الاس فور جوة المية :(

[amrrashed]

السلام عليكم يا جماعة الخير

واحد صاحبي لسة جايب الاس فور نسي انه في جيبه وراح ناطط في حمام السباحة ... طبعا الجهاز مبيقومش وداه التوكيل ورمردوش يشتغلوا فيه ... غالبا بوردة ... حد يعرف حد محترم يصلحه غير التوكيل في القاهرة

[Haitham Basha]

لا حول و لا قوة إلا بالله حصلت معايا قبل كده بس الكلام ده في البحر في الساحل و طبعاً التلفون بخ بخ لأنو كان الكلام ده أيام النوكيا الباندا يا باشا ... شوف يا معلم عندم في واحد شاطر جداً و أسعارو هايله جداً أمام أسواق عبدالعزيز الي في مدينة نصر خلف النادي الأهلي ...

[RAPID]

شارع العطار هو الحل ان شاء الله

[Ahmod]

ازاي التوكيل مارضيش يشتغل فيه ؟ يعني حتى ولو مش هيتصلح تبع الضمان يصلحه في التوكيل افضل واحسن

الموبايل لسه جديد وبلاش توديه لحد مش فاهم ويلعب فيه خصوصا انه غالي

[amrrashed]

فين يا باشا شارع العطار اللي في شبرا ؟ عند مين طيب وشكرا

[hameedo]

جرب الموضوع ده بينفع فى حالات كتير خصوصا لو الموبايل مقعدش كتير فى المياه

فك البطارية منه وغطس الموبايل والبطارية فى علبة فيها رز كتير بس المهم يكونوا مدفونين فى وسط الرز وخليهم كدة لمدة يوم او يومين بعدين سمى الله وجرب تشغله

الفكرة ان الرز ممتص قوى جدا للرطوبة بس بياخد وقته شوية

[Rsarabia]

خليه يفك البطارية و سيبه فى الشمس يومين تلاتة
طبعا هتخلى الشمس مواجهه للبوردة مش للشاشة
جربتها فى تليفون نوكيا قبل كدا و اشتغل بدون اى مشاكل :)

[mohammedabdallh]

90فى الميه الجهاز كدا شكرا
الحل طبعا بورده ومش هتلاقيها دلوقتى اهدى شويه

[amrrashed]

شكرا يا جماعة علي ردودكم بس الموضوع بقاله ١٠ ايام عادي موضوع الرز والشمس ده ؟

[RAPID]

فين يا باشا شارع العطار اللي في شبرا ؟ عند مين طيب وشكرا

فى العتبة تانى شمال من شارع محمد على

[SHNORY]

10 ايام ؟؟
ربنا يعوض عليكم
اللي يقع منه جهاز في الميه بعد كده يشيل منه البطاريه ويغسله بميه حنفيه لو كان وقع في ميه بحر
وبعدها يبقي يحاول ينشفه ولا يوديه لمركز صيانه
يحطه يوم في الشمس تنقحه بقي او يحطه في رز مع اني مش مقتنع بموضوع الرز ده
بس ميحاولش يوصله باي كهربا ولا يحط البطاريه علطول كده

[Dr.Mostafa Anwar]

في بره مجموعة بتتباع لموضوع وقوع الموبايالات في المياه

بتكون عبارة عن كيس بقفل بلاستيك ومادة كيماوية بتتفرغ جوه الكيس مع الموبايل اللي وقع في المياه

وبينقذ تليفونات كتير جدا ...

عندنا في مصر ... ارميه في الزبالة يا باشا واستعوض ربنا ..

[hameedo]

شوف موضوع الرز على اليوتيوب وهيجيلك كلامى غير كدة دور على الخصائص الكيميائية للرز وبرضه هيوصلك كلامى وان شاء الله خير وماتزعلش نفسك الحمد لله على كل شىء