True Comtact & True Caller

[nona_yaris]

البرامج دي طبعا عارفينها اللي بتديك اسم المتصل لو مش متسجل عندك على الموبايل
لكن اللي اول مرة اعرفه ان البرامج دي بتستمد معلوماتها عن اصحاب الارقام من خلال الموبايلات بتاعتنا مش من شبكات الاتصالات
يعني بيعرفو الارقام اللي على موبايلك وبتنزل على الداتا بيز بتاعتهم بالاسماء اللي انت مسجلها
لو انت يهمك الاحتفاظ بخصوصية بيانات الناس اللي على تليفونك يبقي لازم تدخل علي الاعدادات وتلغي امكانية حصولهم على البيانات لأنها بتبقي مفعلة عند تحميل البرنامج

[mido]

هي مش بتبقي مفعلة هو وانت بتنزل البرنامج بيسألك تحب تعمل شير و يقولك ده بصورة مش مباشرة حاجة اسمها enhanced search
انا مش عامل شير بس معادتش فارقة قوي عشان الناس كلها عاملة شير و الارقام متسيحة كده كده

[nona_yaris]

انا بالاقي نمر مكتوبه باسماء غريبة
سوسو شئون عاملين
نبيل السيدة عيشة
نانا شركة الفلتر
حاجات عجيبة وواضح انها من تلفونات الناس وبدون اي سند
يعني حسب الناس ماهم مسجلين الرقم

[janagabr]

ياباشا كل البرامج بتاخد كوبي من كل النمر اللي عندنا وتخزنها عندهم عشان كده بيظهر اسماء ناس زي احمد بنزينة والبرنامج لازم يسالك قبل ما ياخد نسخه من الاسامي اللي عندك وطبعا بنعمل اوك زي حوار الفيبر اللي مالكه واحد صهيوني عنده بيانات طوب الارض