إعـــــــلان

Collapse

.

,
See more
See less

معلش سؤال ساذج بس محتاج رد ضرورى

Collapse
X
 
  • Filter
  • الوقت
  • Show
Clear All
new posts

  • #31
    المشاركة الأصلية كتبت بواسطة punisher مشاهدة المشاركة
    نوافيكم بأخر التطورات :)

    طبعا لما بعتلها الرسالة كنت متوقع انها مترودش ولكن للأسف ردت وبعد نقاش طويل وشد وجذب وافقت انى اقابلها " للمرة الثانية " فى وجود والدتى ووالدتها ... انا وافقت على المقابله عشان مكنتش عارف أخد قرار نهائى بالقبول أو الرفض ..

    نيجى لتفاصيل الكلام فى المقابلة واللى كان مدتها ساعة وربع " دا نظرا لظروف الحظر " بس هما كان ممكن يقعدوا أكتر من كده بكتير

    قبل ما اتكلم أحب اوضح انى بشتغل مع والدى وعندنا معرض بس انا مش باخد منه مرتب ومعايا فلوسى وفلوس اخويا بستورد بيها بضاعة وببيعها وده هو مصدر رزقى الوحيد والحمدلله مكفينى من غير ما أخد مليم من أبويا , انا بسافر واشترى البضاعة واخويا اللى مسئول عن بيعها عشان انا معنديش خبرة فى البيع ولا اعرف اتعامل مع الزباين

    تفاصيل المحادثة بقى ان هى شايفة ان انا كده معنديش شغل مستقل بنفسى وطالما انا بستورد بس فا ليه مفتحش مكتب استيراد واشترى للناس اللى عيزينه أو انى اشتغل فى مكتب محاسبة أو أبحث انى أكون وكيل لأى شركة من اللى بتعامل معاهم ... فهمتها ان انا مينفعش اشتغل عند حد وعندى شغلى ومرتاح فيه ومينفعش اكون وكيل لأى شركة عشان طبيعة الشغل نفسه مينفعش أكون وكيل لحد وكمان لا يعقل انى افتح مكتب استيراد وانا مزروع فى وسط السوق والتجار وممكن أجيبلهم اللى عايزينه بس انا مركز فى شغلى مع اخويا فى المرحلة دى .... واحيانا بروح المخزن مع العمال واساعدهم فى التحميل

    كان ردها ان انا دلوقتى أقول لبابا ايه , لو قلتله انك بتشتغل كده هيرفض , قلتلها تبقى قوليله هو صايع ومش بتاع شغل ( عشان اقفل الكلام معاها فى نقطة أبوها )

    راحت أمها ادخلت فى الكلام وبتقولى يعنى انتا كده مش بتاخد مرتب , قلتلها اه , وحضرتك متشغليش بالك بالموضوع ده مستورة والحمدلله ,, فا قالتلى يعنى انتا كده تعتبر قومسيونجى " فا كنت هديها بالجزمه " قلتلها انا بستورد بضاعتى وببيعها فى معرض ابويا والناس اللى بتجيلى انا مش بروح لحد

    المهم خلص الكلام وجينا نمشى هما كانوا راكنين العربية قدام الكافيه وانا كنت راكن بعيد شويه , فا وصلتهم للعربية ومشيت انا ووالدتى عشان نروح للعربيه واستغربت انها متحركتش من مكانها غير لما انا مشييت ( طبعا عشان تعرف نوع العربية ايه )

    لما روحت بعتلها مسج قلتلها انتى تعبتينى وكان ردها انتا كمان تعبتنى وياريت بفايده , فا قلتلها انا هقولك حاجة من غير زعل , " ان دا شغلى اللى تعبت كتير عشان اتعلمه ومستحيل انى اغيره أو اشتغل اى حاجة جانبه عشان مينفعش وكمان انا مش عايز .... والأهم من كده ان انا عندى طموح ودا مش مرتبط بانى أكمل معاكى أو لأ , يعنى انا مكمل فى طريقى سواء مع بعض أو لوحدى , انتى شايفه انه حاجة عادية وانى هفضل زى ما انا طول عمرى فا دى وجهة نظر واكيد تحترم بس انا راضى جدا عن اللى بعمله "

    وكان ردها ان الوقت اتأخر ولازم تنام عشان الشغل ونكمل كلامنا بعدين , قفلنا كلام على كده

    طبعا الكلام ده من يومين وانا لا يمكن اتكلم أو افتح كلام معاها " هى من النوع اللى هوا انا مش المفروض انى اتكلم ولا انى اسال عليك ... اسال بصفتك ايه ؟؟ .... بس عندها استعداد تتكلم بال 6 ساعات لو انا بدأت الكلام "

    صاحبى قالى my way or the high way

    والدتى مش مرتاحة للموضوع وبتقول انها تقيله وامها مش سهلة والموضوع طول وبقى ممل وصاحب اخويا جايبلى عروسة 20 سنة بتقولى روح شفها وخلى دى مبلطة كده طالما على قلبهم مراوح

    انا بدات ازهق من الموضوع وبعد اقارنها بخطيبتى السابقة اللى كانت بالنسية ليها ملاك من السما حتى والدتى بتقولى يا ريت كان فى نصيب كانت من توبنا ومش متنكة وشايفه نافسها وبعدين دى اكبر منك مش عارف شايفه نفسها على ايه

    مستنى ردودكم ضرورى


    بص انا كنت داخل اكتب رد بس اما قريت الرد ده دمي اتحرق و هاقول كلام تاني خالص

    اولا ..... اللي ما تسمعش كلامك و تعمل راسها براسك هتطلع عينك و عين اللي خلفوك و عين اللي خلفوهم فوق البيعة

    ثانيا واضح انها شاربة طبع امها و امها هتساهم كعامل مساعد في التفاعل الكيميائي لتطليع عينك بسرعة و كفاءة

    ثالثا في ضوء الرد اعلاه : انا عايز اقول لفظ ممكن اتوقف فيه شهرين من المنتدى


    هو حد لاقي؟؟؟؟؟؟؟؟


    هو خلاص يا موظف يا بلاش؟؟؟؟؟؟؟؟ يا عم انا موظف و يا رييييييت اعرف ابقى - ما شاء الله لا قوة الا بالله اللهم لا حسد - زيك ...... رئيس جمهورية نفسي اروح الشغل وقت ما احب (انا مش قصدي انك بتتدلع لاني عارف ان اصحاب الاعمال بيبقى قلبهم عالشغل و القرش اكتر من الموظف...... بس مفيش حد هيقول لك انت فين و اتاخرت ليه و العوق ده) ...... اخد اجازة وقت ما ظروفي تسمح ...... و في الاخر انا رئيس جمهورية نفسي

    و بعدين الارزاق بالله مانا ممكن ابقى موظف و اترفد


    و الله العظيم لو كملت في الموضوع ده تبقى تستاهل اللي هيجرالك لانك شفت كل الانذارات دي و ربنا خلاهم يكشفوا نفسهم قدامك و كملت برضه ...... زي ما واحد انا اعرفه عبيط أوي شاف انذارات كتير و كمل و اتنفخ في الاخر (العبيط ده يبقى انا على فكرة و صدقني مش عايزك تبقى زيي)


    هما هيمشوك على كيفهم؟


    بص يا باشا ...... خد لفة في المنتدى و شوف اللي مراته سابت له البيت غصب عنه و الا ما سمعتش كلامه و سافرت مع اهلها الخ الخ الخ ...... هتلاقي البنت دي من نفس الخامة ...... لا تطيع و ترى ان الطاعة للزوج هو انتقاص منها


    اححححححححححلق
    [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

    [URL="https://goo.gl/30fu9U"]Registered Migration Agent - MARN 1575106[/URL]
    [/COLOR][/CENTER][/SIZE]

    Comment


    • #32
      المشاركة الأصلية كتبت بواسطة leitosr مشاهدة المشاركة
      بالنسبة لشغلك, عشان واحد من شوية قال أن وضعك صعب !!!!!
      اللي شغال أنهارده في عمل حكومي, دا شغل ميفتحش بيت ولا يصرف عليه, عشان نكون صرحاء يعني,,
      واللي شغال في قطاع خاص, دا علي كف الرحمان ممكن يمشي في أي وقت أو ممكن الشركة تقفل وتصفي.


      بنتنا هتعيش متريشة وتسيطر عليك وعلي جيبك ولا لأ.

      لأنها متنفعش بالمنظر دا لأي راجل, ممكن تنفع لوحد كوكو هيمسع كلامها في كل حاجة سواء كانت أكبر منه ولا أصغر منه.! ودا مينفعش ولا يبقي بيت زوجية.!

      بجد الكام جملة دول ينطبق عليهم كلمتين ابرك من عشرة
      [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

      [URL="https://goo.gl/30fu9U"]Registered Migration Agent - MARN 1575106[/URL]
      [/COLOR][/CENTER][/SIZE]

      Comment


      • #33
        المشاركة الأصلية كتبت بواسطة أحمد كمال مشاهدة المشاركة
        بجد الكام جملة دول ينطبق عليهم كلمتين ابرك من عشرة
        ربنا يبارك فيك ياباشا.
        LeitoSR سابقا

        Comment


        • #34
          طبعا انا بجد عاجز عن شكركم وعلى مساعدتكم ليا وربنا يجازيكم خير على نصيحتكم ليا , فعلا انتوا ناس محترمة وربنا يكرمكم فى حياتكم ان شاء الله

          أنا فعلا محتاج أراجع نفسى فى تصرفاتى بس ده ممكن سببه قلة الخبرة والتجارب فى الدنيا

          أقسم بالله انا من تانى يوم ما خلصت أمتحانات ونزلت الشغل وبقالى دلوقتى 3 سنين مش بعمل حاجة غير انى مطحون فى الشغل لدرجة ان العمال عندنا بيقولولى انتا اللى زيك المفروض يقعد على مكتب وميعملش فى نفسه كده , انا فعلا صعبت عليا نفسى لما لقيتها بتقولى قومسيونجى ومحسسانى انى عيل سييس اصلا

          هما الدين عندهم شكله مظاهر , صوم وصلاة وتراويح وتهجد وعمرة وحج بس على ارض الواقع مهتمين بالمظاهر والفلوس وبس , لا فى مراعاة ان هى كانت ممكن ترتبط بواحد محترم وفى سنها ولا بعرف بنات ولا سجاير ولا أى حاجة ... انا طلعت خيبة أوى والله

          وانا أول ما اتخرجت والدى كان مصمم يشترى عربية ليا وانا رفضت وقلتله انا اللى عايزه منك هى الشقة وغير كده انا هقوم بكل حاجة , والحمد لله اشترالى الشقة اللى بتمناها من سنتين , لأ و سبحان الله انا كنت سايبله العربية ومقضى مشاويرى فى مواصلات ومبسوط جدا عشان انا بكره السواقة , لقيته عايز يشترى عربية جديده لأ وكمان رفض انى اركب القديمه وقالى انا افتخر ان ابنى يكون أحسن منى

          الحمد لله على كل شىء وان شاء الله ابلغكم لو ربنا وفقنى ببنت الحلال
          [SIZE="3"]◊◊ سبحان الله ◊◊ الحمد لله ◊◊ لا اله الا الله ◊◊ الله أكبر ◊◊[/SIZE]

          Comment


          • #35
            المشاركة الأصلية كتبت بواسطة punisher مشاهدة المشاركة
            الحمد لله على كل شىء
            LeitoSR سابقا

            Comment


            • #36
              المشاركة الأصلية كتبت بواسطة punisher مشاهدة المشاركة
              طبعا انا بجد عاجز عن شكركم وعلى مساعدتكم ليا وربنا يجازيكم خير على نصيحتكم ليا , فعلا انتوا ناس محترمة وربنا يكرمكم فى حياتكم ان شاء الله

              أنا فعلا محتاج أراجع نفسى فى تصرفاتى بس ده ممكن سببه قلة الخبرة والتجارب فى الدنيا

              أقسم بالله انا من تانى يوم ما خلصت أمتحانات ونزلت الشغل وبقالى دلوقتى 3 سنين مش بعمل حاجة غير انى مطحون فى الشغل لدرجة ان العمال عندنا بيقولولى انتا اللى زيك المفروض يقعد على مكتب وميعملش فى نفسه كده , انا فعلا صعبت عليا نفسى لما لقيتها بتقولى قومسيونجى ومحسسانى انى عيل سييس اصلا

              هما الدين عندهم شكله مظاهر , صوم وصلاة وتراويح وتهجد وعمرة وحج بس على ارض الواقع مهتمين بالمظاهر والفلوس وبس , لا فى مراعاة ان هى كانت ممكن ترتبط بواحد محترم وفى سنها ولا بعرف بنات ولا سجاير ولا أى حاجة ... انا طلعت خيبة أوى والله

              وانا أول ما اتخرجت والدى كان مصمم يشترى عربية ليا وانا رفضت وقلتله انا اللى عايزه منك هى الشقة وغير كده انا هقوم بكل حاجة , والحمد لله اشترالى الشقة اللى بتمناها من سنتين , لأ و سبحان الله انا كنت سايبله العربية ومقضى مشاويرى فى مواصلات ومبسوط جدا عشان انا بكره السواقة , لقيته عايز يشترى عربية جديده لأ وكمان رفض انى اركب القديمه وقالى انا افتخر ان ابنى يكون أحسن منى

              الحمد لله على كل شىء وان شاء الله ابلغكم لو ربنا وفقنى ببنت الحلال
              بص يا اخي انت عارف حل اللي انت فيه دا اييييه ؟؟؟
              انك تلاقي واحده غير البنت دي وتكون فيها مواصفات احسن منها هتلاقي نفسك حبيتها ونسيت الاولانيه بل هتكون اتمسحت بأستيكه من ذاكرتك ولو شوفتها في طريقك مش هتأثر فيك خالص ولا حتى هتعود للذكريات صدقني والله الموضوع دا تافه جدا قصدي على الحب يعني مفيش حاجه اسمها حب بس احنا ربنا بيعمينا عن حاجات كتير
              انا عن نفسي عايز اتجوز للعفه فقط ولاشباع الغريزه فقططط انما انا جنس الحريم دا بكره جدا جنس ملعون
              الواحد لو يعرف يعيش من غير جواز مكانش اتأخر بس هنعمل ايه سنه الحياه

              Comment


              • #37
                المشاركة الأصلية كتبت بواسطة prof2013 مشاهدة المشاركة
                بص يا اخي انت عارف حل اللي انت فيه دا اييييه ؟؟؟
                انك تلاقي واحده غير البنت دي وتكون فيها مواصفات احسن منها هتلاقي نفسك حبيتها ونسيت الاولانيه بل هتكون اتمسحت بأستيكه من ذاكرتك ولو شوفتها في طريقك مش هتأثر فيك خالص ولا حتى هتعود للذكريات صدقني والله الموضوع دا تافه جدا قصدي على الحب يعني مفيش حاجه اسمها حب بس احنا ربنا بيعمينا عن حاجات كتير
                انا عن نفسي عايز اتجوز للعفه فقط ولاشباع الغريزه فقططط انما انا جنس الحريم دا بكره جدا جنس ملعون
                الواحد لو يعرف يعيش من غير جواز مكانش اتأخر بس هنعمل ايه سنه الحياه

                معلش مش فاهمك ياعنى ايه جنس ملعون
                اسمحلى ياعنى والدتك واختك دول حضرتك بتتعمال معاهم ازاى بس
                انا مش قصدى طبعا انى اهينهم حضرتك اللى بتهين الجنس كله
                وياسيدى مدام هو ملعون انت ايه اللى يخليك تتجوز وتدفع دم قلبك من فلوس ووقت ومجهود مع واحده ملعونه عيش لوحدك احسن
                وكلامى مش بينفى ان الستات دماغهم صغيييييييييييييييييييييييييييييره ومابيجيش من وراهم غير وجع الدماغ بس باردوا ماينفعش نعيش من غيرهم
                تقبل كلامى

                Comment


                • #38
                  المشاركة الأصلية كتبت بواسطة midoabdeen مشاهدة المشاركة
                  معلش مش فاهمك ياعنى ايه جنس ملعون
                  اسمحلى ياعنى والدتك واختك دول حضرتك بتتعمال معاهم ازاى بس
                  انا مش قصدى طبعا انى اهينهم حضرتك اللى بتهين الجنس كله
                  وياسيدى مدام هو ملعون انت ايه اللى يخليك تتجوز وتدفع دم قلبك من فلوس ووقت ومجهود مع واحده ملعونه عيش لوحدك احسن
                  وكلامى مش بينفى ان الستات دماغهم صغيييييييييييييييييييييييييييييره ومابيجيش من وراهم غير وجع الدماغ بس باردوا ماينفعش نعيش من غيرهم
                  تقبل كلامى
                  بتعامل معاهم بجفاف ... وبعدين انا كلامي مفيهوش تناقضات انا قولت اني بكرهم كمعامله لكن هما في نظري عباره عن مكنه تفريغ ليس الا ههههههه زي ما قال قسيس مسيحي قبل كده بس طبعا قال افظع من كده بس انا اقتبست كلمه مكنه تفريغ دي من الجمله وبلاش الباقي بقى

                  Comment


                  • #39
                    المشاركة الأصلية كتبت بواسطة punisher مشاهدة المشاركة
                    انا فعلا صعبت عليا نفسى لما لقيتها بتقولى قومسيونجى ومحسسانى انى عيل سييس اصلا

                    ايه يا عم ؟؟؟؟ صعبت عليك نفسك ليه


                    خلاص بسيطة

                    روح اشتغل في شركة و اصرف المرتب عالمواصلات و الاكل و اللبس بتوع الشغل

                    و مدير تيت يبيع و يشتري فيك

                    و ممكن في اي وقت تترفد برضه


                    صعبان عليك نفسك ايه؟؟؟؟؟؟؟؟؟ يا عم الله يبارك لك نص الناس هنا و اولهم انا نتمنى نشتغل زيك اللهم لا حسد


                    صاحب عمل حر و تاجر و قرشك بتاعك ..... على فكرة انا مقتنع ان التجارة دي talent ما ينفعش تتعلمها زي الحس الفني ما ينفعش يتعلم


                    بس هي الحريم مخها ناقص و بيحبوا ينتقصوا من اي حد ....... العيب بقى انك تصعب عليك نفسك عشان كلام اهبل زي ده


                    انا مرة اترفضت من ام العروسة عشان طويل و تخين و اسمراني (و بالحرف البنت قالت لامها و ايه يعني يا ماما السمار في الولاد احلى تقول لها ما هو كله بيطلع في العيال........ مانا رايح اخطب بنت هتلر !!!!!!!) و راسي كبيرة ........ و الله العظيم زي ما باقول لك .......


                    اللي ما يشيلكش على راسه ما تحطوش على جزمتك و ما تضايقش نفسك بكلامه


                    اجمد
                    [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

                    [URL="https://goo.gl/30fu9U"]Registered Migration Agent - MARN 1575106[/URL]
                    [/COLOR][/CENTER][/SIZE]

                    Comment


                    • #40
                      اللي ضايقني قلة التقدير
                      الواحد طالع عينه وفي الاخر تجيلي واحده تقولي اشتغل في مكتب محاسبه ولا افتح مكتب استيراد واللي يغيظ ان هي من الاول عارفه انا بشتغل ايه وابوها سال عني في الشغل
                      عالم مريضه
                      [SIZE="3"]◊◊ سبحان الله ◊◊ الحمد لله ◊◊ لا اله الا الله ◊◊ الله أكبر ◊◊[/SIZE]

                      Comment


                      • #41
                        انا لو مليش كلمه على البنت قبل الجواز يباه هعيش قرطاس معاها بعد الجواز
                        اللى انت بتحكى فيه ده عشته كتير وللاسف دى الاغلبيه الكاسحه خصوصا من البنات اللى الدين عندها مش واخد حيز كبير ف حياتها..
                        التجارب كلها فاشله..حتى لو بتحبك وسمعت كلامك النهارده بكره هتمشى كلامها برضه
                        خد معاها موقف قوى انك لو محستش ان كلامك مسموع وله قيمه يباه تدور على واحد تانى يملى عينها او تركبه باه براحتها..انما انت ترفض انك تكون ف حياتها طرطور..
                        اصلا بعيد عن الدين تماما..انت من حقك تغير عليها انها تنشر صور ليها او انها تضيف زمايلها من الفيسبوك حتى لو انت مش مسلم اصلا!

                        Comment


                        • #42
                          هو حضرتك الموضوع انتهي وكمان انا بعتلها الرساله وهي مردتش فا كده هي كمان مش باقيه
                          [SIZE="3"]◊◊ سبحان الله ◊◊ الحمد لله ◊◊ لا اله الا الله ◊◊ الله أكبر ◊◊[/SIZE]

                          Comment


                          • #43
                            المشاركة الأصلية كتبت بواسطة punisher مشاهدة المشاركة
                            هو حضرتك الموضوع انتهي وكمان انا بعتلها الرساله وهي مردتش فا كده هي كمان مش باقيه
                            انا مليـــــــــــــــــش دعوة بالليلة ده ولا بالمسج اللي اتبعتت ده ههههههههههههههه. لو الحكومة كبست انا مقولتش حاجة.

                            جد بقي : فوكك بقي واشتري دماغك من الحوار ده كله وابدء بداية جديدة وركز في شغلك هو اللي بقيلك وهيعليك في نظر الكل. واللي بتتنطط النهاردة بكرة هتيجي زحف من الندم.

                            ملاحظة: اوعااااااااااا هي ترد بعد كام يوم وتتنحنحلك وتخليك تجيب ورا.

                            عيييييييييييييش يامعلم حياتك . ده الدنيا فانية.

                            خود فيشار

                            Comment


                            • #44
                              يا راجل دا انتا اللي سخنتني :)

                              والله يا باشا انا مليش غير شغلي وحتي صحابي كلهم مسافرين ومفيش غير واحد بس اللي بخرج معاه يعني من البيت للشغل والعكس

                              هي مش هترد يا كبير انا متاكد من كده... الكبرياء لما بيتضخم وعزه النفس اني اكتر من مره اجيب سيرة اننا منكملش لا يمكن هتقدر تتكلم

                              انا اللي عايز افهمه ان دي عندها 27 سنه، هل فرصه انها تلاقي حد في سنها دي ممكن تتكرر!!! ولا تستني حد 35 سنه يديها بالقديمة؟؟

                              علي راي صاحبي قالي اختي فضلت تتعوج ودلوقتي مش لاقية جواز وهما بيشوفوا نفسهم لغايه 28 سنة بعد كده بيتكسروا
                              [SIZE="3"]◊◊ سبحان الله ◊◊ الحمد لله ◊◊ لا اله الا الله ◊◊ الله أكبر ◊◊[/SIZE]

                              Comment


                              • #45
                                الفشار ده لو بالكراميل انا اجيلك دلوقتي
                                [SIZE="3"]◊◊ سبحان الله ◊◊ الحمد لله ◊◊ لا اله الا الله ◊◊ الله أكبر ◊◊[/SIZE]

                                Comment

                                Working...
                                X