ماليكا ولا مليكة؟ ايه الاسم الصح؟

[M7amD_7amDy]

مبروك يا محمد انا كمان عندى مليكة :c_laugh[1]: صغيرة 6 شهور
ربنا يحفظهالك يا رب

الله يبارك فيك ياباشا

وربنا يخليلك مليكة :)

قولى بقه مجاش فى بالك ماليكا ولا سجلتها مليكة علاطول

وقولى رأيك بقه بما انك عندك مليكة :)

ماليكا ولا مليكة ؟

ربنا يحفظها ويباركلك فيها ان شاء الله
الاسم عاوز كتالوج من اولها
غير الاسم اسهل :-)

ربنا يخليكى يافندم

طب ومين بس يدلنى على الكتالوج عشان اكتبها صح

على فكرة انا مسميها الاسم ده وهى كانت فى التالت او الرابع :)

اسم عجيب...
ههههههه
الف مبروك وهقترح اسامي معقدة بس اسهل...
وقار
وتين
هيا بفتح الهاء والياء
تالين
لامار
لانا
ريتال
ريتاج


هههههه
احترت ولا لسا؟؟؟
تحياتي

sent from my xperia arc s using forum runner

الله يبارك فيك ياباشا

انا معرفش فيهم غير ريتاج عشان ده اسم بنت اختى

وكده كتر الف خيرك ياباشا سعيكم مشكور :)))))

[hugan]

ربنا يخليها ويبارك لك فيها
ليه مافكرتش تختار ليها اسم من الاسماء بتاعتنا
ليه الاسماء الي محتاجه المعجم الوجيز في تفسيرها وكتابتها
وبتعمل مشاكل في الاوراق الرسميه

هاجر
رقيه
اسماء
شيماء
هند
فاطمه
خديجه
سلمي
ساره
الاسماء كتير
انما
جويريه
ريتاج
لجين
مليكه او ماليكه عايزه مترجم
تالين
لامار
لانا
ريتال
طائر السنونو
وبعدين الموضوع ده ضرب في مصر كلها مش عارف ليه
علي العموم ربنا يخليها لك ويبارك لك فيها

[M7amD_7amDy]

ربنا يخليها ويبارك لك فيها
ليه مافكرتش تختار ليها اسم من الاسماء بتاعتنا
ليه الاسماء الي محتاجه المعجم الوجيز في تفسيرها وكتابتها
وبتعمل مشاكل في الاوراق الرسميه

هاجر
رقيه
اسماء
شيماء
هند
فاطمه
خديجه
سلمي
ساره
الاسماء كتير
انما
جويريه
ريتاج
لجين
مليكه او ماليكه عايزه مترجم
تالين
لامار
لانا
ريتال
طائر السنونو
وبعدين الموضوع ده ضرب في مصر كلها مش عارف ليه
علي العموم ربنا يخليها لك ويبارك لك فيها

هههههههههههه ياباشا ربنا يخليك

هو فعلا الموضوع ضارب عند الناس كلها بس هو من باب التغير برده :)

وعلى فكرة اسم Malika سهل جدا ومش تقيل هو بس المشكلة فى كتابته بالعربى

بس كده :)

هااا قولى بقه ماليكا ولا مليكة :)

والف شكر ليك ياباشا

[salodas]

مبروك يا محمد انا كمان عندى مليكة :c_laugh[1]: صغيرة 6 شهور
ربنا يحفظهالك يا رب

ميرو باشا ... مليكة الى عندك دى بتاعتى .... ده أنا قارى فاتحة .... (اللمبى ستايل)

[mesaharaty]

كما قال الاستاذ مصطفى مهران ، الاسم الصحيح هو مليكة
وهو مؤنث كلمة مليك
وفي كتاب الله تعالى في سورة القمر " ان المتقين في جنات ونهر ، في مقعد صدق عند مليك مقتدر"
والمعنى يتلخص في الآتي:
الملك الذي يحكم ولا يملك،
والمالك هو الذي يملك ولا يحكم، كمن يمتلك أرضٍا ،
هذه الأرض لا يملكها الملك، لكن يحكمها، ومالك هذه الأرض لا يحكم،
لكن الله جل جلاله مليك ، أي أنه ملك ومالك، يملك ويحكم، والمُلك في الدنيا والملكوت في الآخرة، المُلك في عالم الشهادة، والملكوت في عالم الغيب، والله جل جلاله مالك المُلك والملكوت
والله تعالى أعلم

الإسم يكتب : مليكة
على وزن (سميرة)أو ( خديجة)
أما (مليكة ) الإسم المسيحى فينطق على وزن ( فريحة) أو ( حميدة) (( المطرب على حميدة مثلا)

وتتربى فى عزك إن شاء الله

[AlGazar2]

الاسم الانسب بالنسبة للاسم الانجليزى هو ماليكا او ماليكه - بلاش مليكة عشان ميبقاش فى مجال للكسرات و الفتحات فى الاسم

و ربنا يخليهالك و تتربى فى عزك ان شاء الله

[laxeg]

لى راى مختلف مع ما سبق
- لو الاسم تصغير لاسم "ملكة" - هايكون اسمها "مليــكة" بضم الميم
-لو عاوز تسميها بنفس نطق الحروف الانجليزى - هايكون اسمها " مليكى" وهنا الياء بتنطق فى القران الف مخففه وعشان التريقة والحوارات والناس اللى مش هاتعرف تنطقها بامكانك التجاوز عن الياء بقلبها لالف ويكن اسمها "ماليكأ"

راى الشخصى لاى واحد فينا وانا اولكم ان اسم اولادنا لازم يكون اسم يرضى الله فعشان كده دايما بحب اسمى اسماء من هادانا الله بهم باسماء اختارها الله لاولياءه فى الارض زى اسماء الانبياء والصحابة واسماء امهات المؤمنين ومن ذكروا فى القران او اى لفظ قرانى ذكر فى القران بصيغة مؤنثه او يجوز تانيثه ولا يقترن بالشك....[/size][/size]

[Rsarabia]

انا كان عندى نفس المشكلة انا عندى Jayda
كتبتها كدا چايدا مش جيدا ولا جيدة

حضرتك اكتبها كدا ماليكا مش مليكة ولا مليكا

لان الالف اللى بعد الميم دى هتمنع ان حد عبقرى ينطقها بالضم او الكسر و تبقى موليكة مثلا ههههههه :D

[M7amD_7amDy]

الإسم يكتب : مليكة
على وزن (سميرة)أو ( خديجة)
أما (مليكة ) الإسم المسيحى فينطق على وزن ( فريحة) أو ( حميدة) (( المطرب على حميدة مثلا)

وتتربى فى عزك إن شاء الله

ربنا يخليك ياباشا وعقبالك ان شاء الله

الاسم الانسب بالنسبة للاسم الانجليزى هو ماليكا او ماليكه - بلاش مليكة عشان ميبقاش فى مجال للكسرات و الفتحات فى الاسم

و ربنا يخليهالك و تتربى فى عزك ان شاء الله

ربنا يخليك ياباشا

انا معاك فى الرأى ده

لى راى مختلف مع ما سبق
- لو الاسم تصغير لاسم "ملكة" - هايكون اسمها "مليــكة" بضم الميم
-لو عاوز تسميها بنفس نطق الحروف الانجليزى - هايكون اسمها " مليكى" وهنا الياء بتنطق فى القران الف مخففه وعشان التريقة والحوارات والناس اللى مش هاتعرف تنطقها بامكانك التجاوز عن الياء بقلبها لالف ويكن اسمها "ماليكأ"

راى الشخصى لاى واحد فينا وانا اولكم ان اسم اولادنا لازم يكون اسم يرضى الله فعشان كده دايما بحب اسمى اسماء من هادانا الله بهم باسماء اختارها الله لاولياءه فى الارض زى اسماء الانبياء والصحابة واسماء امهات المؤمنين ومن ذكروا فى القران او اى لفظ قرانى ذكر فى القران بصيغة مؤنثه او يجوز تانيثه ولا يقترن بالشك....[/size][/size]

مظبوط الكلام ياباشا

ورأيك طبعا يحترم

الف شكر ياباشا :)

[M7amD_7amDy]

انا كان عندى نفس المشكلة انا عندى Jayda
كتبتها كدا چايدا مش جيدا ولا جيدة

حضرتك اكتبها كدا ماليكا مش مليكة ولا مليكا

لان الالف اللى بعد الميم دى هتمنع ان حد عبقرى ينطقها بالضم او الكسر و تبقى موليكة مثلا ههههههه :D

ربنا يخليهالك ياباشا

چايدا اقرب مثال فعلا وكلامك مظبوط

ولما تتكتب ماليكا هتجبر اى حد انه ينطقها مظبوط زى الانحليزى Malika

الف شكر ياباشا

هكتبها ماليكا ان شاء الله

والف شكر لكل الناس اللى ردت وربنا مايحرمنى منكم :)