من غير تحريف ... أم المصاريف

[ashekwalaa]

أنا هنا عضو مش جديد ومش قديم لكن دايما مشاركاتي كانت قليلة نظرا لأني فاحت نفسي على قد ما أقدر في الشغل
الدنيا الحمد لله مستورة
بس طبعا .................................................. ..............................
من الآخر الظروف بعد الانقلاب المبارك مقلقة
الحمد لله
بس الواحد بيحاول يعمل اللي عليه
المصاريف بتزيد بشكل بشع ... والأسعار بشكل مفجع ... والشغل مبقاش زي الأول
فبفكر حاليا إني أدور على شغل "بعض الوقت" بارت تايم
أنا مهندس اتصالات
وعندي قابلية إني أعمل الللي ... بس أعرف هو ايه الأول
هل في حد عنده أفكار ممكن تساعدني
أو قدامه فرص للشغل
وقت الفراغ يوميا من الساعة 4 عصرا حتى آخر الليل
والسكن في مدينة نصر
منتظر ومستني واديني قاعه أهه

يرجى مراعاه الاداب العامه وإنتقاء الألفاظ القابله للعرض على صفحات المنتدى
يرجى مراجعه قواعد المنتدى
مشرف 9 ب
18/09/2013
1:46 pm

[Haitham Basha]

و الله يا باشا حاسس بيك و عارف كويس أوي الي انت بتمر فيه الواحد من يوم 25 يناير 2011 و الوضع من سيء إلى أسواء و الأسعار كل شوية تيجي و تدي الواحد بالقلم محسساني إني قتلها قتيل ... و الشغل بقه و ما ادراك ما الشغل عمال في النازل بس مفيش حاجة الواحد يقولها غير الحمد لله على كل شيء و يصبر على الي هو فيه لأن فيه ناس تانيه من 25 يناير و هما مشوهم من شغلهم و لحد النهاردة أعدين في البيت ...!!!

[ashekwalaa]

كده بقينا اتنين يا أستاذ هيثم
بس الواحد بيحاول
يمكن ربنا يحلها من عنده

[ashekwalaa]

عذرا ... ربما خانتني الألفاظ

[hossam_elwani]

كلنا هذا الرجل

[hugan]

راحه تامه من وقت الانقلاب
الحمد لله
مصاريف المدارس من الاسبوع القادم
ومش عارف اعمل ايه
ربنا يفرجها من عنده

[prof2013]

ههههههه الحمد لله اني مش متجوز كان زماني شايل الهم زيكم ربنا يقويكم

[Ahmed.Fahmy]

الحمد لله
لابنا بيكتب الرزق للانسان ساعة بساعة من قبل ما يتولد

نصيحة ليكم ولكل اللى تضرر من الحاصل فى البلد سافروا اشتغلوا بره مصر منها تعملوا قرشين زيادة لتحسين ظروف المعيشة وتدخلوا عملة صعبة للبلد تبقوا افدتم نفسكم وبلدكم

واللى يدور هيلاقى بس استعينوا بالله

بالتوفيق

[Amr_tika88]

كلنا هذا الرجل