الجمعيات الخيرية وزكاة المال

[hobby10]

عاوزة النصيحة فى اخراج زكاة المال .. انا كنت بطلع مبلغ شهرى مع جمعية رسالة ... مؤخرا بفكر اطلع مع الاورمان فى مشروع اكفل قرية صغيرة على اساس انهم بيقولوا انهم فى المشروع ده بيغطوا كل اوجه الزكاة ال 8

السؤال هل فكرة اخراج الزكاة مع الجمعيات دى مظبوطة ؟؟ ... مين الاكثر ثقة رسالة ولا الاورمان ولا مين ؟؟

شكرا

[hobby10]

ارجو الافادة !!

[mohamed_selim]

معنديش حاجه ضد ايا منهم و شخصيا بتعامل مع رساله كتير
حاجه واحده بس تاخد بالك منها ان مرتبات الاشخاص فى الجمعيات بتبقى من الفلوس دى تحت بند العاملين عليها و دا مش غلط بس فى ناس بتتضايق و تقول انا عايز اوجه لحاجه معينه مياخدوش من الفلوس و كده ... فحبيت اوضحهالك ... الميزه فى الجمعيات الثقه ان بيكون عليها اشراف فالفلوس بتتوجه صح ....

[romieh]

انا لا اعرف عن الجهتين المذكورتين أى شئ حتى اوجه حضرتك لأى منهم

ولكن انا لى وجهة نظر (شخصية) فى موضوع الزكاة

الأقربون أولى بالمعروف

قال النبي صلى اللَّه عليه وسلم لأبي طلحة : أرى أن تجعلها في الأقربين ، رواه البخاري من حديث مالك عن إسحاق بن عبد اللَّه عن أنس قال : وقال ثابت عن أنس : قال النبي صلى اللَّه عليه وسلم لأبي طلحة : اجعله لفقراء أقاربك ، وقال الأنصاري : حدثني أبي عن ثمامة عن أنس مثل حديث ثابت : اجعلها لفقراء قرابتك ترحم ، هذا كله إذا أوقف أو أوصى لأقاربه

وفي التنزيل قُلْ مَا أَنْفَقْتُمْ مِنْ خَيْرٍ فَلِلْوَالِدَيْنِ وَالأَقْرَبِينَ سورة البقرة آية 215

وبناءاً على الكلام السابق فأنا بفضل ان اوجه الصدقات تكون دائماً للأقربين

لو عند حضرتك ناس قرايبك فقراء أو قرايب قرايبك يبقى هما أولى

أما لو ماتعرفيش حد من قرايبك يستاهل الزكاة يبقى أهل المنطقة التى تسكنى بها أولى

دورى على الجمعية الشرعية فى منطقتكم لأنهم بيكون عندهم كشوفات بأسماء أسر يتامى ومساكين والجمعية بتعمل ليهم دخل شهرى

[hobby10]

شكرا لحضراتكم .... سؤال .. هل مطلوب من المسلم اخراج الزكاة اخراج الزكاة فى جميع الوجوه الثمانية ... او وجوب تحرى ذلك ؟؟ ... (سبب تذبذبى بين الجمعيتين هو ان الاورمان تؤكد على حرصها على تحرى التوزيع بين الجهات الثمانية)

[egyptawy2010]

انا لا اعرف عن الجهتين المذكورتين أى شئ حتى اوجه حضرتك لأى منهم

ولكن انا لى وجهة نظر (شخصية) فى موضوع الزكاة

الأقربون أولى بالمعروف

قال النبي صلى اللَّه عليه وسلم لأبي طلحة : أرى أن تجعلها في الأقربين ، رواه البخاري من حديث مالك عن إسحاق بن عبد اللَّه عن أنس قال : وقال ثابت عن أنس : قال النبي صلى اللَّه عليه وسلم لأبي طلحة : اجعله لفقراء أقاربك ، وقال الأنصاري : حدثني أبي عن ثمامة عن أنس مثل حديث ثابت : اجعلها لفقراء قرابتك ترحم ، هذا كله إذا أوقف أو أوصى لأقاربه

وفي التنزيل قُلْ مَا أَنْفَقْتُمْ مِنْ خَيْرٍ فَلِلْوَالِدَيْنِ وَالأَقْرَبِينَ سورة البقرة آية 215

وبناءاً على الكلام السابق فأنا بفضل ان اوجه الصدقات تكون دائماً للأقربين

لو عند حضرتك ناس قرايبك فقراء أو قرايب قرايبك يبقى هما أولى

أما لو ماتعرفيش حد من قرايبك يستاهل الزكاة يبقى أهل المنطقة التى تسكنى بها أولى

دورى على الجمعية الشرعية فى منطقتكم لأنهم بيكون عندهم كشوفات بأسماء أسر يتامى ومساكين والجمعية بتعمل ليهم دخل شهرى

كلام جميل بس ياترى ازاى تقدر تحدد قريبك فقير ويستحق الصدقة ولا لا

يعنى لو هو موظف بياخد 1000 جنيه يكفوه اكر وشرب وبيجاهد عشان يجوز هل مساعدتك ليه نقدر نقول عليها زكاة

[mohamed_selim]

مش عايز افتى بس مصادفتش اى حاجه بتلزم اننا نطلع لل8 مصارف او تحرى ذلك
و ده من رحمة ربنا يعنى مثلا لو فى مكان انت فيه و فى مصرف مش موجود فلو كل المصارف واجبه يبقى هيبقى فى صعوبه علينا .... فبالتالى انت بتطلع للى ييجى فى سكتك .... تحرى انك تطلع فى اكثر من مصدر فى رأيى شيئ جميل و الله اعلم :)

[shaaban2008]

الأقربون أولى بالمعروف