هيا (( نجوى كرم )) هتقدم البرنامج النهردة وابوها لسه ميت !

[Y a r i s]

البرنامج هيبدء النهردة على mbc masr
الي هو مواهب العرب. بس المسكينة. الفنانة نجوى كرم. ابوها مات من يومين
فمعقول هتقدم البرنامج وابوها لسه ميت الناس هتقول ايه !

[youtube]http://www.youtube.com/watch?v=nyTQcY661vo&sns=em[/youtube]
Najwa Karam Father's Condolences - YouTube



كان نفسي اروح واللهي اسافر لبنان. واروح اعزي نوجا
الف لابئس يانوجا ... شدي حيلك يا چي چي يا حبيبتي. الحج كرم قطع بينا كلنا.... وربنا يرحموا ويجعل مثواه الجنة. كفاية انوا جبلنا سطلانة. واميرة الغناء في الشرق الاوسط



الحقيقة. نجوى كرم من الفنانات الجميلات الي صوتها فيه البحة الجبلية الي انا شخصياً بحبها
وهي حالة لن تتكرر فنانة بجد متالقة. بتختار كلمتها بعناية ... ووجودها في برنامج عرب اوف تالنت اضافة جميلة. يكفي روحها المرحة في البرنامج ورفع. معنويات المتاسبقين ... ولا يفتني كلمتها الشهيرة (( انا حبيييييييتك )) وراح اقول إ إ إي
لكن يبقى السؤال. ازاي هتقدم البرنامج. وابوها لسه ميت !

تعازي الحارة. يا نوجا.
@@@@@@@@@@@
وتحياتي

[r0xer]

البرنامج متسجل ياصديق ومش live.

يعني قبل ما ابوها يتكل ويمشي.

فاكر انت اغنية خيروني ابن العم؟ طب فاكر هلأ جاي تصالح هلأ؟

[SHNORY]

انت لو بتاخد الي هي بتاخده
حتروح البرنامج وانت شخصيا ميت

[mohameddarwish]

البرنامج ده مش لايف

حلقه مسجله يعني

[chicobon]

في الاول و الاخر الفنان شمعة تحترق لسعادة الغير

[dedi]

انت لو بتاخد الي هي بتاخده
حتروح البرنامج وانت شخصيا ميت

صدقنى انت عسل يا شنورى

[#MAAM#]

البرنامج متسجل ياباشا ......... live لسة شوية

[monamize4]

انت لو بتاخد الي هي بتاخده
حتروح البرنامج وانت شخصيا ميت

[Bassem Youssef]

انا من متابعي عرب ايدول

متي سوف يبدأ الموسم الجديد ؟

تحياتي

[Y a r i s]

ده بدء اليوم. لكن السؤال هيا الاعادة ايمتى. لاني طول اليوم كنت بره البيت ولسه راجع اهو الساعه ٢ الفجر ياخسارة كان نفسي اشوف الجمهور وهو واقف دقيقة حداد على الحج كرم :)

[KemozTanta]

حلقات اللايف من البرنامج هتبدأ في يناير او فبراير تقريباً
كل اللي بيتعرض حاليا مسجل و البرنامج عموما اى كلام خالص ، الواحد يشوف النسخة الامريكية او الانجليزية يعرف ان العربية حاجة كدا معمولة للم الفلوس بالذات لجنة الحكم اضعف من انهم يقيموا اى موهبة اى كان حجم الموهبة دي !!!

[ahmedteam]

يا جماعه الموضوع كله عباره عن بيزنس لا فارقه معاهم مواهب ولا دياولو

القناه بتدفع ملايين لنجوم لجنه التحكيم و دى سبوبه حلوه ليهم فلوس و اقامه و شهره و جمهور

و القناه بتلم اضعاف من الاعلانات و الرعاه و الرسائل و اهو كله بيرزق و بياكل عيش

الخاسر الوحيد هو احنا لاننا مش بنتفرج للتسليه و بس للأسف

ده بقى محور احلام الشباب فى العالم العربى ازاى يغنى و يرقص و يشتهر و بس

محدش عايز يشتغل او يتعلم حاجه تنفعه او تنفع بلده و يتقدم بيها خطوه لقدام

[KemozTanta]

كنت بحترم برنامج اسمة نجوم العلوم اللي فاز بيه شاب مصري اخترع ان ممكن تشغل اى حاجة باللمس حتي الحنفيات
كان فيه افكار و ممتع الي حد ما .. وشكل المعلنيين محبوش الفكرة وعشان كدا وقف :s

[banboty]

كنت بحترم برنامج اسمة نجوم العلوم اللي فاز بيه شاب مصري اخترع ان ممكن تشغل اى حاجة باللمس حتي الحنفيات
كان فيه افكار و ممتع الي حد ما .. وشكل المعلنيين محبوش الفكرة وعشان كدا وقف :s

كان بيجي في قناة إيه

[Y a r i s]

كان بيجي في قناة إيه

كان بيطلع. برنامج نجوم العلوم على ما اعتقد ( على ابو ظبي او ام بي سي فور )) كان برنامج تحفففففففففة بجد لدرجة وانتا بتتفرج عليه تقول استحاله ده حيال علمي .

وكان اجمل برنامج كمان الي من قيمت خمس سنين. الي كان برعايت شركة بي ام دبليو. الي هو يجبو شباب رجال اعمال ويطلبوا منهم مهمات تسويقية. في ظرف ١٢ ساعه فقط. والي ميقدرش عليها يتصفى ويطلع بره المنافسة والفائز يكسب مليون دولار . ده كان تحفة ويوريك قد ايه لازم تشغل مخك لابعد مدى وتبدع طبعاً المصريين طلعو في تالت او رابع تصفية واللبناني هو الي فاز في الاخر

وكان برضوا من اجمل البرامج هو برنامج (( الرابح الاكبر )) الي بيدي الواحد امل. في الحياة ازاي تخس . اما فعلاً ان كل اهتمامات الشباب. ازاي تغني وازاي ترقص وازاي تمثل فده بيعكس. ان الهيشك بيشك بقه موهبه هههه. بس عارفين احنا في امس الحاجة. في الفترة الحالية لبرنامج ترفيه في الفترة الحالية الي السياسة. عكرت صفو مزاج الامة بحالها . ... وتحياتي