لو عايز تشترى اى حاجه من امريكا ( حدمه مجانا )

[Ahmed Selim]

شكراً ليك على العرض

معلش سؤال....لو أنا عاوز أعرف أنا هدفع كام شحن و جمارك لحاجة هتتكلف شراء و شحن داخلي فى أمريكا 65 دولار......اعرف منين ؟

يعني هل فيه لينك أدخل فيها البيانات تطلع لي تكلفة الجمارك و الشحن الدولي ولا لأ ؟

[medokimo]

شكرا ليك بس علي فكرة التسجيل في borderlinx مجاني

[medokimo]

شكراً ليك على العرض

معلش سؤال....لو أنا عاوز أعرف أنا هدفع كام شحن و جمارك لحاجة هتتكلف شراء و شحن داخلي فى أمريكا 65 دولار......اعرف منين ؟

يعني هل فيه لينك أدخل فيها البيانات تطلع لي تكلفة الجمارك و الشحن الدولي ولا لأ ؟

https://www.borderlinx.com/tcc/

[h_shahin]

التسجيل فى بوردر لينكس مجانى يعنى ممكن أى حد من مصر هنا يسجل عندهم ببلاش و يبقى ليه عنوان أمريكى و دى فى حد ذاتها مش خدمة .

الخدمة اللى ممكن صاحب الموضوع يقدمها للأعضاء ممكن تكون فى طريقة الدفع للناس اللى معندهاش كريديت كارت أو باى بال - يعنى الناس تدفعلة الفلوس هنا فى مصر مباشرة و هو يتولى الشراء و الشحن و التسليم بس هيبقى الموضوع معتمد على الثقة بين الطرفين

[matrix_it]

معلش استفسار رخم ينفع لو اشتريت حاجة و غيرت راى ارجعها ؟؟ و لما الحاجة بتوصلهم بيراجعوها معايا ولا لا ؟

[sas5]

borderlinx

السلام عليكم ورحمه الله
انا باحذركم من هذه الشركه خالو بالكم فى كل الشركات يتم المحاسبه على الوزن
ولكن فى هذه الشركه يتم احتساب الوزن الحجمى يتم طول * عرض * ارتفاع
اشتريت بنطولنين جينز من امريكا سعرهم 57 دولار اخذ شحن وجمارك 94 دولار
ملحوظه عند حساب القيمه التقدريه قبل التعامل فى الشحن كانت تقريبا 63 دولار ولما اتدبست وشحنت مفيش تراجع .
بيحاسبنى ايضا على مصاريف وقود
الجمارك على المنسوجات 30% و10% ضريبه مبيعات
وايضا كل بنطلون طلعى الوزن الحجمى لكل واحد مختلف البنطول الاول كان مطبق اكبر من تطبيقه البنطلون الثانى فبالتالى الوزنة الحجمى اختلف.
الميزه الوحيده لهذه الشركه انك ممكن تجمع اكثر من شحنه ويتم شحنهم مع بعض.
البنطلونين بتوعى واحد وصل والثانى نسيوه فى امريكا بالرغم من الشحنه مكتوب بها عدد 2 . وقلبت الدنيا عليهم وشحنوه بعدها باربعه ايام.
يعنى الاهمال ايضا فى امريكا

[Trondo]

الوزن الحجمى فى كل شركات الشحن العالميه دلوقتى
مصاريف الزياده فى الوقود برضه على كله
موضوع انهم نسيوا بنطلون دى اللى غلطه بس كويس انهم لقوا

[sas5]

الوزن الحجمى فى كل شركات الشحن العالميه دلوقتى
مصاريف الزياده فى الوقود برضه على كله
موضوع انهم نسيوا بنطلون دى اللى غلطه بس كويس انهم لقوا

السلام عليكم ورحمه الله
الوزن الحجمى مع bordelinx فقط
shopandship انا مشترك ايضا معاهم ولاتتعامل بالوزن الحجمى بل بالوزن الفعلى للقطعه
ممكن تحرضر لك شركه شحنى ترسل لك في الاتوره وقود امال هما شغلتهم ايه انا المفروض دافع كل هذه المصاريف مره وحده يعنى لما اشحن بنطولنين ب 42 دولار هل المفروض ادفع وقود ايضا ورسم تخليص ايه هما شركه شحن وتخليص المفروض تسلمنى الى باب منزلى على العموم هذه صوره الفاتوره
البنطلونين انا وزنتهم مع بعض طلعوا كيلو وسبعمائه وخمسون جرام


Shipping from US
Invoice de......ion (1 x jeans), (1 x jeans)
Shipped weight 2.34 kg
Duty USD 30.13
Tax USD 13.06
Shipping charges USD 41.20
Fuel surcharge USD 3.30
Customs clearance charge USD 5.59
Total charges USD 93.28

[h_shahin]

أرامكس ليها مميزات و عيوب و بوردر لينكس ليها مميزات و عيوب

مميزات أرامكس
إنهم أرخص فى الشحن و بيحاسبك على الجمارك و الرسوم الفعلية

عيوب أرامكس إن التسجيل و العنوان أول مرة بفلوس و إن الشحنات لا تجمع و إنه بيطالبك بمصاريف التخليص و الجمارك بعد الشحن ووصول طلبك

مميزات بوردر لينكس إن العنوان و التسجيل مجانى
و إن الشحنات ممكن تتجمع و تتشحن مرة واحدة
و إنك بتدفع المصاريف كلها مرة واحدة و ما بيطالباكش بأى مصاريف إضافية

عيوب بوردرلنكس إن مصاريفهم أغلى
و إن الرسوم و الجمارك و مصاريف التخليص بتبقى تقديرية و غالبا أعلى من التقدير الفعلى و ما بيرجعوش الفرق

الخلاصة

لو عمليات الشراء كتير يعنى كل شهر أو أكتر يبقى إشترك فى ارامكس و مش خسارة ثمن التسجيل و الإشتراك

لو هتشترى مرة واحد و خلاص أو بين كل عملية شراء و التانية فترة كبيرة يبقى خليك فى بوردر لينكس

[S O P H O S]

مشكوررر علي روحك الطيبة

[Secret-Man]

على فكره انا اكتر من مره اكلم الصبورت الخاص ببورد لنكس فعلا ويدونى كود خصم بيعمل لحد 20 % خصم على التوتال لو شحناتك وصلت فى الشهر اكتر من 10 كيلو شحن

هى فعلا شركه غاليه جدا لكن خدمتها عاليه اوى وده القانون الى سارى فى سوق شركات الشحن العالميه او المحليه

جرب اشحن مع اى حد واسترخص هتلاقي كميه مشاكل الدنيا بتقابلك وانت مش حاسبها
والعكس صحيح

[matrix_it]

معلش استفسار رخم ينفع لو اشتريت حاجة و غيرت راى ارجعها ؟؟ و لما الحاجة بتوصلهم بيراجعوها معايا ولا لا ؟

!!!!؟؟؟؟؟؟؟

[sas5]

على فكره انا اكتر من مره اكلم الصبورت الخاص ببورد لنكس فعلا ويدونى كود خصم بيعمل لحد 20 % خصم على التوتال لو شحناتك وصلت فى الشهر اكتر من 10 كيلو شحن

هى فعلا شركه غاليه جدا لكن خدمتها عاليه اوى وده القانون الى سارى فى سوق شركات الشحن العالميه او المحليه

جرب اشحن مع اى حد واسترخص هتلاقي كميه مشاكل الدنيا بتقابلك وانت مش حاسبها
والعكس صحيح

السلام عليكم ورحمه الله
ماذا تقصد بانك تكلم السبورت بتاع بوردر لينكس ( الموجود الان فى مصر مكتب dhl )
هل هذا هو ماتقصده.
انا طبعا عايز اوضح شى انه كانت هناك شراكه استراتيجيه بين dhl & borderlinx وكانوا بيساعدونا جامد حتى فى تضبيط قيمه الفواتير ولكنه تم الانفصال بينهم
والان بوردر لينكس شركه منفصله تشحن فقط من خلال dhl
وبالتالى الذى اعرفه ان الخصومات الى كانت dhl تعملها سابقا لم تعد موجوده
واصبح مقر بوردر لينك فى امريكا بدلا من اوربا.
وايضا لى ملحوظه المفروض اننى اتعامل مع شحن سريع يعنى الفروض الشحنه تشحن خلال 24 ساعه على حد اقصى من وصولها مكتب يوردر لينكس.
ولكن فى الفتره الاخيره لاحظت عيوب فى بوردر لينكس - عندى شحنه وصلت اليهم الثامنه صباحا بتوقيت امريكا ( طبعا من خلال ubs track ) يوم الجمعه - ركنوها طوال اليوم ولم ينزلوها على السيستم الا فى اخر اليوم فى امريكا وتركوها جمعه وسبت ويوم الاحد وشحنوها يوم الاثنين اخر النهار وارسلوا لى قطعه ونسيوا القطعه الاخرى. يعنى الشحنه على اسبوعين
كلمتهم يوم الجمعه قالوا لى بما معناه انت فاكر ان شحنتك هى الوحيده التى يستلموها وهذا ليس اسلوب محترم من شركه محترمه فانا اتعامل معهم منذ 2008 وكانت الشحنه تنزل على السيستم خلال ساعه من استلامها ومفيش حاجه اسمها يومين اجازه لانها شركه شحن سريع.
ولولا اننى مسكت اعصابى كنت قلت لهم وانت عارف ان مرتبك انا الذى ادفعه لك

[aliabutaleb]

جزاك الله خيراً على حبك لمساعدة الخير بس أنا حابب أعرض تجربتي اللي كانت في منتهى السوء مع بوردرلينكس هنا

http://www.nilemotors.net/Nile/3874961958-post13.html

نصابين فهمي نظمي رسمي

[محمد مجدى]

الف شكر على ذوقك وعلى عرضك الجميل ؛ انا عندى استفسار

يعنى الحاجة هاتيجى ليا من غير محصل الجمارك مايقولى ان عليها جمرك ؟ انا جالى قبل كده هدايا من امريكا وكنت بدفع عليها جمارك