عايز اروح اسكندرية بكره

[Medicalist]

السلام عليكم
انا عايز اروح بكره اسكندريه
الطريق الدولى اخباره ايه ؟
و تنصحونى انزل فين فندق او شقه كويسه يومين اتنين بس ؟
و اليومين دول اقضيهم ازاى انا مش خبره اوى فى اسكندريه

[محمد مجدى]

هاتنورنا فى اسكندرية :)
دلوقتى مش هاتلاقى اسعار الفنادق والشقق غالية لان دلوقتى موسم مدارس
والفندق اللى هاتنزل فيه هايبقى على حسب انت هاتبقى عايز تبقى فين فى اسكندرية ؟ اسكندرية كلها فنادق بس المهم انت تكون عايز تنزل فى انهى فندق

اخوك من اسكندرية :)

[محمد مجدى]

نصيحتى الشخصية عليك وعلى المندرة بحر

[Medicalist]

ربنا يخليك يا باشا منوره بوجودك
انا تقريبا ما اعرفش حاجه عن اسكندريه
جيتها مره من سنه يوم و لفيت كتير وماكنتش فاهم اى حاجه فى اى حاجه
لو ممكن تنصحنى كمبتدأ بالاماكن والفنادق دى فين

[محمد مجدى]

ربنا يخليك يا باشا منوره بوجودك
انا تقريبا ما اعرفش حاجه عن اسكندريه
جيتها مره من سنه يوم و لفيت كتير وماكنتش فاهم اى حاجه فى اى حاجه
لو ممكن تنصحنى كمبتدأ بالاماكن والفنادق دى فين

عندك فندق القوات المسلحة اللى فى المندرة على البحر ده جنب فندق شيراتون بالظبط

فيه كمان فندق تانى جنب فتح الله المنتزه لازق فيه على طول بس مش عارف اسمه ايه بس هو عموما قريب من فندق القوات المسلحة اللى بقولك عليه

هو انا اخترت لك المنطقة دى ليه ؟ لانها تعتبر امان خصوصا فى وقت حظر التجول + ان هايبقى جنبك المنتزه والمعمورة لو حبيت تدخل اى واحدة فيهم علشان تتفسح

خصوصا ان مثلا المعمورة بتبقى فاتحة عادى والكافيهات شغالة عادى وقت الحظر ولا كأن فيه اى حاجة

[Medicalist]

طب ما عندكش فكرة عن اسعاره او ارقام تليفوناته

[محمد مجدى]

هاتصل ليك بفندق القوات المسلحة دلوقتى واعرفلك اسعاره وارد عليك

[Medicalist]

يا باشا ما نتحرمش منك مش عارف اقولك ايه ربنا يجازيك خير

[محمد مجدى]

يا باشا ما نتحرمش منك مش عارف اقولك ايه ربنا يجازيك خير

ولا يهمك ياباشا

بص انا اتصلت بيهم ودى اسعارهم

شقة 3 غرف مميزة بتطل على البحر ب 360

شقة 3 غرف جانبى بتطل على البحر بس من الجنب ب 310

شقة غرفتين بحرى ب 260

شقة غرفتين قبلى ب 210

لو الاسعار عالية عليك وعايزنى اسال على فنادق تانية ليك جوه المعمورة نفسها قولى

[Medicalist]

لا يا باشا الله يخليك الاسعار معقوله بس هى نظام شقق مش غرف ؟
ودى اسعار للمدنيين مش للظباط ؟
ولو ررحت فكره هحجز عادى ان شاء الله

[محمد مجدى]

لا يا باشا الله يخليك الاسعار معقوله بس هى نظام شقق مش غرف ؟
ودى اسعار للمدنيين مش للظباط ؟
ولو ررحت فكره هحجز عادى ان شاء الله

اه ياباشا دى اسعار المدنين مش الظباط

بص هو الفندق عبارة عن عمارة واخدة ناصية على البحر وجنب فندق شيراتون بالظبط ؛ يعنى مكان مميز جدا ؛ هاتنزل من الفندق تلاقى بينك وبين البحر 10 متر بالظبط ؛ مجرد انك تعدى الطريق بس

لو مشيت دقيقة واحدة هاتلاقى نفسك قدام بوابة المنتزه

لو اخدت مشروع بجنيه هاتنزل المعمورة

ورا الفندق مطعم حسنى لو تعرفه وقبله ب 100 متر مطعم قدورة لو تعرفه

قدام الفندق فيه موقف الاتوبيس الاحمر المكيف ابو دورين وده بياخد الكورنيش كله فى اسكندرية ب 3 جنيه للتذكرة

لو عايز تروح لاى حد من صحابك فى اسكندرية بتركب مشروع لو عايز

لو حتى عايز تروح العجمى لاى حد من صحابك هاتلاقى وراك موقف الاتوبيس المكيفة اللى بيوديك للعجمى (تذكرته 3 جنيه للعجمى )

جنبك فتح الله ماركت وده تقدر تشترى منه اى حاجة بسعر الجملة سواء اكل او ادوات نظافة او اى حاجة تخطر على بالك وفعلا اسعاره ارخص من بره وبيعمل عروض جامدة

[Medicalist]

اه ياباشا دى اسعار المدنين مش الظباط

بص هو الفندق عبارة عن عمارة واخدة ناصية على البحر وجنب فندق شيراتون بالظبط ؛ يعنى مكان مميز جدا ؛ هاتنزل من الفندق تلاقى بينك وبين البحر 10 متر بالظبط ؛ مجرد انك تعدى الطريق بس

لو مشيت دقيقة واحدة هاتلاقى نفسك قدام بوابة المنتزه

لو اخدت مشروع بجنيه هاتنزل المعمورة

ورا الفندق مطعم حسنى لو تعرفه وقبله ب 100 متر مطعم قدورة لو تعرفه

قدام الفندق فيه موقف الاتوبيس الاحمر المكيف ابو دورين وده بياخد الكورنيش كله فى اسكندرية ب 3 جنيه للتذكرة

لو عايز تروح لاى حد من صحابك فى اسكندرية بتركب مشروع لو عايز

لو حتى عايز تروح العجمى لاى حد من صحابك هاتلاقى وراك موقف الاتوبيس المكيفة اللى بيوديك للعجمى (تذكرته 3 جنيه للعجمى )

جنبك فتح الله ماركت وده تقدر تشترى منه اى حاجة بسعر الجملة سواء اكل او ادوات نظافة او اى حاجة تخطر على بالك وفعلا اسعاره ارخص من بره وبيعمل عروض جامدة

مش عارف اقولك ايه بجد جزاك الله خيرا يا استاذ محمد
ربنا يخليك يا باشا

[RAPID]

صدق اللى قال الاسكندرانية اجدع ناس

[محمد مجدى]

مش عارف اقولك ايه بجد جزاك الله خيرا يا استاذ محمد
ربنا يخليك يا باشا

العفو ياباشا على ايه تحت امرك

[محمد مجدى]

صدق اللى قال الاسكندرانية اجدع ناس

ده والله من ذوقك بجد :)