كنت هموت وأتجوز .... وأخلف

[friendship7897]

قرأت قصة فكرتني بنفسي - وأعتقد أنها هتفكر كل واحد فينا في حاله بإختلاف الإحتياجات وتوقيتها - هسيبكم مع القصة
تقول إمرأة عاصرت الحياة دهرا :

في البداية كنت أكاد أموت لكي ( أنجح ) بالمدرسة و أدخل الجامعة !

و بعدها كنت أكاد أموت ( لأتخرج )من الجامعه و أبدأ العمل !

و بعدها كنت أسعى و أموت ( لأتزوج ) وأنجب اطفال

و بعدها كنت أموت بـِ ( انتظار ) أبنائي ليكبروا و يعملوا

فأستطيع أنا العودة إلى عملي من جديد

كبروا و عُدتُ إلى عملي

و عندها كدت أموت لكي ( أتقاعد ) !

و الآن أنا فعلاً ( أموت )
بعد أن أدركت فجأه
أنني*
نسيت أن ( أعيش ) !!

نعيش حياتنا و نحن نموت لأجل كل شيء و تأتي لحظة موتنا و كأننا لم نعِش مُطلقاً

استمتعوا بكل اللحظات
عيشوها بسعادة
اسعدوا أنفسكم بأنفسكم وابعدو عن الهم والقهر واستمتعو
فالعمر مرة واحدة
وكل يوم مضى لايعود

أكثروا من { الاستغفار }
• فمعهٌ الرزق
• والفرج
• والذريّة
• والعلم النافع
• والتيسير
• وحطّ الخطايا

استغفر الله الذي لا اله إلا هو الحيّ القيوم وأتوب إليه .

[ahmedteam]

طبعا انا عشت القصه بكل تفاصيلها لغايه المرحله اللى انا فيها دلوقتى

الحكايه بس ان الواحد فى كل مرحله بيبقى حاسس ان دى اصعب حاجه فى الدنيا و انه لما يخلصها هيرتاح

اللى صغير نفسه يكبر

اللى فى ثانوى نفسه يدخل الجامعه علشان يرتاح

اللى فى الجامعه نفسه يشتغل علشان يرتاح

اللى بيشتغل نفسه يتجوز علشان يرتاح

و هكذااااااااااااااااا الخخخخخخخخخخخ

و الحقيقه ان الانسان طول عمره هيفضل يدور على الراحه

و قال تعالى (لقد خلقنا الإنسان في كبد)

[M.ABDOU]

ببساطه الحياه كل مرحله عمريه ليها طعم غير التانى وكل مرحله ليها ايجابيتها وسلبيتها

اللى يفهم معنى الحياه كويس ويعرف هدفنا منها يستمتع بكل مرحله على حده لانها مش حتيجى تانى ابدااااااا

عقارب الساعه لا ترجع للخلف

عيش لحظتك وانتى راضى ربنا وافتكر دايما ان دوام الحال من المحاااااال

لا الوقت الكويس بيدوم ولا المشاكل بتدوم
ولا انت نفسك حتدوم

[horas3000]

و قال تعالى (لقد خلقنا الإنسان في كبد)

الخلاصه
و كنت هاكتبها

[mr_vampire]

فعلا صح وتنطبق علي كتير من الناس. انا شخصيا ممكن تنطبق عليا بس جزئيا بمعني ان في كل مرحلة بحاول اعديها ( بس مش هموووووت عشان تعدي ) لا عادي اعمل اللي عليا عدت اشطة معدتش اشطة برده.

وبفضل الله كانت بتعدي وتيجي اللي بعدها وهكذا.

فالاخر فعلا عيش حياتك ومتنساش نفسك. متخليش هدف عايز توصله هو كـــــــــل حياتك ويخليك تنسي باقي حياتك.

انتا اللي هتخسر.

[friendship7897]

( بس مش هموووووت عشان تعدي ) .

كلمة هموت دي أكسبرشن الناس أعتادت تقوله لما تكون عايزة حاجة أو نفسها في حاجة
لكن دي كناية عن شدة الإحتياج وأكيد فيها مبالغة كتير لكن أعتدنا عليها
يعني كتير أسمع بنت تقول : هموت وآكل شوكليت
أو هموت وأكل محشي - هههه

رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَدًا

[mr_vampire]

كلمة هموت دي أكسبرشن الناس أعتادت تقوله لما تكون عايزة حاجة أو نفسها في حاجة
لكن دي كناية عن شدة الإحتياج وأكيد فيها مبالغة كتير لكن أعتدنا عليها
يعني كتير أسمع بنت تقول : هموت وآكل شوكليت
أو هموت وأكل محشي - هههه

رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَدًا

منا قصدي علي هموت ده مش هموت التانية

[friendship7897]

و قال تعالى (لقد خلقنا الإنسان في كبد)

الخلاصه
و كنت هاكتبها

ونعم بالله
بس هل الدنيا تستحق هذا الصراع
ليه سقف الأمنيات أصبح عالي
وليه كل الإمنيات أصبحت بطلوع الروح
ليه الشباب والبنات مش عارفين يتجوزوا
ولو حد أتقدم لواحدة يطلع عينه على ما يوفر لها متطلباتها
ولو واحدة أتقدم لها حد كل تفكرها أزاي تكون زي بنت خلتها ولا صحبتها وعايزة أحسن منهم ، وتضغط على أهلها وعلى عريسها .

ليه ، وليه ، وليه ؟
مع العلم إن فيه كبد مش ممكن نعرف نغيره
وهي الأمراض ( لا قدر الله ) و أمراض الشيخوخة ، ومراحل الأوجاع والألأم اللي بتسبق المووت الحقيقي ، وهو دا الكبد الحقيقي اللي ما مش بأيدينا
فعلشان كدة لازم نتخلص من الكبد المفتعل
ولازم يكون عندنا حسن الظن بالله
ونتقبل الواقع بحلوته ومرارته

[friendship7897]

الحقيقة إن مافيش وقت للعيشة بسعادة أحسن من دلوقتي
لأن حياتنا مليانة تحديات
وعلشان كدة لازم نـقرر نعشها بسعادة أكبر على الرغم من كل التحديات .
كنا دائماً نقول بأن الحياة الحقيقية هي على وشك أن تبدأ .
ولكن في كل مرة تظهر لنا محنة لازم نتجاوزها
عقبة في الطريق لازم نعبورها ،
عمل لازم إنجازه ،
دَينٌ لازم دفعه ،
ووقت لازم ينتهي ، كي تبدأ الحياة
يبقى ما فيش طريق يؤدي إلى السعادة .
السعادة هي بذاتها الطريق , وعلشان كدة فاستمتع بكل لحظة
وزي ما بيقولوا :
1- السعادة هي رحلة وليست محطة تصلها

2- لا وقت أفضل كي تكون سعيداً أكثر من الآن
3- عش وتمتع باللحظة الحاضرة
وقريت إن في إحدى المسابقات في ( أولمبياد سياتل )
كان هناك تسعة متسابقين معوقون جسدياً أو عقلياً ،
وقفوا جميعاً على خط البداية لسباق 100 متر ركض .
وأنطلق مسدس بداية السباق ،
لم يستطع الكل الركض ولكن كلهم أحبوا المشاركة فيه .
وأثناء الركض إنزلق أحد المشاركين من الذكور ،
وتعرض لشقلبات متتالية فبدأ بالبكاء على المضمار .
فسمعه الثمانية الآخرون وهو يبكي .
فأبطأوا من ركضهم وبدأوا ينظرون إلى الوراء نحوه .
وتوقفوا عن الركض وعادوا إليه .. عادوا كلهم جميعاً إليه .
فجلست بجنبه فتاة منغولية ، وسألته : أتشعر الآن بتحسن ؟
فنهض الجميع ومشوا جنباً إلى جنب كلهم إلى خط النهاية معاً .
فقامت الجماهير الموجودة جميعاً وهللت وصفقت لهم ،
ودام هذا التهليل والتصفيق طويلاً .
الأشخاص الذين شاهدوا هذا ، مازالوا يتذكرونه ويقصونه ... لماذا ؟
لأننا جميعنا نعلم في دواخل نفوسنا بأن الحياة هي أكثر بكثير
من مجرد أن نحقق الفوز لأنفسنا ..

[prof2013]

افضل حاجه في الدنيا العزله التامه عن الناس والتفرغ لعباده الله ولا جواز ولا عيال ولا بطيخ بس مين اللي يقدر النعمه دي !!! مفيش طبعا كلنا بنجري ورا شهوات الدنيا اللي مش هتخلص ابدا

[S O P H O S]

موضوع رائــع بكل كلماته ..

[friendship7897]

افضل حاجه في الدنيا العزله التامه عن الناس والتفرغ لعباده الله ولا جواز ولا عيال ولا بطيخ بس مين اللي يقدر النعمه دي !!! مفيش طبعا كلنا بنجري ورا شهوات الدنيا اللي مش هتخلص ابدا

العزلة التامة !!!
أزاي يا أ/ prof2013
آه التقليل من بعض المبويحات ، وعدم الإنهماك في اللذات - ماشي
لكن نعيش في كوكب تاني !!!!
لا أعتقد إن دي تكون حياة
أنا معلش ضدك ، ومش أنا بس
ففي الصحيحين { أن نفرا من أصحاب النبي صلى الله عليه وسلم قال أحدهم : أما أنا فأصوم لا أفطر ، وقال الآخر : أما أنا فأقوم لا أنام ، وقال الآخر : أما أنا فلا أتزوج النساء ، وقال الآخر : أما أنا فلا آكل اللحم فقام النبي صلى الله عليه وسلم خطيبا فقال : ما بال رجال يقول أحدهم كذا ، وكذا لكني أصوم وأفطر وأقوم وأنام وأتزوج النساء وآكل اللحم فمن رغب عن سنتي فليس مني } .

[SHNORY]

ا
المبويحات .

انا قلبت الشاشه علشان افهم الكلمه دي وجيبت 5 اصحابي
وترجمتها بجوجل
وبرضه مش جايه معايا
هههههههههههههههههههههه

[friendship7897]

انا قلبت الشاشه علشان افهم الكلمه دي وجيبت 5 اصحابي
وترجمتها بجوجل
وبرضه مش جايه معايا
هههههههههههههههههههههه

أنا وضعت الكلمة دي - أختبار لمتابعة الأعضاء وأصحابهم وجوجل
هههههههه
وبيني وبينك أنا كمان بذلت قصاري جهدي علشان أكتبها
أنا عموماً أقصد بها ( جمع المباح )
مبروك :أنت الفائز الأول يا أ/ shnory