استشارة بخصوص شراء شقة بمدينة نصر

[ashraf122]

السلام عليكم عايز اخذ رأيكم فى موضوع مهم جدا ، محمد ابو العنين بتاع سيراميكا كليوبترا عامل شركة مقاولات و بيبيع شقق فى برج فى مدينة نصر انا لسة مسألتش عن الاسعار و المساحات بس كنت عايز اعرف رأيكم هل دى شركة مضمونة و مفيش عليها مشاكل
ولا ابعد عن الشركة دى احسن

[midoabdeen]

والله اللى هيحكم فى دا معامله الشركه
1-عقد بيع موثق فى الشهر العقارى واعمل صحه توقيع من البنك وخد كل ضماناتك
2-اوووووووعى تشترى حاجه لسه مش موجوده ياعنى ماتشتريش حاجه لسه تحت الانشاء معنى انك تدفع فلوس تبقى فى حاجه ملموسه وشايفها قدام عينك
3- اتاكد من جميع الاوراق قبل دفع اى مبلغ التراخيص وملكيته فى الارض
4- لازم تبقى المرافق مكتمله انت بتقول فى م.نصر ياعنى اكيد المرافق موجوده مالوش حجه لو قالك لسه شويه والجو دا

انا اول مره اسمع عنها بصراحه الشركه دى وياريت تبقى تقول ليا على الاسعار لما توصل لحاجه
واخيرا ربنا معاك ويوفقك

[mido]

متابع

[A.Saad]

اتاكد انها تبعه اصلا مش تلاعب

[ashraf122]

هى فعلا تبع محمد ابو العنين و دى اول مرة اعرف انة شغال فى المقاولات و عندة اكتر من مشروع بس السوال هل الراجل دة فى السليم ولا علية قلق

[A.Saad]

هو كان خفض نشاطه كتير بعد يناير 2011
حاليا شكله ابتدى يشتغل تانى
ودور باسم الشركة على النت
لان ادارتها ومديرينها غيره
فمتعرفش ايه الدنيا
واسال الجيران او السكان فى البرج ده او الابراج السابقة ليهم