قله ادب في اربياتا العبور

[hugan]

النهارده كنت راجع من العاشر انا والادي
المهم قالو عايزين نتغدي في اربياتا
دخلنا وطلعنا الدو رالعلوي
طلبنا اللي هانكله
المطعم تقريبا كان فاضي مفيش غير 4او 5 ترابيزات عليها زباين

قاعد انا والمدام والاودي لقيت ابني الكبير 13 سنه منتبه وبيبص علي الترابيزه اللي جنبنا
طبيعي اني اشوف هو منتبه لايه
لقيت ولد وبنت
قاعدين وايه اخر انسجام
قولت عادي طلبه جامعه وعايشين دور شهداء الغرام
شويه تاني لقيت التون علي
الواد ماسك البت وهزار وايده علي كتفها وماسك وشها
والله انا ماسك نفسي وكنت عايز اقوم اخدهم قلمين علي وشهم
الواد شافني وعارف اني ببص عليه
شويه والموضوع كبر معاهم
الواد بيبوس البت
ايوه والله زي مابقول كده
رميت الكرسي اللي انا قاعد عليه
صوت الكرسي لما ترمي علي الارض
خلي الجرسونات ينتبهو جامد ويشوفو في ايه اللي حصل
شافوني رايح علي الواد
خلاص هارميه بره الترابيز ه
الجرسون قالي سيبهولي انت ياباشا
كويس انها جت منك
الواد قام في ايه ومش في ايه
ايه يابني انت مش دريان بنفسك
الجرسونات قالوله لم حاجتك وتعالي معانا
الواد وهو قايم كان حطط طبنجه في كمر البنطلون
بس هو مش ضابط
والله وحتي لو كان ضابط
لكنت مسحت بكرامه اللي جايبنه المحل
هو اصلا مانطقش بكلمه
انا مش فاهم في ايه اللي بيحصل
مفيش خشا ولا حيا خلاص

[dr.hazem]

اذا كان رب البيت للطبل قارع
فحالة اهل البيت الرقص....

حسبنا الله ونعم الوكيل
مفيش حياء خالص

Sent from my Xperia Arc S using Forum Runner

[mhmhmh75]

مهو ده الي الواحد خايف منه ان مصر البلوظه فيها تبقا عادي ويقولو للي عنده حياء يا اخواني ويلبسونا احنا الغلط

[mastr_n]

انتظر قيام الساعة

مابقاش غير علامات الساعة الكبرى

اللهم الطف بنا فيما جرت بة المقادير

[mr_vampire]

وحضرتك فاكر ان الجرسونات مكنوش واخدين بالهم غير لما قومت!!!!!

اشك.

بس اتكسفو بدل ماتيجي منك وهما زي القراطيس كدة. وعلي فكرة اكيد خدوه منك وسابوه من غير مايتكلمو معاه كلمة.

بيحصل اكتر من كدة فالشوارع وتحت الشجر وفي مداخل العمارات.

اللي اتربي خلاص اتربي من زمان.

لاء وحاطين خالد يوسف في لجنة الدستور .

كويس انهم مجابوش السبكي.

[hugan]

وحضرتك فاكر ان الجرسونات مكنوش واخدين بالهم غير لما قومت!!!!!

اشك.

بس اتكسفو بدل ماتيجي منك وهما زي القراطيس كدة. وعلي فكرة اكيد خدوه منك وسابوه من غير مايتكلمو معاه كلمة.

بيحصل اكتر من كدة فالشوارع وتحت الشجر وفي مداخل العمارات.

اللي اتربي خلاص اتربي من زمان.

لاء وحاطين خالد يوسف في لجنة الدستور .

كويس انهم مجابوش السبكي.

معاك حق طلانه قال كويس انها جن منك
يعني كانو مستنين حد بس يتكلم

الله يخليك بلاش كلام عن الدستور
الموضوع انتهي
وهايعمله اللي هم عايزينه
وهايمسحوا اي حد ليه راءي معارض
عايز ايه اكتر من ان اي شاب فكر بس انه يرتدي تي شيرت عليه علامه رابعه
يتقبض عليه
المطبخ شغال والنار والعه والاكل هايستوي خلاص

[amrezzat82]

البلد طول عمرها كده و احنا عارفين ان فى اماكن كتيرة كده و بالاسم بس النسبة بقت أكتر لأن الناس كلها عملت فتوات و نسبة الناس البايظة المنحلة فى البلد كتيييييييييييييييييييييييرة جدا و الشرطة متنيلة برضه و لازم القانون يتنفذ على الكل ..و احنا ما نشوف حاجة غلط لازم نتكلم و نشتكي .. اللى موبوظ البلد الناس ما بتتكلمش و كلهم بيكلوا عيش و ملهومش دعوة . ياما حصل معايا بلاوي و وقفت لوحدي و الناس اللى حوليا كلها جبانة جداااا و مش عايزة تتدخل و أو ما العيال الزبالة تمشي كل الناس تتكلم ... ( ولولا دفع الله الناس بعضهم ببعض لفسدت الأرض ولكن الله ذو فضل على العالمين

[Anaslbda]

لامؤاخذة لو كان ظابط معتقدش ان الموقف كان هيعدّي كده.

[chicobon]

هو عشان موقف حصل الناس تدخل المواضيع في بعضيها هو الكلام ده ايام مرسي مكنش بيحصل يعني ؟ سبحان الله

[khaled_sabry]

للاسف الشارع بيتأثر بقوه بمين اللى فى السلطه
لما كان الاخوان فى السلطه (بصرف النظر عن الاتفاق او الخلاف السياسى ) كنت تلاقى اى حد من الملتزمين عنده الجرأه ان ينهى عن اى منكر يشوفه
لكن دلوقتى (لما بقى الخامورجى رئيس لجنه 50 و مخرج الدعاره عضو فيها و فيه كرهه عام للدقن و النقاب ) مبقاش حد يقدر يفتح بقه خوفا من تهمة "انتا اخوان "
انا شخصيا لو شفتهم بيزنو قدامى مش حتكلم - مش لأنى عاجبنى الوضع و لا لأنى جبان بس انا كنت حاخد علقة موت قبل كده لمجرد انى اعترضت على حرق جامع رابعه فقط !!!!

على فكره الموقف ده بيبفكرنى بالمشاحنات اللى كانت بتحصل بين السنه و الشيعه ايام دوله المماليك فى مصر
فكان الشيعه بيحتكو بالسنه و يحرقو اسواقهم و يجهرو بسباب اهل البيت لو كان ليهم وزير شيعي
اما لو كل الوزراء من السنه فكانو يلزمو بيوتهم و فى المقابل يحدث تحرش و استقواء من السنه على الشيعه من منطق (البلد بلدنا )

[hugan]

لامؤاخذة لو كان ظابط معتقدش ان الموقف كان هيعدّي كده.

ليه يعني
وحياتك واتخن من ضابط
مش كلام

[monamize4]

اللي اتربي خلاص اتربي من زمان.

البلد طول عمرها كده و احنا عارفين ان فى اماكن كتيرة كده و بالاسم بس النسبة بقت أكتر لأن الناس كلها عملت فتوات و نسبة الناس البايظة المنحلة فى البلد كتيييييييييييييييييييييييرة جدا و الشرطة متنيلة برضه و لازم القانون يتنفذ على الكل ..و احنا ما نشوف حاجة غلط لازم نتكلم و نشتكي .. اللى موبوظ البلد الناس ما بتتكلمش و كلهم بيكلوا عيش و ملهومش دعوة . ياما حصل معايا بلاوي و وقفت لوحدي و الناس اللى حوليا كلها جبانة جداااا و مش عايزة تتدخل و أو ما العيال الزبالة تمشي كل الناس تتكلم ... ( ولولا دفع الله الناس بعضهم ببعض لفسدت الأرض ولكن الله ذو فضل على العالمين

احلى like

[benmatar]

احسن تصرف وهو ده اللي المففروض الكل يعمله ونصحى بقى وكفانا انا مالي وماليش دعوة

[mr_vampire]

توضيح بس صغير.

انا لما جيت سيرة لجنة الدستور وان خالد يوسف عضو فيها.

كان قصدي اننا مش ناقصين سفالة بقي وانهم يجيبولنا مخرج عري يحطلنا دستور.

انما لا اتهمتهم بالوضع اللي وصلناله ولا اترحمت علي وضع مرسي.

لان ده ثقافة شعب وتعتمد عالتربية فالبيت ملهاش علاقة برئيس ولا بحكومة.

[saddam]

شوفوا الدنيا بقت فيييييييييين وإحنا بنتكلم في إيه بلدنا أكثر بلد متدين بالفطرة وأكثر بلد فيها نصب في الفطرة وأكثر بلد فيها سرقة.بالفطرة.وأكثر بلد فيها أكل مال الغير بالفطرة أكثر بلد شوارعها مش نظيفة بالفطرة وأكبر بلد فيها كلام كتير وكفتة مفيش في الفطرة
عارف لو بلدنا إتبلت باﻷشكال اللي مزعلاك دي في الشارع وعيني عينك بس الناس بطلت تكذب وبطلت تنصب وبطلت تسرق وبطلت تكره الناجحين وبطلت توسخ الشوارع يبقه إحنه ربنا بيحبنا
ودمتم للنضال ونصيحة مفيش فايدة وإغسل إيدك