تخيلوا ان حلم عمرى انى اكون راعى غنم

[Mohyeldin1974]

صديقي المواطن
أؤيد اﻷخوة.المواطنين في هذا الموضوع بأن الحياة داخل مصر صارت جحيما أكثر منها راحة.والمشكلة.محدش فاهم كلامنا.غير ناس سافرت بره مصر غير كده حيقلك إنت بتكره البلد ودمتم للنضال
ملحوظة رعي اﻷغنام مهنة صعبة وليست سهلة وأنت معجب بصورة حياة وليس أصل تلك الحياة وكيف تكونت هذه الصورة.فأنت تريد العنب ولا تريد أن تزرعه وتتعب فيه تريد أن تأتي ساعة الحصاد فقط وده مش حينفع
ممكن.تسافر لبنان أو تركيا شهر تأجر بيت في جزيرة ياللاوا كلها وديان وشلال ومرتفعات وخضرة وسلاحف وتوت وعسل ومارس هوايتك براحتك وحتبقه مبسوط وسعيد

انا اشترطت على نفسى فرمته مخى ( اخر سطرين فى الموضوع) حتى اقبل بهذه الحياه عشان مبقاش عايش وعارف ان فى نت وموبيل وملذات وتكنولوجيا اللى مسهرانى لحد دلوقتى

[Mohyeldin1974]

ممكن تسافر إلى الداخله (12 ساعه من القاهره بالاتوبيس ) بلد جميله و أرضها منبسطه و ناس على الفطره
ولو جربت وعجبتك البلد ممكن تشترى أرض هناك

والله فكرت فى توشكا وسالت بس لقيت الموضوع محتاج حركه جريءه زى بتاعت الافلام الاجنبى انك تدخل تخبط الباب على مديرك وتقله اللى فى نفسك وتقدم استقالتك وتخرج تشم احلى هوا يدخل صدرك وتاخد شنطك وولادك وتقصد وجه كريم
وانا اعتقد ان الاصل فى الحياه هو (فسيحوا فى الارض) شوف كده اللبنانيين والسوريين بيهاجروا حتت غريبه زى غرب وشرق افريقيا اللى احنا فى مصر ميعرفش اسماء بلادها الا وزاره الخارجيه

[Mohyeldin1974]

و الله و مين سمعك ...س انا بتهيالي الكلام ده هايكون في الجنة و نعيمها يا حبيبي
هههههه
ربنا ينولك مرادك
زمان كنت متفق مع واحد صاحبي سوري اروخ اقعد عنده الصيف في سوريا اللاذقيه ... و دي للي ما يعرفش حبل و خضره و بحر
بس للاسف الظروف ما سمحتش ده الغير الوضع اللي هما فيه دلوقتي ....
اضم امنيتي لامنيتك

انا من عشاق سوريا ورحتها اكتر من ١٠ مرات والمنطقه اللى انت بتحكى عنها دى اعتقد اسمها ( كسب) على حدود تركيا وهى فعلا جنه الله فى الارض
بس فين بقه قول للزمان ارجع يا زمان سوريا قدامها بتاع ١٠٠ سنه عشان ترجع

[Mzeid]

المصيبه الاكبر ان الناس حتى المتعلمه بتعمل الغلط وهى مبسوووووطه وفرحانه وكان الفوضى وعدم احترام القانون هدف لهذا الشعب
مثال صغير بيضحكنى من الهم
لما بكون مسافر رحله طويله وفيها ترانزيت وتغيير لشركه الطيران فى مقطع معين بلاقى ان المصريين لما بيكونوا راكبين مصر للطيران بيحسسونى انهم قاعدين فى دوار العمده ونفس البشر اول مايركبوا شركه الطيران الاجنبيه المكمله للرحله بلاقيهم اتغيروا ١٨٠ درجه والتزموا بالقوانين والسلوكيات المحترمه
يبدو ان الحل الوحيد هو ان يحكمنا محتل اجنبى

فكرتني بمرة كنت راجع من كوريا و نزلت في قطر ترانزيت و ركبت طيارة قطر - مصر كانت كلها مصريين
تحس انك راكب ميكروباص

[طارق _عبد السلام]

انت قلبت المواجع على الاغلبيه واضح جدا كل اللى سافر اوروبا بالذات حاسس بالفرق الرهيب فى التعامل وفى النظام
واحترام الادميه
افتكر انى لما رجعت من المانيا قعدت اكتر من اسبوعين مش طايق اسمع حد ولا اتكلم مع اى حد الناس كلها صوتها عالى وبتتنرفز وتتخانق

انت فى مصر على مدار اليوم تحس انك فى خناقه او حلبه مصارعه مالها قوانين

[Khaled Lanos]

وأنا كمان والله نفسي اعيش يومين في الطبيعة والخضرة والجو الجميل..حياة بسيطة بجد ومش معقدة..وكفاية اني آكل الفواكه من الأرض على طول بعد ما اغسلها طبعا بدون مبيدات ولا كيماويات والعك دا..وبالذات البيطخ والمنجا هههههههه :)

[Mohyeldin1974]

والله ياجماعه فى مكانيين كنت بعشقهم ايام الكليه
المكان الاول هو دهب والكلام ده فى اواءل التسعينات فعلا مكان بكر بمعنى الكلم وكنا بنام فى الطل واكيد فى ناس هتفتكر كامب محمد على و دايما كنا بنطلع فى شهر اكتوبر عشن نغيظ اخوانا البعدا اللى كانوا بيجوا بعربياتهم دهب وطابا ايام اعيادهم فى شهر عشره
والمكان التانى هو العريش برو نفس الفتره .......كانت ايام
الايام دى دعبست على حاجه كد وسمعت ان فى منطقه سانت كاترين ممكن جدا تتفق مع بدو يطلعوك تنام فى الجبل اسبوع بعيدا عن اى مظاهر حضاره وبفكر جديا اعس ورا الموضوع ده واعمله بس اعتقد لازم جروب

[janagabr]

عايز تطلع سانت كاترين قولي علي البرنامج بتاعك وانا افيديك دانا طلعتها بعدد شعر راسي او ابعتلي علي الخاص

[janagabr]

انا من عشاق سوريا ورحتها اكتر من ١٠ مرات والمنطقه اللى انت بتحكى عنها دى اعتقد اسمها ( كسب) على حدود تركيا وهى فعلا جنه الله فى الارض
بس فين بقه قول للزمان ارجع يا زمان سوريا قدامها بتاع ١٠٠ سنه عشان ترجع

كيفك خييي اشتقنالك والله سوريا حلوة كتير عندي زلمة في كفرنبل عنده منحل عسل كنا بنقول دايما بدك العنب ولا الناطور ههههههه اقعد حسرني علي نفسي وعلي قراري برجوعي مصر بعد ما طوب الارض قالي اوعي ترجع