إعـــــــلان

**Ahmed_selmy** · 14-09-2013, 06:44 PM

انا واحد قريبى عمل حاجه مشابهه وكان تقريبا ضرس عقل

**Y a r i s** · 14-09-2013, 07:36 PM

متخفش ده بيبقى ضرس العقل بيبقى مدفون ومش راضي يطلع. غير بطلوع الروح
فلا تقلق. بيعملولك اشعة بانورما. لمكان الضرس وبيبنج بنج موضوعي ويبتدي يجيب شاكوس وئجنة ويدق دقات طبية ويبتدي يطلع الضرس شوية شوية. وبعد ما يطلعوا يقلك اتمض مض. وخلاص على كده ...

المهم. خلي بالك لمن تروح عند اي دكتور اسنان. علشان يخلعهولك وقالك ده في ضرس مسوس او في سن مش عارف فيه ايه (( والدكتور عاوز يفتح شغل )). قلوا انشاء الله بعدين بعدين حاكم لو سيبت بوقك للدكتور هتبص تلاقيه عملك شغل بعشر تلاف جنية وانتا قاعد ياعيني متبنج على الكرسي ... وبالشفا انشاء الله ومعافا. ... وفي انتظار تقولينا تكاليف. خلع ضرس العقل المدفون بقت كام حالياً . ... وتحياتي

اه ومتنساش تكون واكل وشبعان قبل ما تروح عند الدكتور علشان مش هينفع تاكول. بعد العملية. لتاني يوم

**Bassem Youssef** · 14-09-2013, 08:53 PM

استاذ ايجيبتاوي

ان شاء الله الموضوع بسيط و ليس به اي خطوره فتلك ليس عمليه قلب مفتوح :)
و لكن يجب الذهاب لطبيب مخضرم ذو سمعه طيبه و عياده نظيفه
اهم شئ النظافه حتي لا يتم التقاط اي عدوي بعد الشر
و ان شاء الله العمليه تتم بدون اي الم

تحياتي

**egyptawy2010** · 14-09-2013, 10:10 PM

شكرا يارجالة وجزاكم الله كل خير

**amz2011** · 14-09-2013, 10:33 PM

المشاركة الأصلية كتبت بواسطة y a r i s مشاهدة المشاركة

متخفش ده بيبقى ضرس العقل بيبقى مدفون ومش راضي يطلع. غير بطلوع الروح
فلا تقلق. بيعملولك اشعة بانورما. لمكان الضرس وبيبنج بنج موضوعي ويبتدي يجيب شاكوس وئجنة ويدق دقات طبية ويبتدي يطلع الضرس شوية شوية. وبعد ما يطلعوا يقلك اتمض مض. وخلاص على كده ...

المهم. خلي بالك لمن تروح عند اي دكتور اسنان. علشان يخلعهولك وقالك ده في ضرس مسوس او في سن مش عارف فيه ايه (( والدكتور عاوز يفتح شغل )). قلوا إن شاء الله بعدين بعدين حاكم لو سيبت بوقك للدكتور هتبص تلاقيه عملك شغل بعشر تلاف جنية وانتا قاعد ياعيني متبنج على الكرسي ... وبالشفا إن شاء الله ومعافا. ... وفي انتظار تقولينا تكاليف. خلع ضرس العقل المدفون بقت كام حالياً . ... وتحياتي

اه ومتنساش تكون واكل وشبعان قبل ما تروح عند الدكتور علشان مش هينفع تاكول. بعد العملية. لتاني يوم

انا روحت لدكتور عملى طربوش على درس كان ركب عليه طاربوش اصلا المهم قالى هحشيه من تانى و اركب طربوش جديد و الدرس اللى قدامة مسوس
و السنان عايزه تتنضف و دفعنى 1800 طلع ان كل الداكتره بتوع الاسنان بيفتحو شغل زى اى صنايعى او مكيانيكى سيارات

**3ateef** · 14-09-2013, 10:59 PM

المشاركة الأصلية كتبت بواسطة y a r i s مشاهدة المشاركة

متخفش ده بيبقى ضرس العقل بيبقى مدفون ومش راضي يطلع. غير بطلوع الروح
فلا تقلق. بيعملولك اشعة بانورما. لمكان الضرس وبيبنج بنج موضوعي ويبتدي يجيب شاكوس وئجنة ويدق دقات طبية ويبتدي يطلع الضرس شوية شوية. وبعد ما يطلعوا يقلك اتمض مض. وخلاص على كده ...

المهم. خلي بالك لمن تروح عند اي دكتور اسنان. علشان يخلعهولك وقالك ده في ضرس مسوس او في سن مش عارف فيه ايه (( والدكتور عاوز يفتح شغل )). قلوا إن شاء الله بعدين بعدين حاكم لو سيبت بوقك للدكتور هتبص تلاقيه عملك شغل بعشر تلاف جنية وانتا قاعد ياعيني متبنج على الكرسي ... وبالشفا إن شاء الله ومعافا. ... وفي انتظار تقولينا تكاليف. خلع ضرس العقل المدفون بقت كام حالياً . ... وتحياتي

اه ومتنساش تكون واكل وشبعان قبل ما تروح عند الدكتور علشان مش هينفع تاكول. بعد العملية. لتاني يوم

شاكوش ويدق!
انت قديم اوى!

بالنسبة لقصة ان الدكتور يفتح شغل, فالله أعلم بالنوايا, بس "الكشف" اللى انت بتدفعه ده عشان تعرف كل كبيرة وصغيرة فى بق سيادتك محتاجة تتعمل. وعايز تعملها او لأ فده حاجة ترجعلك. بس كده كده هتروح لدكتور الاسنان عشان تعمل كل الحاجات اللى الدكتور قالك عليها وانت قلت ده عايز يفتح شغل.

المشاركة الأصلية كتبت بواسطة amz2011 مشاهدة المشاركة

انا روحت لدكتور عملى طربوش على درس كان ركب عليه طاربوش اصلا المهم قالى هحشيه من تانى و اركب طربوش جديد و الدرس اللى قدامة مسوس
و السنان عايزه تتنضف و دفعنى 1800 طلع ان كل الداكتره بتوع الاسنان بيفتحو شغل زى اى صنايعى او مكيانيكى سيارات

تشبيه "دكتور" بصنايعى او ميكانيكى (مع احترامى للجميع) تشبيه مش فى محله أبدا. والتعميم اللى فى كلامك ده ألعن وأضل.

ولو كنت انت رحت لدكتور اسنان وقالك نعمل ونعمل ونعمل وانت هزيت راسك وانت مش فاهم حاجة وقلتله اعمل, فالعيب مش على دكتور الأسنان العيب عليك انت.

ولو بتروح لدكتور أسنان غالى عليك (مع العلم ان طب الأسنان زى أى حاجة فى الدنيا فيها مستويات) فممكن تروح المستشفيات المجانية او اى عيادة رخيصة تقابلك.

تحياتى

**3ateef** · 14-09-2013, 11:15 PM

المشاركة الأصلية كتبت بواسطة egyptawy2010 مشاهدة المشاركة

سلام عليكم

ياجماعة انا عندى سن مدفون فى اللثة وتحت سن تانى والدكتور قالى لازم عملية خلع جراحى

حد جرب الموضوع ده قبل كده وياترى فيه خطورة

شكرا

خلع جراحى معناه انه هيفتح فى اللثة عشان يشيل الضرس. مش جراحة زى ما انت متصور, وزى ما العضو الفاضل قال ده مش عملية قلب مفتوح.

مفيش خطورة بأذن الله. بس فيه عوامل بتحدد الخلع هيبقى بسيط لأى درجة; زاوية الضرس ماشية مع باقى الأسنان ولا مايل فى اتجاه معين ولا جاى عمودى علي السنة اللى قدامه؟, الضرس طالع للاخر بس اللثة مغطياة ولا مدفون فى العظام واللثة مغطياه. فتحت بقك اد ايه؟. المسافة بين الضرس اللى تحت والقناة اللى بيمشى فيها العصب؟
وزى ما العضو الفاضل قال, اشعة بانوراما مع كشف الدكتور كل الاسئلة ده هتتجاوب.

والأهم من كل ده,
هل الأسنان المدفونة فى اللثة اللى عندك بتضايقك فى حاجة او بتخليك مش مرتاح وانت بتاكل او بيتحشر أكل فى المكان بتاعها؟

لو الأجابة لأ, يبقى ملهوش أى داعى انك تعمل أى حاجة فيهم.

بالتوفيق.

**monamize4** · 15-09-2013, 12:34 AM

الف سلامة يا باشا

**3ateef** · 15-09-2013, 01:54 AM

المشاركة الأصلية كتبت بواسطة dedi مشاهدة المشاركة

بعد اذن صاحب الموضوع مادمنا فتحنا فى الاسنان
اخبار التعقيم اية لانى عندى ضرس وعاوز اشيلة ومرعوب بمعنى على حسب معلوماتى افران التعقيم درجة حرارتها غير كافية و عبارة عن اشتغالة وجهاز الاوتوكلاف موش كلهم بيجيبوة ولا بيستخدموة لانة كثرة استخدام المعدات بة بتشيل الطبقة التى على العدة وثانيا مين عندة استوك بكميات كبيرة علشان يشتغل بالعدة و تانى يوم يقوم بالتعقيم ومين ممكن يضع الابر القطع الصغيرة للتعقيم
انا ترددت على 5 اطباء و شوفت العجب و هم من اقدم الكاترة و المفروض سمعتهم و مؤتمرات باستمرار صدقونى مرة شوفت ممرض لدى احدهم بيلمع المعدات فى قماشة اوسخ من البيلمع بيها السيارة وواحد تانى بامانة كان بيسخن مية و يحطها على المعدات المستعملة ياريت لوحد يفيدنا اية الحل لا توجد رقابة

معلوماتك غلط.

الافران مبقتش بتسخدم زى زمان (بانتشار) عشان الاوتوكلاف حل محلها. وبالمناسبة, درجة حرارة الأفران أعلى من درجة حرارة الاوتوكلاف. ومن اسباب قلة انتشارها ان عشان درجة حرارتها عالية فمش كل الأدوات ينفع تتحط فيها خصوصا الأدوات اللى فيها أجزاء بلاستيك.

طبقة بتتشال من على الأدوات لما بتتعقم!

موضوع التعقيم راجع لضمير كل دكتور. وبالنسبة للدكاترة اللى انت بتتكلم عنهم, مش معنى انهم قدام يبقوا كويسين. ده مش مقياس فى أى حاجة او فى أى شغل.

ريح نفسك, عيادة (نضيفة) = أدوات نضيفة.

**Y a r i s** · 15-09-2013, 05:27 AM

طب يا دكتور. عاطف. ان. دلوقتي راجع من عند دكتور
كنت رايح علشان الحشو وقع بتاع ضرسي جيه قالي : يووه يوووه يوووه ده في نفق تحت الضرس
وشوية قالي اووباااااااا ده النفق عميق عميق وواصل لحد الجدر وشوية تالته قالي يانهر ازرق ده النفق. وصل لحد العصب تحت انتا ازاي كنت ساكت عليه كل المدة دي كللها

قلتلوا في ايه يا دكتور ده انتا شوية شوية هتقلي النفق واصل لحد غزة :) المهم كلمه من هنا على كلمة من هنا فتحنا موضوع سوريا هوبا نطينا على حرب العراق هوبا قعدنا نتكلم على عبدالناصر طلع الدكتور ناصري طبعاً بما اني خر زبون في الكشف قعدت عندوا من الساعه ١٠ للساعه ١ الفجر وفضلنا نتكلم حتى واحنا واقفين على باب العيادة

المهم هو قالي عاوز يحشي العصب وهيعمل الموضوع ده على اربع جلسات. وهياخود مني ٤٠٠ جنية
فهل الي بيقول عليه الدكتور ده صح ولا لا لاني حاسس انوا. اربع جلسات كتير وهو كل جلسة هنقعد نتكلم كده ... انا حاسس بالم شديد دلوقتي ابتدى يبان وهو العصب اساساً اساساً بيتحشي ولا المفروض يتشال لو فيه تسوس !

**salodas** · 15-09-2013, 09:54 AM

المشاركة الأصلية كتبت بواسطة Y a r i s مشاهدة المشاركة

متخفش ده بيبقى ضرس العقل بيبقى مدفون ومش راضي يطلع. غير بطلوع الروح
فلا تقلق. بيعملولك اشعة بانورما. لمكان الضرس وبيبنج بنج موضوعي ويبتدي يجيب شاكوس وئجنة ويدق دقات طبية ويبتدي يطلع الضرس شوية شوية. وبعد ما يطلعوا يقلك اتمض مض. وخلاص على كده ...

المهم. خلي بالك لمن تروح عند اي دكتور اسنان. علشان يخلعهولك وقالك ده في ضرس مسوس او في سن مش عارف فيه ايه (( والدكتور عاوز يفتح شغل )). قلوا إن شاء الله بعدين بعدين حاكم لو سيبت بوقك للدكتور هتبص تلاقيه عملك شغل بعشر تلاف جنية وانتا قاعد ياعيني متبنج على الكرسي ... وبالشفا إن شاء الله ومعافا. ... وفي انتظار تقولينا تكاليف. خلع ضرس العقل المدفون بقت كام حالياً . ... وتحياتي

اه ومتنساش تكون واكل وشبعان قبل ما تروح عند الدكتور علشان مش هينفع تاكول. بعد العملية. لتاني يوم

صح جدا

Comment

Comment

Comment

إعـــــــلان

.

حد خلع ضرس مدفون

حد خلع ضرس مدفون

Comment

Comment

Comment

Comment

Comment

Comment

Comment

Comment

Comment

Comment

Comment