مساعدة في تشطيب

[Red_1024]

السلام عليكم
انا بشطب في شقة وكنت عاوز اشتري شوية حاجات كدة
انا اشتريت السيراميك خلاص
كنت عاوز اشتري فاصل استنالس اللي بيتعمل بين صور السيراميك والسادة منو اجيبة منين غير المحجوب والسلاب علشان غالي جدا هناك
كنت عاوز اشتري كمان مفاتيح الكهرباء (الفيش) اشتريها بتشينو ولا اية
وال cover اللي فوق الفيشة
كمان عاوز مكان كويس لديكورات الدهانات -هعمل طبعة بس علي الحيطة مش اكتر اشتريها منين
المفصلات الناس بتقول كوميكس دي فية مكان اشتريها منة في مدينة نصر

كمان استشارة تانية انا عاوز ادهن الابواب استر لو عامل شبابيك خشب -شيش وزجاج -ادهنها اية ويكون شكلها كويس

[Red_1024]

اقصد من ناحية الديكور يعني لو الابواب استر الشبابيك (الشيش) تدهن اية

[Red_1024]

للرفع

[midoabdeen]

السلام عليكم
انا بشطب في شقة وكنت عاوز اشتري شوية حاجات كدة
انا اشتريت السيراميك خلاص
كنت عاوز اشتري فاصل استنالس اللي بيتعمل بين صور السيراميك والسادة منو اجيبة منين غير المحجوب والسلاب علشان غالي جدا هناك
انزل الفجاله ممكن تلاقى هناك
كنت عاوز اشتري كمان مفاتيح الكهرباء (الفيش) اشتريها بتشينو ولا اية
وال cover اللي فوق الفيشة
فى مفاتيح جديده اللى هو المفتاح الرمادى العريض دا بيجى بالشاسيه والعلبه والمفاتيح والوش كله حته واحد انظف وشكله احاشيك بكتيير
ولو لسه ماخلصتش الكهربه نصيحه خلى الكهربائى يجمع كل مكان فى مفتاح واحد علبه واحده ياعنى اشيك من البوات ياعنى يختار نقطه هى اصلا مفتاح بس يبقى عامل حسابه انه يجمع فيها المكان كله
كمان عاوز مكان كويس لديكورات الدهانات -هعمل طبعة بس علي الحيطة مش اكتر اشتريها منين
المفصلات الناس بتقول كوميكس دي فية مكان اشتريها منة في مدينة نصر
الطبعات والكلام دا مش قضيه عند اى موان قريب منك اكييد هتلاقى
انما لو عايز تتفرج على عينات لشغل ديكورى جديد عليك وعلى يوتن اللى فى شارع النزهه قدام دار الدفاع الجوى عنده اكبر تشكيله مورق واشكال ديكوريه
هو كوميكس كويس جدا بس مش عارف مكانه بالظبط فى مدينه نصر

كمان استشارة تانية انا عاوز ادهن الابواب استر لو عامل شبابيك خشب -شيش وزجاج -ادهنها اية ويكون شكلها كويس
طبعا الزجاج هيتعمل استر عادى زى الابواب مافيش مشكله انما الشيش على حسب اللون اللى هتختاره فى الاستر ياعنى لو لون الاستر بنى هتعملها بنى طبعا حاول تقرب اللون بتاع اللاكيه من لون الاستر لان دى حاجه ودى حاجه تانيه خالص ودى لعبتك بقى اختار اقرب درجه بنى للون الاستر اللى عندك لان درجه اللون فى اللاكيه بتفرق من شركه للتانيه
ولو احتجت اى حاجه تانى تحت امرك

[Red_1024]

طيب والمفاتح الكامل دة اشترية منين؟فية ماركة تانية بيقولوا اسمها alf او حاجةزي كدة حد شافها او سمع عنها وياتري هية الاحسن ولا الباتشينو.

[amrezzat82]

توكيل الف و اليكتك و الموقع بتاعهم




الكتك - التقنية الكهربائية العنوان: 7 ش عبد اللطيف حمزة
المنطقة السادسة , مدينة نصر, القاهرة
معالم الطريق: بجوار معهد الخدمة الاجتماعية
التليفون: 02-26713018, 0100-1331348

الموقع الإلكتروني: http://www.electech-egy.com

[amrezzat82]

عن تجربة الف و الكتك ماركة سعودية محترمة جدا جدا و مصنعة طبقا للمواصفات الأمريكية و البريطانية بجد و مستخدمة فى معظم دول الخليج و المشاريع العملاقة و بالنسبة للجودة سعرها مش غالي أبدا -- بس فى محدودية للشكل الخارجي
انا عملها عندي و انظف كتيير من ماركات كتيرة فى السوق و بدل ما تتخم