هل فعلا ابتداء تسليم كروت دعم البنزين او حد جالو اتصال لاستلام الكارت زيي

[hossam165]

الموضوع باختصار جالي تليفون امس صباحا من رقم 0235353988
انا سلام عليكم
المتصلة حضرتك فلان الفلاني الاسم ثلاثي
انا ايوا
هي احنا بنتصل بحضرتك بخصوص كروت دعم البنزين
انا اهلا وسهلا
هي احنا الشركة الي المرور اسند اليها توزيع الكروت لان عندهم ضغط كبير قوي
فعشان يخفوا الضغط علي نفسهم اتفقوا معنا علي توزيع الكروت
احنا ممكن نرسل لحضرتك الكارت مقابل رسم توصيل 20 جنيه او حضرتك تذهب لاقرب فرع من فروع الشركة
فسألتها اقرب مكان ليا فين قالت مصر الجديدة او مساكن شيراتون قولتلها مساكن شيراتون
هي العنوان هو قطعة 2 مربع 1258 بجوار سوبر ماركت السعودي في الشارع الي فيه مسجد الصديق
وارقام تليفوناتهم هي 22687888 او 22687999
انا تمام ده قريب مني اروحلهم امتي؟؟؟؟؟؟؟؟؟؟
هي لا هما هيتصلو بيك خلال 48 ساعة يحددوا ميعاد لحضرتك واذا متصالوش حضرتك كلمنا تاني علي تليفون 19680 او 19683
ممكن حضرتك تديني شوية بيانات
انا زيي ايه؟؟؟؟
هي الرقم القومي ورقم الموتور
انا البيانات ديه كلها مسجلها علي الموقع وبما ان فيه اتفاق بينكم وبين المرور يبقي هذه البيانات عندكم فعلا من الاساس عشان تستطيعوا تشتغلو في طباعة الكروت وتوزيعها
هي اصل البيانات في الصفحة داخلية ما بيظهرليش غير البيانات الخارجية فقط وهي اسم حضرتك ورقم العربية والمرور التابع له وغعلا قالت اسمي ثلاثي صح ورقم العربية صح وطبعا المرور التابع ليه صح كمان
وراحت قالت لو حضرتك عندك اي تعليق علي انك تدينا البيانات ما فيش مشكلة بس اذا لم يتصلوا بيك في خلال 48 ساعة ياريت تكلمنا تاني
انا مش انتم شركة واحدة بتتابعوا بعض
هي لا احنا الشركة اي فينانس الي بنطبع الكروت وهما شركة فلكس الي بيوزعوا الكروت
فانا عاوز اسأل حد من حضراتكم اتصلوا بيه زيي ما اتصلوا بي والا لأ
هتقولولي فين المشكلة هقولكم ان البنت لما قولتلها البيانات عندكم حسيت انها ارتبكت ومهزوزة وكانت بتنهي المكالمة بأي طريقة غير في اول المكالمة كانت مرتاحة وبتتكلم بثقة وبعدين ما فيش اي اخبار بتقول انهم بدأو توزيع الكروت اصلا

[magedfarid]

متابع؟؟؟

[ابو لؤى]

اتصلو بيا وقالولى خلال 48 ساعه وادينى مستنى وقولتلهم هاتو الكارت على عنوان الشغل اه يابلد الخدمه فيكى بفلوس

[ahmed legend]

انا استلمت الكارت انهاردة جالى على الشغل واديت للراجل 20 جنيه

[amr011111]

الموضوع مفيهوش اى ذره من النصب وناس كتير استلمت ونزلوا تقرير بكده
وبعدين الشركه بتاخد اخر اربع ارقام من رقم البطاقه مش رقم البطاقه كله

توكل على الله والموضوع تمام ولا تقلق

[amr011111]

اتصلو بيا وقالولى خلال 48 ساعه وادينى مستنى وقولتلهم هاتو الكارت على عنوان الشغل اه يابلد الخدمه فيكى بفلوس

كانوا برضوا ادونى ميعاد فى الاول ومجوش فيه بس اتصلوا تانى وحددوا ميعاد تانى بعدها ب 4 او 5 ايام تقريبا

[الفجر]

اوفففففففففففف

[M.Elgergawy]

انا استلمتو انهارده من شركة فيدكس

[sayed911]

هوة بياخد رقم البطاقة لسبب الا وهوة انه المندوب لما بيسلم حضرتك مش ها يسلم الا لحامل البطاقة عشان اتعملت فيا هنا ومرضيش يسلم الكارت حتى لأخويا وفضلنا رابطين الموظف في البيت لحد ما روحت طيران عشان استلم الكارت ويشوف البطاقة رسمي :) الموضوع مش نصباية همة فعلا اخدوا مني البيانات دي واستلمت الكارت كمان :)

[MotorX]

انا اللي كلموني شركة فيديكس وادوني ميعاد للاستلام وماحدش جالي في الميعاد ، وبعدها بيومين لقيت مندوب شركة تانية "ايجيبت اكسبرس" جايبلي الكارت وخد 20 جنيه واداني بيهم وصل.

تحياتي

[MohamedSamy06]

انا كمان جالي نفس الاتصال بس كان مختصر عن كدا شويتين وفعلا بعتولي الكارت على البيت

[eslamrace]

طيب انا مسجل من فتره طويله ومحدش عبرنى بالرغم انى مسجل لاخويا بعد مسجلت لنفسي واتصلوا بيه فكده اكلمهم ولا اطنش ؟؟؟

[طارق _عبد السلام]

اتصلوا بيا فعلا وحددوا 48 ساعه واخدوا بيانات رقم البطاقه ورقم الشاسيه
وقلتلهم ابعتوه على البيت واليومين خلصوا
وفى انتظارهم

[grumby78]

كلموني من اسبوعين تقريبا وقالولي وقتها كمان يومين حتكلمك فيدكس ويوصلوه للبيت . الى الان لم تتصل فيدكس او يصل الكارت

[sas5]

السلام عليكم
انا استلمت الكارد يوم امس