السيجارة الإلكترونية

[eng.salama93]

حد هنا يا جماعة جرب السيجارة الإلكترونية !! و هل هي كويسة او نفس طعم السجاير العادية ؟؟
انا بتكلم عليهم عموما من أول ام 40 جنيه اللي ف العتبه لحد الحاجات الغالية

[Bassem Youssef]

متابع

[mastr_n]

ريحتها صعبة جدااااااا حتى ألاورجينال بجد وحشة عن تجربة

[rotanamasoud]

انا مبشربش سجاير ولاكن كانت مع واحد صحبى وخدت نفسين فمش حقدر اقولك هى ايه لجهلى بالسجاير العاديه

[eng.salama93]

انا مبشربش سجاير ولاكن كانت مع واحد صحبى وخدت نفسين فمش حقدر اقولك هى ايه لجهلى بالسجاير العاديه

طيب ممكن تسألي صاحبك دا عشان انا بفكر اجيبها !!

[eng.salama93]

ريحتها صعبة جدااااااا حتى ألاورجينال بجد وحشة عن تجربة

يعني مجبهاش و أكمل سجاير ...
دول بيقولوا انها ملهاش ريحه أصلا

[mastr_n]

يعني مجبهاش و أكمل سجاير ...
دول بيقولوا انها ملهاش ريحه أصلا

استحالة اقولك كمل سجاير طبعا
وانا لما كنت بشرب سجاير كان فى واحد بيشربها جمبى وكان امريكى يعنى اكيد اصلى بصراحة شمتها كنت هاجيب اللى فى معدتى ريحتها صعبة مش عارف انا ماجربتهاش خالص وممكن تكون بنكهات مختلفة

على فكرة انا بطلت سجايربقالى اسبوعينالحمد للة بعد حوالى 18 سنة بمعدل علبة فى اليوم وبفضل اللة بطلت بدون اى وسيلة مساعدة لا دوا ولا لبان وعلى فكرة انا بطلت كتير ورجعت بس المرة دية ان شاء اللة مش راجع تانى انا حاسس ان اتولدت من جديد مافيش نهجان مافيش كحة بقيت اكل حاسس ان الواحد بقى انضف
انت لو عايز تبطل اخلص النية وادعى ربنا من قلبك وابعد عنها وعن اى شىء يفكرك بيها
أول اسبوع لو مسكت نفسك مش هاتفكر فيها تانى
وربنا معاك ويتوب عليك منها

[Amr_tika88]

انا واحد صاحبي جابها من سيتي ستارز نفس طعم السجاير العادية في بالمارلبورو وفي باال ام وكده

[eng.salama93]

انا واحد صاحبي جابها من سيتي ستارز نفس طعم السجاير العادية في بالمارلبورو وفي باال ام وكده

طيب ممكن تسألهولي بكام و من أنهي محل !! معلش انا محتاجلها اوي

[eng.salama93]

استحالة اقولك كمل سجاير طبعا
وانا لما كنت بشرب سجاير كان فى واحد بيشربها جمبى وكان امريكى يعنى اكيد اصلى بصراحة شمتها كنت هاجيب اللى فى معدتى ريحتها صعبة مش عارف انا ماجربتهاش خالص وممكن تكون بنكهات مختلفة

على فكرة انا بطلت سجايربقالى اسبوعينالحمد لله بعد حوالى 18 سنة بمعدل علبة فى اليوم وبفضل الله بطلت بدون اى وسيلة مساعدة لا دوا ولا لبان وعلى فكرة انا بطلت كتير ورجعت بس المرة دية ان شاء الله مش راجع تانى انا حاسس ان اتولدت من جديد مافيش نهجان مافيش كحة بقيت اكل حاسس ان الواحد بقى انضف
انت لو عايز تبطل اخلص النية وادعى ربنا من قلبك وابعد عنها وعن اى شىء يفكرك بيها
أول اسبوع لو مسكت نفسك مش هاتفكر فيها تانى
وربنا معاك ويتوب عليك منها

للأسف لو بعدت عن السجاير يبقي هستغني عن العربية و السواقه و هبعد عن نسبه كبيرة من أصحابي
مش هقدر ابعد عنها
انا حاولت ابطل كتير جدا بس انا من النوع العصبي و مكتئب دايما فا صعب اني ابعد عنها
انا بحاول دلوقتي اقلل من اضرارها

[Amr_tika88]

انا كنت شفتها من فتره معاه وهوا قالي انه كان جايبها من سيتي ستارز بحوالي سبعين جنيه تقريبا بس منين انا معرفش بس هحاول اسال وارد عليك

[eng.salama93]

انا كنت شفتها من فتره معاه وهوا قالي انه كان جايبها من سيتي ستارز بحوالي سبعين جنيه تقريبا بس منين انا معرفش بس هحاول اسال وارد عليك

تبقي كسبت فيا ثواب كبييير اوي

[S O P H O S]

انا سمعت من دراسات انها مضرة بردوا
ياريت تتأكد قبل ما تشتري
والله اعلم

[ابو لؤى]

ريحتها عامله زى الشياط خليك فى السجاير العاديه احلى ويسلام على كبايه شاى معاها بقى ههههههه

بهزر طبعا عايز تبطل بطل منغير السجاره الالكترونيه لانها اصلا كل خمس دقايق عايزه تتشحن وريحتها وحشه اوى عامله زى البلاستيك المحروق

[AFT]

جيتلي في ملعبي يا باشا :)
انا بستعملها بقالي سنه اهو وماشيه معايا زي الفل ,,,,,,
من شركة intellecig انجليزي 100*100 ولا ليها ريحه ولا اي حاجه ,,,,,انا اصلا بشربها في المكتب عادي رغم منع التدخين

هي غاليه شويه ومتعبه في الاستعمال .,,,,,لأنك بتحتاج تشحن البطاريه مره او مرتين في اليوم على حسب الاستعمال ( بتتشحن في ساعتين ) وكمان بتحتاج تملا الفلاتر نيكوتين لما تخلص.

- 5 فلاتر ب 60 جنيه ودول بيتملوا النيكوتين السائل بتاعهم.
- السخان وده ب 200 جنيه. ( وده كل 3 - 4 اشهر بيبوظ وتشتري غيره )
- البطاريه ب 200 جنيه. ( بتعيش اكتر من السخان وممكن تجيب 2 تبدل فيهم وقت الشحن :)
- الشاحن ب 60 جنيه تقريبا.
- علبة النيكوتين السائل ب 120 جنيه وده اكتر حاجه الواحد بيشتريها وفيه منها كذا تركيز:
1.5% وده خفيفه اوي
3% وده اللي انا بستعملها ( قريبه جدا من المارلبورو الابيض )
4.5% وده زي الاحمر ,,,,,,,
وكل التركيزات ده فيها من طعم ساده regular وده زى السجاير بالظبط ومالوش اى ريحه تماما
و rich وده تحس كده انه مسكر شويه وليه ريحه بسييييييطه جدا بس حلوه ( شبه غزل البنات بس خفيفه اوي)

انا من ساعة ما جبتها قللت السجاير جداااا ( 3- 4 في اليوم بالكتير ) وجاتلي فتره بطلت خالص بس الكسل خلاني احافظ على سيجارتين تلاته في اليوم .
بس خاللي بالك زى ماقلتلك هي ممله شويه في الاستعمال ,,,,انا كنت جايبها مع 4 من صحابي,,, كلهم رموها بعد شهر بالكتير عشان زهقوا من الشحن وملي الفلاتر ,,,,بس انا مسكت فيها واديني مكمل :)

ده السايت بتاعهم : The First Electronic Cigarettes in Egypt
مكتبهم في المهندسين في شارع شهاب وليهم ستاند في سيتي ستارز وعندهم ديليفري كمان :)

اخر حاجه بقى ,,,,,انا مجربتش اى نوع تاني عشان اقدر افيدك في مقارنتهم,,,, بس انا اسمع ان فيه انواع امريكي,,,وان فيه حاجات جديده ( حجمها كبير ) والمفروض تعيش اكتر بس معرفش نوعهم ,,,
بس intellicig قالوا انهم هايجيبوها قريب :)