محتاج وايرليس فى البيت

[midoabdeen]

السلام عليكم ورحمه الله وبركاته
انا عندى فى البيت راوتر مخرج واحد وسويتش 4 مخارج والراوتر مافيهوش وايرليس
محتاج وايرليس عندى فى البيت
اجيب راوتر تانى وابيع اللى عندى
ولا اجيب اكسس بوينت هو تقريبا ب 200ج
بس عايز اعرف الاكسس بوينت بياخد السيجنال منين ياعنى هياخد من التليفون زى الراوتر ولا هياخد من الراوتر ولا هياخد من السويتش لانه لو هياخد من التليفون او الراوتر فد مش هيبقى عملى لانى موصل لناس من السويتش معنى انى اطلع وصله من الراوتر او التليفون يبقى لازم اجيب راوتر اكبر
انا مش عارف ادفع اكتر من 200-250 ج كحد اقصى

[eng.salama93]

250 جنيه يجيبولك راوتر 4 بورت وايرليس و تحتفظ بالسويتش اللي عندك

[midoabdeen]

بس اللى اعرفه ان الاكسس بوينت بيغطى مساحه اكبر من الراوتر وكمان انا كده هخسر الراوتر والسويتش اللى عندى لانهم مش هيجيبوا حاجه اصلا

[أبو آسر]

هات أكسس بوينت وبياخد الوصلة من السويتش عادي

[mr.a]

ممم
انا معنديش معلومات على الأكسس بس عندي عن الراوتر
بص انت ممكن تجيب D-Link ب290
وممكن تجيب Tp-Link ب265
طبعا افضل الأول والتاني جميل بقالوا معايا سنتين وشويه
بس روح مكان من بيبيع باسعار كويسه عشان السعر بيختلف حسب المكان
يعني مثلا الأول موجود فراديو شاك ب335

[AhMeD EzZ]

لو محتاج حاجة مداها صغير و بسيط هات Wifi adapter و نزل برنامج Connectify هيغطيلك الشقة كلها مستريح و الموضوع مش هيكلف 70 جنيه
انا عامل كدة في البيت عندي

[m3_dolphen]

طبعا تجيب رواتر وايرلس والرواتر اللى عندك ممكن تستخدمه كسويتش

[4fun14]

انا عندى راوتر زى اللى معاك وجايبله اكسيس بوينت كان ب 250 ج على ما اتذكر tp-link من سنتين
باتنين ايريال عشان عندى ف البيت الحيطان تخينه وكانت عاملالى مشاكل مع كل الروترات الوايرلس اللى جبتهم ومداهم ضعيف.
حاليا الوايرلس عندى مغطى البيت كله وواصل للجيران كمان
الاكسس بوينت ارخص واقوى وبياخد سيجنال من الراوتر بسلك عادى..اصلا هو ده الصح لان الاكسس بوينت لو خد من الراوتر بوايرلس هيقرفك جامد

[4fun14]

لو محتاج حاجة مداها صغير و بسيط هات Wifi adapter و نزل برنامج Connectify هيغطيلك الشقة كلها مستريح و الموضوع مش هيكلف 70 جنيه
انا عامل كدة في البيت عندي

ممكن معلومات اكتر؟
يعنى الواى فاى ادابتر ده زى جهاز يتوصل بالراوتر؟
وبرنامج Connectify ده بتنزله على الكمبيوتر يعنى؟
انا اصلى معنديش اى فكرة عن الموضوع ده

[hassanin_lada]

ممكن معلومات اكتر؟
يعنى الواى فاى ادابتر ده زى جهاز يتوصل بالراوتر؟
وبرنامج Connectify ده بتنزله على الكمبيوتر يعنى؟
انا اصلى معنديش اى فكرة عن الموضوع ده

متابع

[ramyhekal]

حضرتك ممكن تجيب اكسيس او راوتر واير ليس والفرق بينهم فى التغطيه فرق شاسع الراوتر تغطيه بسيطه جدا داخل الشقه وممكن متوصلش فى كل الاماكن الاكسيس هايوصل فى كل الاتجاهات والتوصيل للأكسيس هياخد خط من السويتش زى اللى واصل لاى جهاز

[hassanin_lada]

!!