البلطجة

[lidosasa]

النهاردة كنت فى بيت العيلة وأنا راجع لقيت عربيات داخلة مخالف وجاية فى المقابل كتير جداً على الرغم إن الطريق مش مقفول على ما وصلت لأول الشارع المقابل لقيت كام عربية كبيرة شايلة عفش عريس وناس شكلها عليه غضب ربنا وعاملين زفة وواقفين فى أول الشارع مش بيتحركوا وبيزفوا العفشة ( وكأن الجوازة مش حتكمل لو ما عطلوش مصالح الناس وعرضوا حياتهم للخطر ) المهم هما واقفين جنب مسجد وصلاة العصر بتأذن طبعاً ولا أى إندهاش ورقص وزمر وطبل ( زمان مهما كان البنى أدم واطى كان لما يسمع الآذان وهو فى فرح كان يطلع يجرى يطفى السماعات واللى مش واخد باله ويقوله بتطفى ليه يا أخى يقوم مزعق ليه ويقوله مش سامع الأذان )
المهم مشيت شوية لقيت واحد منهم شكله وش إجرام واقف فى نص كوبرى ( الكوبرى صغير ورايح جاى من غير فاصل فى النص ) وعمال يكلم واحد والعربيات بتفاديه وتكسر على اللى جاى ومفيش حد منهم قادر يزمر ليه حتى

[amr011111]

بصراحه اشكال ضاله ما يعلم بيها الا ربنا وفى الاخر هتلاقى العريس صايع ويطلق العروسه وهيخلفوا مشاريع بلطجيه صعيرين

[أبو آسر]

أزمتنا الكبرى الآن هي أزمة أخلاق انفلتت بصورة لم يشهد تاريخ مصر مثلها من قبل والحياة في البلد الآن للمحترمين أصبحت كالجحيم لذلك أفكر في السفر جديا لأي بلد فسوف تكون أفضل من مصر بلا شك

[Haitham Basha]

إن لم تستحي فافعل ما شئت ... و احنا عندنا في مصر إيييييييييييييه حياء حياء يعني ...!!!

[lidosasa]

المشكلة إن البلطجة أصبح منهج وأسلوب حياة يقلده الصغار ومالى الأفلام فى السينما والتليفزيون . زمان كان الواحد بيستغرب لما يلاقى حد فى فرح بيرقص بسلاح أبيض دلوقتى أفتح أى قناة أغانى حتلاقى كل الأغانى بيرقصوا فيها بسلاح أبيض وخرطوش .
الحياة اصبحت جحيم ودولة القانون فى الضياع زمان كان القانون لا يحمى المغفلين دلوقتى القانون لا يحمى الضعفاء والمظلومين

[أبو آسر]

الكارثة الاكبر لما تلاقي البلطجي والسبارسجي يتعمله افلام وتنجح وتكسب ملايين ويبقى الهلفوت ده بطل من ابطال السينما ومثل اعلى لناس كتير وكل ده كوم وان الشرطة اللي وظيفتها القضاء على البلطجية والصيع تتصور معاهم وتمجدهم وتكرمهم ده كوم تاني !!!

[lidosasa]

الكارثة الاكبر لما تلاقي البلطجي والسبارسجي يتعمله افلام وتنجح وتكسب ملايين ويبقى الهلفوت ده بطل من ابطال السينما ومثل اعلى لناس كتير وكل ده كوم وان الشرطة اللي وظيفتها القضاء على البلطجية والصيع تتصور معاهم وتمجدهم وتكرمهم ده كوم تاني !!!

مش تصوير وبس دول كانوا عازمينه على إفطار رسمى فى رمضان اللى فات فى وزارة الداخلية ودا كان نوع من الإعتذار ليه ورد إعتباره على قيام ضابط شرطة شريف بالقبض عليه متلبس وبحوزته خرطوش وذخيرة

[Mohamed_Hamid]

مصر أصبحت بيئة حاضنة للمجرمين والسبارسية وبالتالى ليست موطن مناسب للمحترمين

[Silent~Dream]

بجد الناس اتغيرت كده ليه و فين طيبه زمان و الحياء و الحب و الاحترام بين الناس ؟؟؟؟؟
ليه الناس فاكره انها ممكن تاخد كل حاجه بالدراع ؟؟؟؟؟ وليه الى ميردش عليهم و يعلمهم الادب يبقى عيل ملوش طلب ؟؟؟
مش عارف يا بلدى انتى رايحه بينا على فين بس يا ريت للامام

[estimation]

ثورة نجسة

[tutankhamoun]

مشكلتنا أن أغلب الشعب عايش بالبلطجة و قلة الادب و الموضوع له أسباب كتيرة و مش مختصرة في الثورة
الثورة هي الغطاء اللي اتشال و أظهر كل الخبث اللي تحته .

[Mohamed_Hamid]

ثورة نجسة

ياباشا ما الشعب طول عمره كدة هى الثورة اللى خلت الناس وحشة؟!
فى واحد قال تشبيه جميل اوى على الثورة: الثورة جت وشالت غطا بلاعة المجارى وطلعت كل الروايح الكريهة والبلاوى السودا. طبعا مفهوم ان أخلاق الشعب المصرى هى المجارى. الثورة أظهرت حقيقة المصريين أكثر أمام أنفسهم مش اكثر

[3mr Farrag]

هي فعلا مايتقلش عليها غير ثوره نجسه
مش علشان كنت بحب النظام القديم ولا بحب الفساد
بس كل الفكره ان الشعب اصلا مش فاهم يعني ايه ديمقراطيه و حريه
فاكر نفسه لما يغير الحكومه هتيجي حكومه تانيه هي اللي تنضفه و تشطفه
و هو يقعد معفن و مزبل ذي ما هو و هي مهمتها بس تلم القذاره من حواليه

غير اصلا الشعب عاشق للقذاره من زمان و مايعرفش يعيش غير في بيئه معفنه
ذي الخنازير بالظبط مع احترامي الكامل للخنازير
لازم تعيش وسط مزبله علشان تعرف تاكل و تشرب
لو قعدتها في جنينه و فيها ورد مش هيعرف يعيش وياكل و هيموتوا من الجوع

بالقذاره اللي احنا عايشين فيها الواحد مايستغربش ان غضب ربنا يطلع علينا
ويخسف بالبلد كلها ذي قوم عاد و يبقي طبعا حلال فينا

[S O P H O S]

ربنا يصلح الحال
ويهدي الناس

[mk3]

ثورة نجسة

انا من رأيك لكن بارجعاها لقول لاخر الا وهو مفيش خروج على الحاكم لان المفسده اكبر وده اللى احنا فيه دلوقتى ومش هنخلص. معانا يارب