فلتر مياة 6 مراحل !!

[Rsarabia]

ازيكم يا شباب المنتدى الكرام

يا ريت لو حد مجرب عنده فلتر مياة 6 مراحل يحكى لنا عن تجربته و المميزات او العيوب و هل طعم المياة اتغير ولا لا و كدا

شكرا

[mohameddarwish]

انا لسه مركب فلتر تانك 6 مراحل ro و ممتاز جدا جدا

كان عندي مشكله معاه الاول بس الغلط كان عندي :)

بس انصحك بيه

الشركه كانت منزله عرض مع الفلتر 12 شمعه ( يكفي لمده سنتين )

[Rsarabia]

انا لسه مركب فلتر تانك 6 مراحل ro و ممتاز جدا جدا

كان عندي مشكله معاه الاول بس الغلط كان عندي :)

بس انصحك بيه

الشركه كانت منزله عرض مع الفلتر 12 شمعه ( يكفي لمده سنتين )

شكرا لحضرتك
سعره كام
طعم المية اخباره ايه

[ghost11]

يا باشا بصراحه اخويا مركب فلتر 6 مراحل بس الحقيقة مش عارف نوع ايه

بس طعم الميه مر مر ما تحش انك بتشرب ميه

[abb]

نصيحه من واحد مركب الفلتر ده من 6 سنين ركبه فورا وبدون تردد بس الاهم من الفلتر تكون الشركه اللى هتجيبه منها سمعتها كويسه وبلنسبه للطعم بدون طعم

[salodas]

أنصحك بفلتر اسمة باناسونيك (يابانى الصنع)
سهل التركيب .... كفاءة عالية جدا .
يشمل المرحلة الأولى والثانية من الفلتر ال 6 مراحل .... وأعتقد ان ده الى احنا محتاجينة ....لأن المرحلة الأولى بتشيل الشوائب والتانية بتشيل الطعم والرائحة (الكاربون النشط يعنى)

طبعا ال 6 مراحل مش وحش ... هو طبعا بيشيل كل حاجة فى المياه حتى الأملاح الذائية (بواسطة ال ro)
لو لقتنعت بالبناسونيك توكل على الله .
لو مصر على ال 6 مراحل ... جيب تانك كويس وكان عليه عرض فى كارفور شمعات احتياطى كتير تكفى لسنتين .

[salodas]

سعر البناسونيك = 400 - 500
سعر التانك = 600 - 700
أنا اسف مش قادر احدد لأنى مش متأكد من السعر

[mohameddarwish]

الميه ممتازه جدا جدا و انا شخصيا متكيف منها علي الاخر :d

انا جبتو من شركه تانك علشان ابقي ضامن الصيانه و لو حصله حاجه و كدا معدش ادور في المحلات علي حد بيعمل صيانه للفلتر و بصراحه شركه محترمه مع اني قرفتهم في عيشتهم :d

الفلتر كنت جايبو من شهر 1466 جنيه من الشركه نفسها لانها كانت منزله 12 شمعه هديه تكفيني لمده سنتين

لو مش عايز الشمعات الزياده دول ممكن تجيبو من المحلات هتلاقيه ب 1100 تقريبا

بس علشان الشركه تركبهولك هياخدو تقريبا 75 جنيه

و مبروك مقدما يا معلم ;)

[S O P H O S]

سعر البناسونيك 460 لسه جايبه من شهر لصديق
وشايفه افضل من تانك
وحاليا بفكر اجيب ايه ليا

[salodas]

يا جماعة ... فلتر بناسونك ده اثبت كفاءة عالية جدا .... أنا الفلتر ده عندى من 10 سنوات لما كان ب 250 ج
والجديد منه دلوقتى بيعطيك اشارة لما يجى وقت تغير الغيار .....
انا كنت شغال فى مجال معالجة المياة وبحكم خبرتى المحدودة أحنا مش محتاجين أكتر من الفلتر ده ...
أما فى حالة أنك بتسخدم مياه أبار أو فى أمان ينتشر فيها الصرف الصناعى.... فأكيد أرجح لك ال ro >>>لأنه ببساطة مبيخليش أى حاجة فى المياة .... حتى الأملاح الذائبة الى لا ترى بالعين المجردة أو الميكرسكوب حتى