ونش انقاذ !!!!!!!!! ميكانيكى ؟؟؟؟؟؟؟؟؟؟؟ كهربائى ؟؟؟؟؟؟؟؟؟

[احمد المصرى]

السلام عليكم


احيانا كتير وانا ماشى الاقى مكتوب فى الشوارع وخاصه المناطق المقطوعه ونش ورقم تليفون مش عارف ليه احساسى بيقول انه بلطجى اساسا ولما العربيه تبوظ منك تكلمه على اساس انه ونش انقاذ وطبعا الباقى انتم عارفينه لانه لو فعلا ونش انقاذ على الاقل هيعمل الاعلان بشكل يليق بالشركه او المكتب ال تابع ليه مش مكتوب بطريقه عشوائيه بالشكل دا


خلوا بالكم يا شباب احتمال 99.9 % يكون بلطجى مش ميكانيكى او ونش انقاذ او كهربائى

[mr_vampire]

فعلا ممكن جدا.

هههههههههههه ياولاد الابالسة. تفكيرهم يوصل انهم يخلو الضحية يتصل بيهم بنفسه عشان يجوله ويسرقو العربية منه.

[midoabdeen]

لا حول ولا قوه الا بالله

دا لو فعلا الكلام دا صح يبقى البلد وصلت لمرحله ان مافيش بلد اصلا ولا حد يخاف على حد
معنى كده ان لما العربيه تعطل منى على طريق واشاور لحد من حقه انه مايقفش ليا

[sasamh]

ونطلع من كدة انك لو عطلت الأمن ليك انك توقف حد من على الطريق يساعدك

[احمد المصرى]

فعلا ممكن جدا.

هههههههههههه ياولاد الابالسة. تفكيرهم يوصل انهم يخلو الضحية يتصل بيهم بنفسه عشان يجوله ويسرقو العربية منه.

ال خلانى اشك والله اعلم ان الاعلان معمول بطريقه عشوائيه لاقصى درجه استحاله تكون شركه او ونش انقاذ يعمل اعلان بالشكل دا يكتب بخط ايده على الرصيف او على اى حائط والاماكن بتكون كلها مريبه اساسا

لا حول ولا قوه الا بالله

دا لو فعلا الكلام دا صح يبقى البلد وصلت لمرحله ان مافيش بلد اصلا ولا حد يخاف على حد
معنى كده ان لما العربيه تعطل منى على طريق واشاور لحد من حقه انه مايقفش ليا

طبعا استحاله انت هتقف لحد واستحاله حد هيقف ليك من كام شهر كنت راجع من اسكندريه وواحده شاورتلى وشكلها بنت ناس بس خفت اقف بصراحه الله اعلم هل العربيه بتاعتها فعلا بايظه ولا بتشتغلنى بس ال لاحظته انها واثقه من نفسها وبتشاور بعشم اوى دا ال خوفنى اكتر

ونطلع من كدة انك لو عطلت الأمن ليك انك توقف حد من على الطريق يساعدك

الائمن من كل دا اننا نعمل الصيانه للعربيات على طول بحيث نخلى تعطيل العربيه شبه نادر وربنا هو ال بيستر اولا واخيرا

[ahmedteam]

صح جدا و قرات اكتر من تحذير ع الفيس بوك عن الموضوع ده

[friendship7897]

ربنا يستر
لو فعلاً توقعاتك في محلها
ويكونوا المنقذين هما النصابين والبلطجية
يبقى عليه العوض ومنه العوض
زمان كوتشي باظ في منطقة مقابر -مكان مرعب
لا عارفة آخد تاكسي - لأن ما فيش أصلاً - ولا عارفة أعمل أيه
هي كانت الساعة مش متأخرة قوي بس الليل دخل -كانت تقريباً سابعة في الشتاء
فقررت أني أغير فردة الكاوتس وأمري لله - والحمد لله بعرف - بس هي المشكلة في قوة الضغط لفك الصواميل
وبمجرد ما بدأت لاقيت - الحمد لله أكتر من سيارة للمساعدة
لا هما خافوا وقلقوا من وقفتي -ولا أنا قلقت من واقفتهم ليا
وأنا كمان كنت كل ما آلاقي واحدة ست واقفة بعربيتها فيها عطل أو حادثة
لازم أركن لها - لكن دلوقتي لا ينفع الواحد يقف لحد ولا يخلي حد يساعده

[S O P H O S]

عندك حق
انا عمري ما بقتنع بالكلام ده

[احمد المصرى]

ربنا يستر
لو فعلاً توقعاتك في محلها
ويكونوا المنقذين هما النصابين والبلطجية
يبقى عليه العوض ومنه العوض
زمان كوتشي باظ في منطقة مقابر -مكان مرعب
لا عارفة آخد تاكسي - لأن ما فيش أصلاً - ولا عارفة أعمل أيه
هي كانت الساعة مش متأخرة قوي بس الليل دخل -كانت تقريباً سابعة في الشتاء
فقررت أني أغير فردة الكاوتس وأمري لله - والحمد لله بعرف - بس هي المشكلة في قوة الضغط لفك الصواميل
وبمجرد ما بدأت لاقيت - الحمد لله أكتر من سيارة للمساعدة
لا هما خافوا وقلقوا من وقفتي -ولا أنا قلقت من واقفتهم ليا
وأنا كمان كنت كل ما آلاقي واحدة ست واقفة بعربيتها فيها عطل أو حادثة
لازم أركن لها - لكن دلوقتي لا ينفع الواحد يقف لحد ولا يخلي حد يساعده

فعلا البلد بقت صعبه جدا والغريب ان ممكن يكون حد فعلا محتاج مساعده بس من خوف الواحد يكبر دماغه منه ايام زمان كان الواحد ممكن يركب معاه اى حد فى جو حر مثلا حاليا بيقول يولع هو انا اعرفه ولا اعرف هو مين مش ممكن يثبتنى وكل الشعب بيقول كدا


وبكرا تشوفوا مصر

[friendship7897]

كنت زمان برضوا أتفرج على فيلم أجنبي
ويكون فيه خناقة
أو حد على جنب الطريق مرمي
أو إستغاثة من سيدة
والناس اللي ماشية بتبص وتكمل مشيها
وممكن اللي متعاطف يلقى نظرة أخرى بعد ما يمشي
لكن من غير مساعدة
كنت بستغرب أوي
دلوقتي ما بستغربش ولا هستغرب تاني منهم ومنا
ربنا يستر

[احمد المصرى]

كنت زمان برضوا أتفرج على فيلم أجنبي
ويكون فيه خناقة
أو حد على جنب الطريق مرمي
أو إستغاثة من سيدة
والناس اللي ماشية بتبص وتكمل مشيها
وممكن اللي متعاطف يلقى نظرة أخرى بعد ما يمشي
لكن من غير مساعدة
كنت بستغرب أوي
دلوقتي ما بستغربش ولا هستغرب تاني منهم ومنا
ربنا يستر

بزعل جدا لما بسمع كدا مع انى بعمل كدا مجبر لما بلاقى راجل عجوز محتاج مساعده بقول مش يمكن دا كمين مثلا من ال الواحد بيسمعه كل يوم