هي الا سعار بقت نار كده ليه

[aminibrahim]

والا انا بيتهيالي مش عارف كل ماروح كارفور ادفع قد كده ويطلع انك مش جايب حاجه اروح اشتري قطاعي مش نافع
كيلو البطاطس ٨ج ليه الفاصوليا الناشفه ٢٤ جنيه يا نهار ابيض
طب وبعدين في الناس اللي ماعندهاش ضمير دي

[محمد مجدى]

انا بشترى من فتح الله الجملة والاسعار عالية فيه

مابالك ببره فتح الله

وانا مشكلتى انى بحب اصرف وبعدين اقعد الطم واقول مكنش ينفع اشترى كل ده :)

[احمد المصرى]

اكتب ورقه باحتياجاتك قبل ما تروح علشان تعرف انت محتاج ايه


والاسعار كلها مش طبيعيه اطلاقا مش عارف العيب فى ايه بالظبط تقريبا العيب فى مرسى

[memo2000soft]

كل دة من جشع التجار واستغلالهم والمصيبة الاكبر ان في اي رقابة عليهم من اي جهه
حسبنا الله ونعم الوكيل

[aminibrahim]

كل دة من جشع التجار واستغلالهم والمصيبة الاكبر ان في اي رقابة عليهم من اي جهه
حسبنا الله ونعم الوكيل

رقابه ايه دا كل حاجه سايبه

[Dr.M_baz]

مفيش ضوابط للأسعار في الظروف الحاليه وللأسف الوضع هيستمر كده فتره ممكن تكون طويله .....ربنا يستر.

[saddam]

صديقي المواطن
أنا بعمل كده في سبينس أو كارفور ورقة وقلم بحضرها على مدى كام يوم بكل نواقص البيت الشهرية ومن خبراتنا كرجالة عن الستات بنبقه حافظين.اﻷسعار وبدائلها وأحط قصاد كل فقرة السعر المتوقع بتاعها وأنزل وأقول للي معايه سيبوني لوحدي ساعة أو ساعة ونص ونتقابل عالكاشير ومحدش يحط حاجة في السلة غيري وتمشي ومعاك قلم والحاسبة بتاعت موبايلك وكل حاجة تحطها تحط علامة إكس أو صح وتمشي على اللي بعديها وتيجي عند الكاشير مثلا وإنت عارف حاجتك مكلفاك كام ولما أخش عالكاشير أقله بعد إذنك مثلا لما توصل 850 مثلا إبقه إديني كلكس وبقعد مثلا شاري بتاع 25 شنطة البواب يطلع 5'مرات السلم ومحدش بيصدق كل ده بالمبلغ ده وفيه كل حاجة حتى كماليات الأكل مش بس فراخ وكبدة وسوسيس وهمبركر ورز وشاي والزيت والسمنة والزبادي والحليب والجلي والكاسترد والشيبسي والخل والقهوة وشوية بساكت و6 كيلو سكر و6 كيلو أفجاذ فراخ وشعرية ومكرونات وفاصوليا وزيتون وكام.نوع جبنة لدرجة الناس بشوفها في الطابور بتقلي إنت جايب الحاجات دي لسكان العمارة وكمان بشوف ناس وراية بيجيبوا حاجات بألف ونص متجيبش ربع باسكت وده بنسميه سوء تدبير وسوء إدارة أنا بقت ناس بتقلي عشان خاطرنا إنت إعمل شوبنج لينا جوازاتنا لما بيجيبوا أكل أسبوعين ويخلص وإنت بتجيب بيقعد شهر ونص
إمشي بتعليماتي تكسب يا صديقي المواطن حتمشي بهواك عيش حياتك وإفضل إشتكي ودمتم للنضال

[Zaki Bashkha]

يا خبر اسود كيلوا الفاصوليا بـ 24 جنية
طب نحول فلوسنا فاصوليا بدل الدولار علي كدا بقي

[mohammedabdallh]

كل حاجه بقت نار
مستهلاكات البيت انزل اشترى بنفسك ولوحدك افضل

[madyyuri]

صديقي المواطن
أنا بعمل كده في سبينس أو كارفور ورقة وقلم بحضرها على مدى كام يوم بكل نواقص البيت الشهرية ومن خبراتنا كرجالة عن الستات بنبقه حافظين.اﻷسعار وبدائلها وأحط قصاد كل فقرة السعر المتوقع بتاعها وأنزل وأقول للي معايه سيبوني لوحدي ساعة أو ساعة ونص ونتقابل عالكاشير ومحدش يحط حاجة في السلة غيري وتمشي ومعاك قلم والحاسبة بتاعت موبايلك وكل حاجة تحطها تحط علامة إكس أو صح وتمشي على اللي بعديها وتيجي عند الكاشير مثلا وإنت عارف حاجتك مكلفاك كام ولما أخش عالكاشير أقله بعد إذنك مثلا لما توصل 850 مثلا إبقه إديني كلكس وبقعد مثلا شاري بتاع 25 شنطة البواب يطلع 5'مرات السلم ومحدش بيصدق كل ده بالمبلغ ده وفيه كل حاجة حتى كماليات الأكل مش بس فراخ وكبدة وسوسيس وهمبركر ورز وشاي والزيت والسمنة والزبادي والحليب والجلي والكاسترد والشيبسي والخل والقهوة وشوية بساكت و6 كيلو سكر و6 كيلو أفجاذ فراخ وشعرية ومكرونات وفاصوليا وزيتون وكام.نوع جبنة لدرجة الناس بشوفها في الطابور بتقلي إنت جايب الحاجات دي لسكان العمارة وكمان بشوف ناس وراية بيجيبوا حاجات بألف ونص متجيبش ربع باسكت وده بنسميه سوء تدبير وسوء إدارة أنا بقت ناس بتقلي عشان خاطرنا إنت إعمل شوبنج لينا جوازاتنا لما بيجيبوا أكل أسبوعين ويخلص وإنت بتجيب بيقعد شهر ونص
إمشي بتعليماتي تكسب يا صديقي المواطن حتمشي بهواك عيش حياتك وإفضل إشتكي ودمتم للنضال

شكلك فاهم يا نصة :018a1d~146:

طيب ما تحط لنا ليستة من بتوعك بالاسعار علشان الواحد ياخد فكره ويعدل عليها حسب أحتياجاته وتبقي كسبت في ناس كتير ثواب

[mk3]

قالوا لكم اسقطوا مرسى الدنيا ترخص

متعرفوش اللى اتعمل فى سنه فى مرسى هيتعمل فيكم طول حياتكم حتى يقضى الله امرا كان مفعولا

[محمد يوسف]

واضح ان الناس مش هاين عليها نرتاح بعد قفل القسم المهبب بتاع أحوال الشارع وحايحشروا لنا السياسة فى كل تعليق حتى البطاطس

وعلى فكرة البطاطس ب 5.5جنيه بس مش 8 وقطاعى مش جملة

[hesham ahmed]

ب 5.5 بس !!!!!!
انا فاكر كنت بجيبها ب 2 جنيه

[mastr_n]

معنى انك تنزل كارفور من غير خطة مسبقة
يبقى العوض على اللة فى الفيزا والمرتب
انا معاك ان الاسعار نار واللة يكون فى عون الغلابة بجد

[محمد يوسف]

ب 5.5 بس !!!!!!
انا فاكر كنت بجيبها ب 2 جنيه

وحياتك اشتريتها وهى بجنيه ونص