 وإجتهادة و خبرتة هي سبب رزقة

مش المهم تقعد في الدرجة الاولى ولا التانية المهم تركب القطر

+100000000000000000000000000000000000000000

يعني تقعد في بيتكوا أحسن من الشغل ولو بمرتب صغير؟
طبعاً تشتغل وبعدين ربنا يزيدك
أول الغيث قطرة
ده تجربة نزولك من البيت وجريك على أكل عيشك بس تساوي فلوس والله
حازم حسن كان بيدي مرتبات تعبانة زمان دلوقتي إتحسن كتير على حد علمي
وبعدين حازم حسن أو أي مكتب محاسبة محترم يعتبر إستثمار
كأنك إشتريت شقة بألف جنية وبعدين بقت بمليون جنية
إنتا عارف إلي ساب حازم بعد ما إتعلم بياخد كام بره دلوقتي
ما شاء الله ربنا يوسع على المسلمين

[creative]

انا عاوز اقول حاجة بس للشباب اللى رفضوا الشغل طبعا انا معاهم ان الاجر الشهرى مش مناسب خالص
بس فرضا انك بتعمل دبلومة او حاجة فى دراستك اعتبرها دبلومة وبتاخد مصاريفك منها
وصدقنى لما تاخد خبرتك فى مكان كبير هاتروح على حاجة احسن بكتيررر اووووى
كمان اى شاب محتاج انه يشتغل لانك فى ابسط الاحوال لما هاتتقدم لاى واحدة ماينفعش انك تكون من غير شغل او انك تقعد فى البيت وسط اهلك ويصرفوا عليك لحد لما تجيلك فرصة شغل كويسة هنا او خارج البلاد وربنا يكرمنا جميعا إن شاء الله

[الريس]

الموضوع ببساطة
ان الشركات بتبقى عارفة ان حديثي التخرج عاوزين خبرة علشان يشتغلو في حتت كويسة
و بتستغلك سنة و لا اتنين
و بعد كده يا بتزودك يا انت بتطير
يعني دا تمن لازم تدفعه

اللي ممكن يهون عليك انك بتعتبر ده نص مرتبك اللي تستحقه .. و النص التاني بتستشمره في اكتساب خبرة
دي قواعد السوق عندنا للاسف

[yahyanaabil]

الموضوع ببساطة
ان الشركات بتبقى عارفة ان حديثي التخرج عاوزين خبرة علشان يشتغلو في حتت كويسة
و بتستغلك سنة و لا اتنين
و بعد كده يا بتزودك يا انت بتطير
يعني دا تمن لازم تدفعه

اللي ممكن يهون عليك انك بتعتبر ده نص مرتبك اللي تستحقه .. و النص التاني بتستشمره في اكتساب خبرة
دي قواعد السوق عندنا للاسف

انا مع كلام حضرتك بس ده فى حاله الشركه محترمه اواحس انى حاخد منها خبره كويسه
انا عندى استعداد اشتغل من غير فلوس بس اخد خبره محترمه تنفعنى بعد كده

[الريس]

انا مع كلام حضرتك بس ده فى حاله الشركه محترمه اواحس انى حاخد منها خبره كويسه
انا عندى استعداد اشتغل من غير فلوس بس اخد خبره محترمه تنفعنى بعد كده

باتفق معاك 100%
و الشطارة انك تمسك في وظيفة في حتة محترمة حتى لو بمرتب قليل في بداية حياتك
ربنا يوفقك

[R A N A]

صبراً آل يثرب ......

الموضوع فعلا ياجماعة ليه حسابات اخري عند الشركات الكبيرة دي هما عارفين ان ليهم اسم في السوق وكونك تكون شغال في شركة كبيرة زي طلعت مصطفى او حازم حسن دي ليها تمن تاني غير المرتب بتاعك تماما وبالذات بالنسبة لحديثي التخرج (دي بتبقي امله بالنسبة لأي حد).
انا اول وظيفة اشتغلت فيها كان مرتبي 275 جنيه وزاد بعد 3 شهور بقي 500 وده كان تنازل رهيب من صاحب الشركة بس لانه لاقاني شاطرة في شغلي ومجتهدة فزودني بس هما المرتبات عموما عندهم تعبانة بعد كده اتنقلت من شركة للتانية والمرتب نما ببطء شديد لكن الحمد لله اتزبط ودلوقتي الشركات هي اللي بتتصل بيا وتقولي اروح اعمل انترفيو عندهم وانا اللي بسألهم ايه العرض بتاعكوا واشترط المرتب اللي يناسبني انا واحيانا برفض اروح الانترفيو من اصله لو العرض مش مغري عشان سنوات الخبرة عندي بقت حوالي 6 سنين وطبعا الكمبيوتر والانجليزي دول اساسي دلوقتي عند اي بتاع بطاطس حتي .

فمعلش انا لو كانت جتلي فرصة طلعت مصطفي دي اول ماتخرجت كنت هاوافق بدون تردد عشان الاسم والخبرة اللي هاتكتسبها من وراهم تساوي كتير وبعد كده انت اللي بتحدد تستمر معاهم بس يزودولك مرتبك بما يتناسب مع مجهودك وخبرتك او بتقولهم هامشي والف شركة تانية تتمناك وفي الغالب هما بيزودوك من نفسهم عشان خسارة الشركة للموظف اكبر بكتير من خسارة الموظف للشركة لانهم عشان يجيبوا حد جديد يقعدوا يدربوه من تاني ويصبروا علي اخطاؤه ويعرف اسرار الشركة لو موقع يسمح بده كل الحاجات دي لما بتتحسب عندهم بيلاقوا نفسهم خسرانين لو سابوك تمشي.
انت اللي بتثبت نفسك في المكان مش المكان هو اللي بيثبتك علي فكرة.
بس شوية صبر ياشباب ومعلش في البداية زي ماقل الاخوة اعتبر نفسك بتعمل دبلومة واصرف علي الوظيفة شوية.
انا روحت عملت مقابلة في حازم حسن قبل كده وطحنوني في الامتحان شفوي وتحريري و I Q وبتاع 5 انترفيو مثلا ونيلة لحد ماكنت هاعيط قعدت عندهم يومها من الساعة 10 او 11 الصبح لحد الاسعة 3 او 4 العصر بيمتحنوا فيا كإني هشتغل في السفارة مثلا ولا في منصب قيادي مهم.
والمرتب اللي عرضوه عليا مكنش وحش اويومكنش سوبر قوي برده بس انا قلتلهم ده مينفعش بالنسبة ليا قالولي ده بداية والمرتبات عندنا هنا بتزيد جامد ومتقلقيش من النقطة دي بس المشكلة ان مفيش ترقيات يعني هاتفضلي طول عمرك في نفس ال Position ده بس كنت مترددة والحمد لله الوظيفة اللي كنت فيها وقتها مديري زودلي مرتبي وخلاه زي مرتب حازم حسن وبعد كده زاد اكتر الحمد لله وكنت قلت صاحبتي بقي وقدمت هناك وقبلوها هي بتقولي المرتبات كويسة وبتتحسن واللمزيات كمان تأمين اجتماعي وتأمين طبي A class وباص يدويك ويجيبك وكده بس المناخ العام عامل زي الحكومة نظام اسفنة بقي ونفسنة وخليك في حالك واعمل اطرش وكده وفي ناس كانوا بيطفشوها اول ماتعينت هناك ولما كانت حامل وهاتولد مديرها كان عايز ينزلها حاجة اسمها Pool هي شرحتهالي ان ده مكان بيجمعوا فيه الناس التعبانة او اللي هايمشوهم وبيدولهم مرتبات تعبانة اوي 350 جنيه وكده عشان يطفشوهم يعني. بمعني اصح ياكلها لحم ويرموها عظم زي مابيقلوا والشغل عندهم فحت وردم وكانت بتنزل ايام سبت كمان تشتغل ومينفعش تقفل موبايلها بعد الشغل وجزاءات وحركات كده مالهش لازمة الصراحة خلتني احمد ربنا 100 مرة اني موافقتش علي عرضهم ده خصوصا ان مواعيدهم زبالة قال ايه المفروض اروح استني الاتوبيس الصبح في ميدان عبد المنعم رياض الساعة 7:30 يعني انزل من بيتي الساعة 6 مثلا ولا 6:30 بس هما ميزتهم برده انهم بيروحوا الساعة 4 او 4:30بس مش مهم كل ده اهم حاجة الراحة النفسية والتفاهم بينك وبين مديرك المباشر والمناخ العام اللي نشتغل فيه.

معلش طولت عليكم بس الموضوع فعلا مهم وانا حيكت تجربتي يمكن حد يستفيد منها.